Aposolo 15:18 - Panake Pi La: Ula: Buka pita: Kine Pieke Buka

¹⁸ Tekehalima꞉ amba꞉ kone dupiki pi la halaata꞉ koto ala꞉ handa꞉e leekeme.

Aposolo 15:18 Referans Kwoze

Epesese 3:9

Kutupa wanda꞉hali paeyaoma꞉ Koda꞉ma꞉ a꞉mbao u hayeke hone peneme yao yaalo pa꞉la꞉eki make handena꞉yeke I̱ma꞉ walo ponoyeke I̱ pa꞉ta꞉ kia꞉me. Hande ala꞉ta꞉ ala꞉ta꞉ paeyao wepia wina꞉ la꞉la꞉ Koda꞉ma꞉ta꞉ amba꞉ kiaake hatiki epemeke pa꞉ta꞉ kone ipika꞉ u hayeke hone a꞉mbao wia hao hayekeme.

Epesese 1:4

Koda꞉ma꞉ do kenke na wepia wina꞉ leeke natena꞉ta꞉ nikita꞉ Ketiso yaapo hata꞉ ipika꞉eki hamono niki amba꞉ talopu ma꞉la꞉me. Nikita꞉ ipika꞉ leke popeleke nane hata꞉ta꞉ yako pea hata꞉ ekia꞉nda꞉ na piki wanda꞉hali hamonoyeke ma꞉la꞉me.

1 Pida 1:20

Koda꞉ma꞉ do kenke a̱i̱ na wepieke pita꞉ma꞉ kone Yesu amba꞉ mea hayekeme kutupa do wetepe naneta꞉ iki tamba꞉ muluekema꞉ ipiki peneme yaeyekeme.

Epesese 1:11

Hau paeyao pita꞉la꞉ ekita꞉ Koda꞉ ipika꞉ hone wia leeke ekina꞉ kone pita꞉la꞉me. Amba꞉ titi panake pa꞉ta꞉ kone Koda꞉ma꞉ hone wieke handata꞉ ipika꞉ hone wiekeeki pitolo hata꞉ niki talopu meata꞉ Ketiso yaapo ta꞉ma꞉ni pea hata꞉ ota꞉ ipika꞉ wanda꞉hali hamono la꞉la꞉me.

Aposolo 17:26

Hali homeke pa꞉ta꞉ kone ipikana꞉ma꞉ wanda꞉hali paeyaona꞉ tapakemanu kenke paeyaona꞉ mea haena꞉ la꞉la꞉me leekeme. Kutupa ika꞉ natemanu wiaota꞉ ika꞉ kenke tombomanu wiaota꞉

2 Desalonaika 2:13

Tekehalima꞉ pukima꞉ homo hala꞉ kametonuo. Hoto paeyao ikina꞉ Koda꞉ pa꞉ta꞉ keiyae lo hamonoe. Koda꞉ma꞉ iki peteluekema꞉ titina꞉ amba꞉ ma̱leke lia mea haya꞉me. Mo Holi Sipitidima꞉ iki Koda꞉na꞉eki hamena꞉ sa̱ pa꞉la꞉ ekima꞉ make ika꞉ mo ota꞉ pi pa꞉ta꞉ hone tulaleme ekima꞉ make koto ekima꞉ta꞉ Koda꞉ma꞉ iki petelea꞉me.

Ma꞉tiu 13:35

Koto pieke ekita꞉ amba꞉ hande potopede halima꞉ la꞉ wieke pimanu yaena꞉ yeke piekeme. Koto hande potopede halima꞉ la꞉ wieke pita꞉ dupa Wanda꞉hali pa꞉ta꞉ pi loluekema꞉ta꞉ onkoluma꞉ manuma꞉ homeke lolueke. Do kenke wepia wieke ane kini pu mea a꞉pa ame do halome anema꞉ a꞉mbao ula꞉ pi manuta꞉ iki pa꞉ta꞉ I̱ma꞉ peneme yao la halueke leekeme.

Peneme Yaeyekeeki 17:8

Koto sayaleta꞉ amba꞉ta꞉ da꞉ta haya꞉pate ameta꞉ na da꞉taa hala꞉me. Ipikita꞉ ame do siki mo honiki na wiki naku kiake pa꞉ta꞉ hama opolu bao ipiki hoeyaena꞉ pelieke. Do kenkena꞉ haleme wanda꞉hali ika꞉ biki manuta꞉ do kenke a̱i̱ na wepiki haena꞉ kone mo deto hala꞉ wanda꞉halina꞉ biki ula꞉ bukana꞉ ika꞉ biki na lake wanda꞉halita꞉ mo hande sayale handolo hata꞉ penkilipa꞉tia pomilimikie. Amba꞉ a꞉nda꞉ta꞉ da꞉ta haya꞉pate ameta꞉ na deteke hala꞉me. Pate paa opolo ipilieke.

Peneme Yaeyekeeki 13:8

Do kenkena꞉ hala꞉ wanda꞉hali paeyaoma꞉ta꞉ mo sayale pa꞉ta꞉ panda꞉puniao yeiya꞉ laaso hata꞉ yeni pilimikie. Pate do kenke a̱i̱ na wepiki haena꞉ kone ika꞉ biki manuta꞉ mo deto hala꞉ wanda꞉halina꞉ biki ula꞉ bukana꞉ laala꞉ wanda꞉hali homeke homekema꞉ kotoeki na pilimikie. Koto biki ula꞉ bukata꞉ hande limiki Sipisipi Ma꞉na꞉ Ikikina꞉ bukae.

Ma꞉tiu 25:34

Kutu pu paeya꞉ka꞉na꞉ta꞉ mo Kini Halima꞉ ipika꞉ popeke nanema꞉ halimi wanda꞉hali pa꞉ta꞉ alota꞉ Ikita꞉ Koda꞉na꞉ wamo pa꞉la꞉eki mimiki wanda꞉hali yeleme ekina꞉ ika꞉ Apa꞉ Koda꞉ma꞉ do kenke kini pea wepieke toma꞉na꞉ kone tikitiki yao wina꞉ la꞉la꞉ kilu tumbuao hala꞉ kenke a꞉pa mipee lelieke.