Aposolo 16:2 - Panake Pi La: Ula: Buka pita: Kine Pieke Buka

² Mo Lisita Aikoniomo da yaapona꞉ Ketiso wanda꞉halima꞉ Timodi ipika꞉ pi lao haemekeme.

Aposolo 16:2 Referans Kwoze

2 Timodi 3:15

Kutaa make mo hande Yakopiki Baibolona꞉ wape pea ula꞉ pi manuta꞉ neke wekisiki hata꞉ kone kini pea opua꞉tiki a꞉pa ame make paa opuolo haleme. Nakana꞉ma꞉ mo Ketiso Yesu pa꞉ta꞉ hone tulaaseeki pa꞉ta꞉ yama꞉ mea꞉peke da꞉taasa꞉eki muelena꞉ u tiaasa꞉ honeta꞉ do Baibolona꞉ wape pea ula꞉ pi manuma꞉ ka꞉la꞉me.

1 Timodi 5:10

wanda꞉halima꞉ epeke hau pia꞉ wanda꞉e aleme wanda꞉ make ipika꞉ wekiwandiki epeke tupa꞉ handeteke haya꞉ wanda꞉ make na handeke da ma꞉nda꞉ wanda꞉hali epemeke handa꞉mea wamo pia꞉tiki pieke wanda꞉ make Ketiso yankeketonu oto nane hata꞉ tamba꞉ mieke wanda꞉ make ka꞉nda꞉ mina꞉la꞉ wanda꞉hali petelea꞉ wanda꞉ make epeke haumanu puluekema꞉ hone wopu u hayeke wanda꞉ make kosa꞉piki wanda꞉ homekema꞉ koto hau paeyao tonka꞉na꞉ apa꞉tao pea꞉tiki pieki handemeka꞉na꞉ta꞉ kota꞉ ipika꞉ biki wape pea꞉peke.

Hibulu 11:2

Amba꞉ kiake haemeke wanda꞉hali ika꞉ hone tulao hao haemeke ekina꞉ta꞉ Koda꞉ma꞉ iki pa꞉ta꞉ ta꞉na꞉ma꞉ homo hayekeme.

2 Timodi 3:11

Mandane haliwekima꞉ I̱ lu yombu moneao halemeke make tanda wopuna꞉ moneao haloeki make handeme. Mo hande A꞉ndioko da pa꞉ta꞉ make Aikoniomo da pa꞉ta꞉ make kutaa Lisita da pa꞉ta꞉ make do da tepo haliwekima꞉ I̱ ota꞉ hoeya꞉ hau lu yombu haena꞉ kone pa taka꞉lao haowa꞉ ekita꞉ naka꞉ hone wilime. Kutu pimipate kone mo Tekehalima꞉ do koto hau paeyaona꞉ tukiki pa꞉ta꞉ kone I̱ wopu pa꞉ta꞉la꞉ moneao haya꞉me.

1 Timodi 3:7

Ipikita꞉ mo Ketiso na haleme wanda꞉halima꞉ kone ipika꞉ pi laalimikie. Kutu pilie ekima꞉ta꞉ ipika꞉ biki na hoeyaaso haena꞉ mo hande Sadanima꞉ hona꞉maasa꞉ ale pa꞉ta꞉ na lopilieke.

Aposolo 16:40

Polo Sailasi yaapoma꞉ mo dipula da mina꞉pa꞉laota꞉ Lidiana꞉ da pa꞉ta꞉ pepekeme. Ipilikana꞉ma꞉ta꞉ Ketiso wanda꞉hali ame̱le̱ koto pa꞉ta꞉ momba꞉la hata꞉ta꞉ iki pa꞉ta꞉ sa꞉tiaasa꞉ pimanu laata꞉ mo da mina꞉pa꞉lao pepekeme.

Aposolo 14:21

Kutupa Polo Banabasi yaapoma꞉ koto da pa꞉ta꞉ mo hande Pi Seliapo walaka꞉na꞉ disaipolo wanda꞉hali wopu haena꞉ laata꞉ oli hande Lisita Aikoniomo A꞉ndioko damanu paeyao nane la꞉ka꞉la puaata꞉

Aposolo 13:51

Kutu pimikipate mo hali yaapoma꞉ ipilika꞉ ankena꞉ taleeke dokolota꞉ koto A꞉ndioko wanda꞉hali pa꞉ta꞉ tandelaata꞉ Aikoniomo da nane pepekeme.

Aposolo 6:3

Koto ekina꞉ kame titio. Hali paeyao watake hata꞉ hali Holi Sipitidima꞉ tumbula꞉ hali hone wopu u hala꞉ hali kutupa koto hali manuma꞉ do ne telipatiki pina꞉ mimika꞉na꞉ta꞉ nikana꞉ma꞉ mea haena꞉ lolumeke lemekeme.

1 Timodi 5:25

Mandane epeke haumanu make koto tupa꞉ kone peneme peneme yao ula꞉me. Kutaata꞉ mo ota꞉ peneme na ula꞉ epeke hau mandane ekimanu maketa꞉ a꞉mbao wia꞉peke na ya꞉la꞉me.

Aposolo 1:15

Yeni pu pitaata꞉ pa hosiki hao hao peaata꞉ mo Ketisona꞉ pi mina꞉la꞉ wanda꞉halima꞉ pi hotuluekema꞉ mombelemekeme. Iki paeyaota꞉ 120 wanda꞉hali tupa꞉ momba꞉la pitina꞉ Pidama꞉ pi loluekema꞉ tiaeyekeme.

Aposolo 14:1

Kutupa mo Aikoniomo da pa꞉ta꞉ mo Diu haliwekina꞉ pi hotu haemeke da pa꞉ta꞉ telipina꞉ honda꞉ pambepekeme. Kutupa pi epeke tupa꞉ walepeke handa Diu wanda꞉hali wopu make Kitiki wanda꞉hali wopu make Koda꞉na꞉ pi mimikime.

Aposolo 14:6

mo hali yaapoma꞉ opuaata꞉ mo Laikonia nane haepeke Lisita Debi da yaapo pa꞉ta꞉ make mo topu damanu pa꞉ta꞉ make pindipa puaata꞉

Pilipai 2:22

Ikana꞉ma꞉ make Timodita꞉ handolota꞉ ota꞉ epeke halie la handelememe. Kutupa make a꞉tala꞉ leke hata꞉ Timodi dikana꞉ma꞉ Koda꞉na꞉ Pi Seliapo daeyaena꞉ poko hapa꞉ eta꞉ hone wilimime.