Aposolo 15:10 - Panake Pi La: Ula: Buka pita: Kine Pieke Buka

¹⁰ Koto ekina꞉ Koda꞉ma꞉ pa꞉la꞉eki handa kone ameta꞉ pa ekipeke Koda꞉ la handuluekema꞉ hone witelemepe. Nika꞉ apa꞉meima꞉ make nikana꞉ma꞉ kone make mea꞉peke na yeke ka꞉nda꞉ pa꞉la꞉eki kone pa ekipeke mo hande hone tulaaseme wanda꞉hali pa꞉ta꞉ ka꞉nda꞉ma꞉ homena꞉ alemepe.

Aposolo 15:10 Referans Kwoze

Ka꞉leisia 5:1

Ota꞉ ka꞉la꞉pa꞉ tapao hamono Ketisoma꞉ niki ka꞉la꞉pa꞉ tapaala꞉me. Koto pa꞉la꞉ ekina꞉ta꞉ ka꞉la꞉pa꞉ tapaala꞉ wanda꞉hali tupa꞉ taka꞉lao hata꞉ mo pa hameke e pokaaseme wanda꞉hali tupa꞉ paa na hapa꞉peke.

Ma꞉tiu 23:4

Ikana꞉ma꞉ta꞉ wanda꞉halina꞉ peiyoko manda ka꞉nda꞉ piki alemanu tonkao tiao halemepate pa ikana꞉ma꞉ kiao ika꞉ kiki ma̱lekesiki tindipao ma꞉nda꞉ a꞉nda꞉ ota꞉ na tamba꞉ mea tialimikie.

Ka꞉leisia 4:9

Kutu pimipate ameta꞉ ikana꞉ma꞉ Koda꞉ handelememe o dia꞉me ameta꞉ Koda꞉ma꞉ iki handa꞉la꞉me lapeke ya꞉la꞉me. Koto pa꞉la꞉pate pa ekipa mo hoke honkopu na hake kenke tumbao haleme temokomanu pa꞉ta꞉ paa la꞉ka꞉la pua ika꞉ pa hameke e pokaaseme wanda꞉hali kone haluekema꞉ taapo halemepe.

Hibulu 9:9

Koto ekima꞉ta꞉ do ame haloma꞉ wanda꞉halina꞉ pitoloma꞉ hau peneme yawaluekema꞉ la꞉la꞉me. Koto ekita꞉ do ekina꞉ la꞉la꞉me. Mo wanda꞉halima꞉ ika꞉ Koda꞉ pa꞉ta꞉ hala꞉la꞉ alemanu make ma꞉na꞉ hoteke lia haleleme ekimanu make koto ale manuma꞉ta꞉ mo Koda꞉ yeiya꞉ lao haleme wanda꞉halina꞉ pukimanu ota꞉ ala꞉ta꞉ na talena꞉ yeke wamo peawapeke na ya꞉la꞉me. Ota꞉ dia꞉me.

Hibulu 3:9

Koda꞉ma꞉ alota꞉ I̱ma꞉ bapi paeyao hali tieke yaapona꞉ iki pa꞉ta꞉ pua꞉ hau tieke tieketa꞉ pa mo handolo hata꞉ kone ikana꞉ma꞉ I̱ paa makea handemekeme leekeme.

Ma꞉tiu 4:7

Koto leeke Yesuma꞉ ipika꞉ pi hombo peaaso alota꞉ Ota꞉ alepate mo Baiboloma꞉ pi ma꞉nda꞉ta꞉ dupa la꞉la꞉me. Mo Tekehali naka꞉ Koda꞉ta꞉ la handa꞉la꞉eki na pia꞉peke la꞉la꞉me leekeme.

Aposolo 5:9

Pidama꞉ mo wanda꞉ pa꞉ta꞉ alota꞉ Ipiliki yaapoma꞉ ipilika꞉ honema꞉ mo Tekehalina꞉ Holi Sipitidi pa꞉ta꞉ hoke hone mea wialuekema꞉ ekipeke pipipe leekeme. Handa꞉e. Naka꞉ haliki mea hoilu pa꞉la꞉ haliwekita꞉ neke mea hoilu puluekema꞉ amba꞉ do pota꞉ kake pa꞉ta꞉ do a꞉pa haleme handa꞉e leekeme.