Aposolo 14:4 - Panake Pi La: Ula: Buka pita: Kine Pieke Buka

⁴ Kutu piekepate mo daoni wanda꞉halita꞉ mandane aposolo hali yaapo pa꞉ta꞉ tala꞉tiki mandane wanda꞉halita꞉ Diu wanda꞉hali ame̱le̱ tala꞉tiki pimikime.

Aposolo 14:4 Referans Kwoze

Aposolo 28:24

Mandane haliwekima꞉ ipikana꞉ma꞉ lea꞉ pi opimipate mandaneeki manuma꞉ na opimime.

Aposolo 19:9

Kutu piekepate mandane haliwekima꞉ pi na miki ki hone witolo hata꞉ mo hande Hauna꞉ wanda꞉hali pa pitina꞉ hoke pi lemeke pita꞉ Polota꞉ mo Ketiso haliweki ame̱le̱ koto haliweki mina꞉pa꞉lao puata꞉ Taita꞉nusina꞉ mombolo haemeke da pa꞉ta꞉ nate paeyao pi yokaalu pea꞉tiki piekeme.

Aposolo 14:14

Kutu pimikipate Polo Banabasi yaapoma꞉ opuaata꞉ ipilika꞉ dau sinkipa꞉ minalu pea mo wanda꞉hali tukiki pa꞉ta꞉ anke hao pua wi alo alota꞉

1 Kotindi 9:5

Mo mandane aposolo haliwekima꞉ make mo Tekehalina꞉ hameke titima꞉ make Pidama꞉ make koto haliwekima꞉ piteleme tupa꞉ I̱ make Ketiso wanda꞉ mea hatuku pomua꞉peke ana꞉ na pa꞉la꞉pe.

Aposolo 13:2

Kutupa Tekehali pa꞉ta꞉ ne na neke panda꞉puniaaso haena꞉ mo Holi Sipitidima꞉ alota꞉ Banabasi Solo yaapo yaka walo polo e pokaena꞉yeketa꞉ pa nane haena꞉ lape leekeme.

Dioni 7:43

Koto leeke ekina꞉ wanda꞉halima꞉ Yesu pa꞉ta꞉ hone ta꞉ta꞉ ta꞉ta꞉ witolo hata꞉ putupa alualu pea ta꞉ta꞉ haemekeme.

Luku 2:34

Simionima꞉ iki epeaota꞉ mo wekina꞉ inkiki Meti pa꞉ta꞉ alota꞉ Isulai wanda꞉hali wopu mea da꞉taaluekema꞉ make hoeyaaluekema꞉ make Koda꞉ma꞉ do weki mea haena꞉ laa pa꞉la꞉me. Ipikita꞉ Koda꞉ma꞉ tombo leke haya꞉ka꞉na꞉ta꞉ wanda꞉hali wopuma꞉ ipiki pa꞉ta꞉ pi la la pitolo hata꞉ make

Aposolo 13:45

Kutu pimikipate mo Diu haliwekima꞉ mo wanda꞉hali paeyao handaata꞉ honditi pitolo hata꞉ Poloma꞉ leeke pita꞉ Ya pi ala꞉me laa ipiki pa꞉ta꞉ pi la la pimikime.

Aposolo 13:50

Kutu piekepate hande Diu haliwekima꞉ mo Koda꞉ pa꞉ta꞉ hone wopu u haemeke wanda꞉ tieke tieke mandaneeki manuma꞉ make mo daonina꞉ you haliwekima꞉ make Polo Banabasi yaapo ame̱le̱ a꞉nda꞉ lina꞉yeke sutiaemekeme. Kutupa koto da nane mina꞉pa꞉lao pena꞉yeke tolu limikime.

Aposolo 14:2

Kutu pimiki handa pi na miki Diu haliwekima꞉ mo Diendaili haliweki sutiaaso hata꞉ ika꞉ hone dunki peao Ketiso wanda꞉hali pa꞉ta꞉ hoke hone wina꞉yeke lemekeme.

Aposolo 14:5

Kutupa mandane Diu haliweki pita꞉ Diendaili haliweki yaapoma꞉ ika꞉ you haliwekima꞉ A꞉pa꞉la꞉me alo haena꞉ mo Solo Banabasi yaapo hoeyao toopima꞉ luekema꞉ tome tome pambemekepate

Aposolo 14:19

Kutupa A꞉ndioko Aikoniomo Diu haliweki a꞉paata꞉ mo wanda꞉hali sutiaota꞉ Polo toopima꞉ liata꞉ ota꞉ homa꞉la꞉me laa lu yola daoni hama꞉ nane pemekeme.

1 Desalonaika 2:14

Kametitio. Hande Diudia nane haleme Koda꞉na꞉ siosi tapake Yesu Ketisona꞉ wanda꞉hali pa꞉ta꞉ pieke tupa꞉ kone iki pa꞉ta꞉ make pelememe. Mo hande Diu haliwekima꞉ koto tapake kone tanda halemeke tupa꞉ ika꞉ tapake haliwekima꞉ make iki pa꞉ta꞉ homeke hau kone pimime.