Aposolo 16:15 - Panake Pi La: Ula: Buka pita: Kine Pieke Buka

¹⁵ Kutupa ipika꞉ tapake ame̱le̱ bapitaisi pea hata꞉ niki pa꞉ta꞉ honke alo hata꞉ alota꞉ Ikana꞉ma꞉ta꞉ I̱ta꞉ pi na tunkuliki Tekehali pa꞉ta꞉ epeke halome hone wimika꞉na꞉ta꞉ kota꞉ ya da pa꞉ta꞉ a꞉pa hao hapa꞉peke lea꞉me. Kutupa honke wopu leeke handa poma꞉me.

Aposolo 16:15 Referans Kwoze

Aposolo 11:14

Koto halima꞉ neke pa꞉ta꞉ lolo pa꞉la꞉ pima꞉ta꞉ neke make naka꞉ da pa꞉ta꞉ haleme wanda꞉hali paeyao tonka꞉na꞉ da꞉taalieke laa lea꞉me.

Hibulu 13:2

Hande leke mineke na handeke wanda꞉hali kone ika꞉ da pa꞉ta꞉ epena꞉ ala꞉ hauta꞉ hone na yonka꞉lapa꞉peke. Kutu pitolo haena꞉ta꞉ pa mandane wanda꞉halima꞉ enisolo halie hone na wiki handa꞉ mea pitao tapaeyekeme.

Aposolo 16:33

Kutupa koto pita꞉ kone ipikana꞉ma꞉ ipilika꞉ hatuku mea pua ipilika꞉ yumbieke alena꞉ ikalima꞉ tandepeekeme. Kutupa koto kone ipika꞉ weki wanda꞉ ame̱le̱ apa꞉tao bapitaisi pimikime.

Luku 24:29

Pate mo hali yaapoma꞉ sa꞉sa꞉ pitolo hata꞉ alota꞉ Timba꞉ amba꞉ ala꞉me. Diki ame̱le̱ hae lepekeme. Koto lepeke Yesuta꞉ mo hali yaapo ame̱le̱ haluekema꞉ da peekeme.

Kini Pieke 19:3

Pate Lodama꞉ta꞉ mo hali yaapo honke paa la꞉tiki pu haota꞉ wetepe nane ipika꞉ da pa꞉ta꞉ hatuku peekeme. Lodama꞉ta꞉ ipika꞉ e pokaasa꞉ haliweki pa꞉ta꞉ alota꞉ Do kimisu tapakena꞉ mandane betedimanu wepiao make epeke ne ma꞉nda꞉ wamo peape leekeme. Kutupa mo ne amu pea wieketa꞉ nemekeme.

3 Dioni 1:8

Koto ekina꞉ta꞉ niki Ketiso wanda꞉halima꞉ta꞉ dupiki wanda꞉hali tamba꞉ mumana꞉e. Pa ekipeke ika꞉ mo ota꞉ ekina꞉ e pokelemeeki telipumana꞉ loa꞉me.

3 Dioni 1:5

Yaka yankekeo. Nakana꞉ma꞉ta꞉ mo naka꞉ Ketiso tapake pa꞉ta꞉ kima꞉ na homeke tamba꞉ mu hale tupa꞉ kone mo neke na handeke Ketiso tapake pa꞉ta꞉ make homeke tupa꞉ kone tamba꞉ mu haleme.

1 Pida 5:12

Do doka꞉tiki tameiya꞉ta꞉ Silipanisi ya kame teke pa꞉ta꞉ ekima꞉ wape peaena꞉ wape pea pua꞉me. I̱ma꞉ iki sa꞉sa꞉ pealuekema꞉yeke ya ota꞉ pi alo hata꞉ mo la꞉tiki epolo pi paeyaota꞉ Koda꞉na꞉ ota꞉ a꞉ta꞉ma꞉ homa꞉la꞉ekie alome. Koto ekina꞉ta꞉ do a꞉ta꞉ma꞉ homa꞉la꞉ ekina꞉ da̱o̱la hao hapa꞉peke.

Pailimono 1:17

Koto ekima꞉ta꞉ nakana꞉ma꞉ I̱ta꞉ naka꞉ ta꞉ma꞉nie hone wika꞉na꞉ta꞉ kota꞉ ipikita꞉ I̱ handa꞉ mu halo pele tupa꞉ kone pa handa꞉ mia꞉peke.

Pilipai 1:7

Koto ta꞉na꞉ma꞉ homolo ekita꞉ ota꞉ a꞉pa꞉la꞉me. Do Koda꞉ma꞉ ka꞉leke pokolo e seliapota꞉ iki ame̱le̱ mandakena꞉ apa꞉tao pokoloma꞉me. Ame do I̱ dipula pilu pita꞉ma꞉ make amba꞉ pa pomu haowa꞉ pita꞉ma꞉ make I̱ma꞉ mo Koda꞉na꞉ Pi Seliapota꞉ honkopu haena꞉ loluekema꞉ ya pima꞉ a꞉nda꞉ litolo hombo peao halo ekita꞉ iki ame̱le̱ apa꞉tao hata꞉ pu haloma꞉me.

Epesese 1:1

I̱ Polota꞉ Koda꞉ ipika꞉ hone pa꞉la꞉ ekina꞉ Yesu Ketiso ipika꞉ aposolo hali halome. I̱ma꞉ do wape pitolo ekita꞉ ikita꞉ Koda꞉ ipika꞉ wanda꞉hali pa꞉ta꞉ pitolome. Ikita꞉ Yesu Ketiso pa꞉ta꞉ hone tulao hata꞉ Epesese da pa꞉ta꞉ halememe.

Ka꞉leisia 6:10

Wanda꞉hali paeyao pa꞉ta꞉ epeke hau pia꞉peke ekina꞉ waleke a꞉nda꞉ opolo epea꞉ka꞉na꞉ta꞉ kota꞉ iki pa꞉ta꞉ epeke hau ota꞉ pia꞉peke ya꞉la꞉me. Kutu pia꞉peke yolo pa꞉la꞉pate mo nika꞉ Ketiso tapakena꞉ haleme wanda꞉hali pa꞉ta꞉ta꞉ hone ota꞉ wopu witolo hata꞉ tamba꞉ mea꞉tiki pea꞉peke ya꞉la꞉me.

2 Kotindi 12:11

I̱ta꞉ hone na wiki halima꞉ pita꞉la꞉eki leke pitolopate ikana꞉ma꞉ I̱ma꞉ kutu pono lelememe. Ikana꞉ma꞉ ta꞉na꞉ma꞉ homelemeeki I̱ pa꞉ta꞉ ota꞉ peneme yao wala꞉peke ya꞉la꞉me. I̱ta꞉ biki na wiki hali yana꞉ kone mo ika꞉ leleme ta꞉ta꞉piki aposolo haliweki pa꞉ta꞉ta꞉ ota꞉ hau homekesiki kone oto pa꞉ta꞉ na halome.

2 Kotindi 5:14

Ketisona꞉ pukima꞉ homa꞉la꞉ ekima꞉ta꞉ niki handeteke hala꞉me. Pa ekipeke nikana꞉ma꞉ hone witolota꞉ hali homekema꞉ta꞉ paeyaona꞉ homaeyekeme. Koto hauma꞉ta꞉ paeyaoma꞉ ipika꞉ homa꞉la꞉eki putu pelememe.

Loma꞉ 16:23

Hande siosi wanda꞉hali mombolo haleme do da pa꞉ta꞉ I̱ handeteke hala꞉ da teke hali Kaiasima꞉ make iki pa꞉ta꞉ a꞉taloe pi la꞉niaasa꞉me. Do daonina꞉ kapomanina꞉ mani handeteke hala꞉ hali Eta꞉situsima꞉ make nika꞉ Ketiso kame Kuodasima꞉ make ipilikana꞉ma꞉ iki pa꞉ta꞉ a꞉taloe pi la꞉niaasepeme.

2 Dioni 1:10

Koto ekina꞉ta꞉ ma꞉nda꞉ epima꞉ dupiki wala꞉la꞉eki na mea epea꞉ka꞉na꞉ta꞉ koto someta꞉ ika꞉ da pa꞉ta꞉manu na handa꞉ mea꞉pa꞉peke. Kutupa ipiki pa꞉ta꞉ta꞉ Puki lopa꞉niaasa꞉eki neke pa꞉ta꞉ wina꞉e pi na lapa꞉peke.

Aposolo 18:8

Mo pi hotu haemeke da you hali Kitisipusima꞉ ipika꞉ weki wanda꞉ ame̱le̱ pi mimikime. Kutupa Kotindi wanda꞉hali wopuma꞉ make Poloma꞉ waleeke pi opua meaata꞉ bapitaisi pimikime.

Aposolo 8:38

Kutupa mo hande hosima꞉ yola yopula꞉ ale dataiwa hali pa꞉ta꞉ alota꞉ Koto pate hae laa Pilipi mo hali yaapo telipina꞉ ikali pa꞉ta꞉ pua kutupa Pilipima꞉ hande hali bapitaisi peaeyekeme.

Aposolo 8:12

Kutu piekepate wanda꞉halima꞉ Pilipima꞉ mo Koda꞉na꞉ epeke Kilu Tombuao Hala꞉ ekina꞉ pi seliapo Yesu Ketisona꞉ biki tonka꞉na꞉ pua waleekeeki pa꞉ta꞉ hone tulaemeke handaata꞉ kota꞉ haliweki make wanda꞉weki make paeyao bapitaisi pimikime.

Luku 14:23

Koto ekina꞉ mo teke halima꞉ hande e pokao hayeke hali pa꞉ta꞉ alota꞉ Papate pa꞉la꞉ pota꞉ pa꞉ta꞉manu puaata꞉ yaka da tumbina꞉ yeke loa꞉ma꞉ wanda꞉hali paeyao handa꞉ mea a꞉pawapeke.

Ma꞉tiu 10:41

Wanda꞉hali epima꞉ Koda꞉na꞉ e pokaasa꞉ hali homeke handaata꞉ Do someta꞉ Koda꞉na꞉ e pokaasa꞉ somee hone witolo hata꞉ ta꞉na꞉ma꞉ homaa handa꞉ mimika꞉na꞉ta꞉ kota꞉ koto somema꞉ mulu pa꞉la꞉ yenki putu piliki kone milimikie. Wanda꞉hali epima꞉ mo epeke hali ma꞉nda꞉na꞉ epeke hau handaa Ipikita꞉ epeke halie laa ta꞉na꞉ma꞉ homaa handa꞉ mimika꞉na꞉ta꞉ kota꞉ koto epeke somema꞉ mulu pa꞉la꞉ yenki putu piliki kone milimikie.

Kini Pieke 33:11

Koto ekina꞉ pilisio. Do I̱ma꞉ mea a꞉palo pa hameke kitolo ale manuta꞉ a꞉pa꞉la꞉me laa mie laata꞉ Koda꞉ma꞉ta꞉ I̱ pa꞉ta꞉ a꞉ta꞉ma꞉ homolo hata꞉ mo I̱ma꞉ weiyua꞉ alemanu paeyao ana꞉na꞉ kia꞉me leekeme. Dieikopema꞉ta꞉ hameke honke la꞉tia puoopu haota꞉ Isoma꞉ wetepena꞉ miekeme.

Ma꞉tiu 3:6

Kutupata꞉ mo wanda꞉halima꞉ ika꞉ hoke haumanu ka꞉la꞉polo liaena꞉ ikita꞉ Dionima꞉ mo Diodani ikali pa꞉ta꞉ bapitaisi peayekeme.

Aposolo 16:31

Ipilikana꞉ma꞉ alota꞉ Tekehali Yesu pa꞉ta꞉ hone tulaapeke. Kutu pika꞉na꞉ta꞉ deto hala꞉eki milipikie. Neke make naka꞉ weki wanda꞉ma꞉ make milimikie lepekeme.

Aposolo 16:34

Kutupa ipika꞉ da pa꞉ta꞉ mo hali yaapo hatuku a꞉pa ipilika꞉ ne haleekeme. Kutupa ipika꞉ weki wanda꞉ ame̱le̱ hata꞉ Koda꞉na꞉ pi mimiki ekina꞉ ta꞉na꞉ma꞉ wotu homemekeme.