Aposolo 16:19 - Panake Pi La: Ula: Buka pita: Kine Pieke Buka

¹⁹ Kutu pia꞉pate mo wandiki ipika꞉ teke haliwekima꞉ta꞉ Nika꞉ hone pia꞉ ekina꞉ mani mia꞉tiki puma꞉ ekita꞉ ameta꞉ paeya꞉me laa hone wiaata꞉ Polo Sailasi yaapo da꞉ka꞉pa꞉ minaata꞉ makedi pa꞉ta꞉ yola꞉ mea pua you haliweki pa꞉ta꞉ pitaemekeme.

Aposolo 16:19 Referans Kwoze

Aposolo 21:30

Kutupa mo daoni wanda꞉hali paeyao tiao anke hao pua homeke pa꞉ta꞉ momba꞉la hata꞉ Polo da꞉ka꞉pa꞉ mina mo tembolo da hama꞉ nane yola꞉ mea pua kutupa kuta kone mo pota꞉manu hambemekeme.

Aposolo 17:6

Kutupa na handa꞉ wieke handaata꞉ Dieisoni make mandane Ketiso haliweki make yola pua mo daonina꞉ ka̱le̱sete haliweki pa꞉ta꞉ wala wi la alota꞉ Hande kenke paeyao la꞉ka꞉la꞉ mina꞉la꞉ haliwekima꞉ do pa꞉ta꞉ make ipulimime.

2 Kotindi 6:5

Nikita꞉ yombua baeme ekimanu make dipula mea lopaeme ekimanu make nate ma꞉nda꞉ nina꞉ wanda꞉hali wopuma꞉ mineke pankolo hata꞉ niki hopiliaaso hata꞉ hoke tetopiki pimanu wopu lememe. Kutupa make haka꞉ta꞉pao e pokoma꞉ ekimanu make u na poluma꞉ ekimanu make ne na noma꞉eki make wopu pua꞉me.

Aposolo 16:16

Hoto ma꞉nda꞉na꞉ hande yeni pu haeme alena꞉ poma꞉pate pota꞉na꞉ ti̱o̱ wandiki ma꞉nda꞉ manda꞉hande puma꞉me. Mo wandikima꞉ta꞉ wetepena꞉ pulu pa꞉la꞉ ekimanu la halolo haena꞉ ipika꞉ teke haliwekima꞉ mani wopu mu haemekeme.

Aposolo 8:3

Kutu pimikipate Soloma꞉ siosi wanda꞉hali hoeyaaluekema꞉ taapeekeme. Ipikana꞉ma꞉ta꞉ da ma꞉nda꞉ ma꞉nda꞉ pa꞉ta꞉ pominolo hata꞉ siosi wanda꞉hali kiki yola꞉ mea hama꞉ nane mea batiki pea dipula mea lopatiki piekeme.

Aposolo 15:26

Hande hali yaapoma꞉ta꞉ Tekehali Yesu Ketiso pa꞉ta꞉ hone wopu witolo hata꞉ ipilika꞉ lokena꞉ hau hone wopu na wiki homeke nono pea haepekeme.

Aposolo 14:19

Kutupa A꞉ndioko Aikoniomo Diu haliweki a꞉paata꞉ mo wanda꞉hali sutiaota꞉ Polo toopima꞉ liata꞉ ota꞉ homa꞉la꞉me laa lu yola daoni hama꞉ nane pemekeme.

Aposolo 14:5

Kutupa mandane Diu haliweki pita꞉ Diendaili haliweki yaapoma꞉ ika꞉ you haliwekima꞉ A꞉pa꞉la꞉me alo haena꞉ mo Solo Banabasi yaapo hoeyao toopima꞉ luekema꞉ tome tome pambemekepate

Aposolo 9:16

I̱ma꞉ yaka hauna꞉ tanda pa꞉la꞉eki mina꞉ la waluekema꞉ pue leekeme.

Maka 13:9

Koto ekina꞉ta꞉ ika꞉ kone wotu handeteke hapa꞉peke. Pa ekipeke wanda꞉halima꞉ iki mo pi yokaalu pulu pa꞉la꞉ haliweki pa꞉ta꞉ mea hatuku pelimikie. Pi hotu hala꞉ damanu tukiki pa꞉ta꞉ iki yombu mea baalimikie. Kutupa yaka bikina꞉ kapomani you halimanu pa꞉ta꞉ make Kini haliweki pa꞉ta꞉ make hata꞉ ika꞉ pu halemekeeki la halimikie leekeme.

Ma꞉tiu 24:9

Koto haumanu pilia꞉ toma꞉na꞉ta꞉ mandane haliwekima꞉ iki pa꞉ta꞉ ka꞉nda꞉manu ku make lu puluekema꞉ iki da꞉ka꞉pa꞉ mina꞉ bepi pilimikie. Ikita꞉ yaeki haleme ekina꞉ wanda꞉hali wopuma꞉ iki honditi wopu pilimikie.

Dia꞉mesi 2:6

Kutu piliepate ikana꞉ma꞉ta꞉ hande natehali wanda꞉hali yaala꞉ma꞉ homaememe. Mandane haliweki epi amedama꞉ iki ka꞉nda꞉ma꞉ homao halemepe o pi yokaalu puluekema꞉ iki yola꞉ mea pu halemepe. Hande hamoko haliwekima꞉ koto hau pu haleme ekina꞉ loa꞉me.

Aposolo 15:22

Koto pa꞉la꞉ ekina꞉ mo aposolo haliweki make mo tondiki haliweki make siosi wanda꞉hali paeyao ame̱le̱ ikana꞉ma꞉ iki pa꞉ta꞉ mandane haliweki talopu mea haena꞉ laata꞉ Polo Banabasi yaapo ame̱le̱ hata꞉ta꞉ mo A꞉ndioko da pa꞉ta꞉ tapaaluekema꞉ hone wimikime. Diudasi biki ma꞉nda꞉ Basabasi meata꞉ Sailasi make talopu mea haena꞉ lemekeme. Mo Ketiso wanda꞉halima꞉ koto hali yaapo pa꞉ta꞉ epeke hone u haemekeme.

1 Timodi 6:10

Mo mani we pamba꞉la꞉ ekima꞉ta꞉ ta꞉ta꞉ ta꞉ta꞉ piki hoke haumanu pu tialo pa꞉la꞉ ekina꞉ teke ula꞉me. Mandane wanda꞉halima꞉ mani muluekema꞉ hone wopu witolo hata꞉ ika꞉ hone tulao halemeeki mina꞉pa꞉lao hoke ka꞉nda꞉ manuma꞉ ika꞉ puki tandama꞉ homo haememe.

Aposolo 15:40

Poloma꞉ Sailasi meaata꞉ Ketiso haliwekima꞉ Koda꞉na꞉ a꞉ta꞉ma꞉ homa꞉la꞉eki mina꞉yeke tapaemekeme.

Aposolo 16:20

Kutupa mo pi yokaalu peao haemeke haliweki pa꞉ta꞉ hatuku pua alota꞉ Do Diu haliwekima꞉ta꞉ nika꞉ da teke hoeyaasepeme lemekeme.

Aposolo 16:25

Kutu piekepate buta꞉hokina꞉ Polo Sailasi yaapoma꞉ Koda꞉ pa꞉ta꞉ yeni pea꞉tiki pea emeli la꞉tiki pipikime. Kutupa mo dipula da pa꞉ta꞉ pitimiki haliwekima꞉ opitolo haena꞉

Aposolo 16:29

Kutupa lamepa mea epo laa mo halima꞉ dipula da tukiki pa꞉ta꞉ ipikana꞉ma꞉ anke hao honda꞉ pambaata꞉ pututuma꞉ homolo hata꞉ paala꞉ pieke handaata꞉ Polo Sailasi yaapo pa꞉ta꞉ lopa꞉niao hali yaapo hama꞉ nane hatuku pua alota꞉

Pilipai 1:30

Ameta꞉ ikana꞉ma꞉ I̱ ame̱le̱ mandakena꞉ ta꞉ma꞉ni pea mo a꞉nda꞉ lita꞉la꞉ ekina꞉ tunao hapa꞉peke ya꞉la꞉me. Mo amba꞉ hande pueke handeme a꞉nda꞉ kone alome. Kutupa ikana꞉ma꞉ ame mo opiteleme a꞉nda꞉ta꞉ koto mandake a꞉nda꞉ kone pa pu halome.

1 Desalonaika 2:2

Desalonaika nane ipuluekema꞉ hamonota꞉ mo Pilipai da nane hata꞉ niki yaala꞉ma꞉ homaaso hata꞉ niki tanda kimieki make ikita꞉ opimime. Kutu pimipate nika꞉ Koda꞉ma꞉ nika꞉ puki hana꞉ noka꞉paeyeke handaata꞉ niki ame̱le̱ a꞉nda꞉ litolo haena꞉ kone iki pa꞉ta꞉ Koda꞉na꞉ Pi Seliapo a꞉pa waloma꞉me.