Aposolo 14:9 - Panake Pi La: Ula: Buka pita: Kine Pieke Buka

⁹ Ipikana꞉ma꞉ Poloma꞉ pi alo haena꞉ pi opiekeme. Kutupa Poloma꞉ ipiki pa꞉ta꞉ wotu handaata꞉ Do halita꞉ Koda꞉ma꞉ epeaena꞉yeke hone tulaapeke ya꞉la꞉me hone witolo hata꞉

Aposolo 14:9 Referans Kwoze

Aposolo 3:4

Koto leeke Pida Dioni yaapoma꞉ mo hande hali handa꞉moneaaso hata꞉ Pidama꞉ alota꞉ Diki handa꞉e leekeme.

Ma꞉tiu 15:28

Koto leeke Yesuma꞉ hombo peaaso alota꞉ Neketa꞉ hone wopu tulaasa꞉ wanda꞉ ya꞉ka꞉ta꞉me. Koto ekina꞉ta꞉ naka꞉ hone pa꞉la꞉ hauta꞉ ota꞉ pealueke leekeme. Yesuma꞉ koto alo haena꞉ kone mo wanda꞉na꞉ waneketa꞉ paa epeke tupa꞉ tiao hayekeme.

Maka 10:52

Yesuma꞉ ipiki pa꞉ta꞉ alota꞉ Neke pue. Naka꞉ hone tulaasa꞉ ekima꞉ epeaasa꞉me leekeme. Kutupa koto kone ipika꞉ leke yaapo epeeketa꞉ Yesuna꞉ hoki nane teli mea peekeme.

Maka 2:5

Kutupieketa꞉ Yesuma꞉ ika꞉ hone tulaemekeeki handaata꞉ mo homa꞉ pa wieke some pa꞉ta꞉ alota꞉ Ya wekio. Naka꞉ hoke hau manuta꞉ pa paeyaasome leekeme.

Ma꞉tiu 13:58

Koto ekina꞉ ikana꞉ma꞉ ipiki pa꞉ta꞉ hone wopu na tulaemeke handaa kota꞉ ipikana꞉ma꞉ make mo na handeke haumanu iki tukiki pa꞉ta꞉ wopu na piekeme.

Ma꞉tiu 9:22

Yesuma꞉ la꞉ka꞉la꞉moneao ipiki handolo alota꞉ Naka꞉ hone tulaale ekima꞉ neke epeleme leekeme. Koto leeke pa꞉ta꞉ koto kone mo wanda꞉na꞉ yeni paeyao epea hayekeme.

Ma꞉tiu 8:10

Koto leekeeki Yesuma꞉ opuolota꞉ penkilipa꞉tia pominolo hata꞉ mo hande ipika꞉ hoki nane telimiki wanda꞉hali pa꞉ta꞉ alota꞉ I̱ma꞉ iki pa꞉ta꞉ ota꞉ pi alome. Mo Isulai tapake tukiki pa꞉ta꞉ dupiki hone tulaake some homeke ma꞉nda꞉ a꞉nda꞉ I̱ na handolome.

Maka 8:25

Kutupa Yesuma꞉ ipika꞉ kiki yaapoma꞉ mo halina꞉ leke yaapo paa wataeyeke mo halima꞉ wotu handaata꞉ ipika꞉ leke telipina꞉ pa epeekeme. Kutupa ala꞉ta꞉ ala꞉ta꞉ paeyao epeke tupa꞉ handeekeme.

Aposolo 10:4

Koniliesima꞉ mo enisolo pa꞉ta꞉ paala꞉ tieke homa handake witolo hata꞉ alota꞉ Tekehalio. Aleke ka꞉ta꞉pe leekeme. Kutupa ipiki pa꞉ta꞉ alota꞉ Naka꞉ yeni pu haleeki make naka꞉ mani halo haleeki make oli hepeni da nane pua Koda꞉ pa꞉ta꞉ naka꞉ pi laasa꞉me leekeme.