Biblia Todo Logo
Bib sou entènèt

- Piblisite -




Aposolo 16:6 - Panake Pi La: Ula: Buka pita: Kine Pieke Buka

6 Kutupa mo Pitikia Ka꞉leisia nane yaapo lombei pupa pemekepate mo Holi Sipitidima꞉ mo Eisia nane pi na walena꞉ leekeme.

Gade chapit la Kopi




Aposolo 16:6
31 Referans Kwoze  

Koto pa꞉ta꞉ hosiki hao hao peaata꞉ mina꞉pa꞉lao mo Ka꞉leisia Pitikia yaapo nane hone tulaasa꞉ wanda꞉halima꞉ honkopu haena꞉ titipu peaaso hata꞉ pomu lopo hayekeme.


Do mandake haloma꞉ kame tonuma꞉ I̱ ame̱le̱ apa꞉tao mo iki Ka꞉leisia kenke pa꞉ta꞉ haleme siosimanu pa꞉ta꞉ nika꞉ a꞉ta꞉pa꞉la꞉ pi la꞉neaasoma꞉me.


Kutupa Maisia nane teke pa꞉ta꞉ opolo epemekepate Bidinia nane poluekema꞉ pu handemekepate Yesu ipika꞉ Sipitidima꞉ sa꞉sa꞉ piekeme.


Hande Holi Sipitidima꞉ I̱ pa꞉ta꞉ alota꞉ Hone ma꞉nda꞉ na wiki koto haliweki ame̱le̱ mandakena꞉ pupe lea꞉me. Koto hande Diopa nane haleme kametiti yunki mindiki hata꞉ haliweki I̱ ame̱le̱ mandakena꞉ Sesatia da nane opolo puaata꞉ Koniliesina꞉ da pa꞉ta꞉ honda꞉ pambolo poma꞉me.


I̱ Pida Yesu Ketisona꞉ Aposoloma꞉ iki Koda꞉ma꞉ ma̱leke lia mea hala꞉ wanda꞉hali mo a꞉nda꞉ma꞉ ta꞉la꞉leke da yoka tankulupu mea pua iki ta Pondasi kenke o Ka꞉leisia kenke o Ka꞉padosia kenke o Eisia kenke kutupa make mo Bidinia do kenke paeyao pa꞉ta꞉ panka꞉ halo peleme wanda꞉hali iki pa꞉ta꞉ do wape pitolome.


Dimasita꞉ do kenkena꞉ hauna꞉ hone wopu pieke ekima꞉ I̱ na leeke mina꞉pa꞉lao mo Desalonaika da nane pua hala꞉me. Ketesinisita꞉ Ka꞉leisia kenke nane pua hala꞉me. Taitasita꞉ mo Da꞉lemeisia kenke nane pua hala꞉me.


Ka꞉leisia wanda꞉halio ikita꞉ you hoeta꞉la꞉ pate ya꞉la꞉me. Epima꞉ hoeyao pa꞉la꞉pe. Mo hande Yesu Ketiso ti manda homeeketa꞉ ikana꞉ma꞉ ika꞉ lekema꞉ handa honema꞉ kone pikisa leke muemena꞉yeke ya pima꞉ ota꞉ tikitiki la kua꞉me.


Koto hau pitolo haena꞉ bapi yaapo yaapeekeme. Koto ekina꞉ mo Eisia wanda꞉hali paeyaoma꞉ Kitiki wanda꞉hali make Diu wanda꞉hali make Tekehalina꞉ pi alemanu opimikime.


Dupa lea꞉me. Nakana꞉ma꞉ do handolo peleeki manuta꞉ wape laaniao kutupa mo bukata꞉ mo watake hata꞉ daoni manuna꞉ siosi pa꞉ta꞉ tapaapeke. Epesese Semena Pekamamo Daetaeda Sadisi Pila꞉delepia make Leiodisiamanu pa꞉ta꞉ loa꞉me lea꞉me.


I̱ta꞉ Dionima꞉ mo Eisia kenke nane hala꞉ watake hata꞉ a꞉ta꞉ alome. Ame do make hala꞉ amba꞉ make hayeke wetepena꞉ make epolo pa꞉la꞉ Koda꞉ma꞉ a꞉ta꞉ma꞉ homolo tamba꞉ mina꞉la꞉eki pita꞉ puki lopa꞉niaasa꞉eki yaapota꞉ iki pa꞉ta꞉ kina꞉e. Koto tupa꞉ mo Koda꞉na꞉ handeteke pila꞉ sea tikitikina꞉ haleme watake hata꞉ sipitidi manuma꞉ make kina꞉e.


Eipoloha꞉ma꞉ ipika꞉ hone tulaeyeke ekima꞉ Koda꞉na꞉ kakena꞉ homa mo hande kuluekee laa pi la꞉ wieke kenke pa꞉ta꞉ peekeme. Ipika꞉ teke da mina꞉pa꞉lao mo ipiki mateke kenke pa꞉ta꞉ peekeme.


Mo Eisia potopinisi haleme wanda꞉hali paeyao make mo hande Paidia꞉lisi pita꞉ Hemodionisi koto hali yaapo tonka꞉na꞉ I̱ mina꞉pa꞉lao peleme ekita꞉ neke hone wotu witeleme.


Kame tonuo nikana꞉ma꞉ mo hande Eisia kenke pa꞉ta꞉ muma꞉ ka꞉nda꞉manu iki pa꞉ta꞉ pa hone u tiaaluekema꞉ hone pa꞉la꞉me. Mo niki manda wia꞉ ka꞉nda꞉ manuta꞉ tieke hombeleke make ka꞉nda꞉ tieke pia꞉ ekima꞉ nikita꞉ do kenkena꞉ hana̱la̱꞉ na pia꞉me hone uma꞉me.


Ikana꞉ma꞉ mo mandane Diutuseleme haleme Koda꞉na꞉ wanda꞉hali tamba꞉ muluekema꞉ mani amu pulu peleme ekita꞉ I̱ma꞉ mo Ka꞉leisia kenke nane haleme siosimanu pa꞉ta꞉ Dupa꞉pe laa loa꞉ tupa꞉ ikana꞉ma꞉ make pea꞉pa꞉peke.


Kutu pita꞉la꞉ ekimanu paeyaota꞉ hande homeke Sipitidima꞉ kone wanda꞉hali homeke homeke pa꞉ta꞉ ipikana꞉ma꞉ ipiki hone pa꞉la꞉ tupa꞉ kone telipaaso hata꞉ peaasa꞉me.


Holi Sipitidima꞉ ikita꞉ handeteke halo peleme haliweki mea hamina꞉ leeke handa ika꞉ kone handeteke hao mo ma꞉na꞉titi paeyao make handeteke hapa꞉peke lea꞉me. Tekehalima꞉ ipika꞉ Eiyekena꞉ wema꞉ kone mieke tapake wanda꞉halita꞉ ikana꞉ma꞉ handeteke hapa꞉peke lea꞉me.


Poloma꞉ ipika꞉ honema꞉ta꞉ mo Eisia nane haena꞉ nate paeyaama꞉na꞉ Epesese da lombei pupa puata꞉ mo hande Diutuseleme da pa꞉ta꞉ opolo polo pa꞉la꞉ nateta꞉ Pendikosi nate a̱i̱ na paeyeke haena꞉ opolo puluekema꞉ hone wia꞉me.


Mandane haliweki ipiki ame̱le̱ mandakena꞉ pemekeme. Paitusina꞉ eiyeke mo Betia da hali Sopade make A꞉tisakusi Sekundusi yaapota꞉ Desalonaika da hali yaapo make mo Debi da hali Kaiasi make mo Eisia potopinisi hali tepota꞉ Timodi Tikikasi Totobimasi koto hali tepo make Polo ame̱le̱ mandakena꞉ pemekeme.


Koto ekina꞉ Pidama꞉ mo hande upa piekeeki hone witolo pitina꞉ mo Holi Sipitidima꞉ alota꞉ Handa꞉e. Hali tepoma꞉ neke oni a꞉pa lota꞉ pita꞉la꞉ handa꞉e leekeme.


Mo amba꞉ hande pieke ekimanu paeyaota꞉ ota꞉ kini pea handaa walemeke haliwekima꞉ niki pa꞉ta꞉ la kimi tupa꞉ kone ikana꞉ma꞉ make ika꞉ wapemanu pa꞉ta꞉ laemekeme.


Kutu piekepate mo ka꞉nda꞉ pikieki mina꞉pa꞉lao pi hotu haemeke da pa꞉ta꞉ haemeke haliweki mandaneeki make kutupa Saitini haliweki make A꞉lekesa꞉ndia haliweki make kutupa mandane Silisia haliweki make Eisia haliweki make mandake pa꞉ta꞉ momba꞉la hata꞉ Sidipeni ame̱le̱ pi yoka꞉ alu pimikime.


Kutupa mo Holi Sipitidima꞉ Pilipi pa꞉ta꞉ alota꞉ Mo hosima꞉ yola yopula꞉ ale teke pa꞉ta꞉ leke pua pita꞉peke leekeme.


Hande nate watake hata꞉ paeluekema꞉ haena꞉ mo Eisia nane hao epemeke Diu haliwekima꞉ Polo mo hande tembolo da tukiki pa꞉ta꞉ hayekeeki handaata꞉ wanda꞉hali paeyao sutiao Polo da꞉ka꞉pa꞉ mina hata꞉ alota꞉


Ipilika꞉ da pa꞉ta꞉ mombolo haleme siosi wanda꞉hali pa꞉ta꞉ make a꞉taloe pi la꞉niaasome. Ota꞉ yaka yankeke Epenitasi pa꞉ta꞉ make a꞉taloe pi la꞉niaasome. Ipikita꞉ mo Eisia nane wanda꞉hali paeyao ame̱le̱ hata꞉ titina꞉ Ketiso biki ipikana꞉ma꞉ amba꞉la mia꞉me.


Mo Eisia Potobinisi nane haleme siosi manuma꞉ iki pa꞉ta꞉ mo keiyae pi la꞉niaasememe. Hande Akuila Pisila toolima꞉ make ipilika꞉ da pa꞉ta꞉ mombolo haleme siosi ikana꞉ma꞉ tonka꞉na꞉ ika꞉ keiyae pi make la꞉niaasememe.


Swiv nou:

Piblisite


Piblisite