Aposolo 14:1 - Panake Pi La: Ula: Buka pita: Kine Pieke Buka

¹ Kutupa mo Aikoniomo da pa꞉ta꞉ mo Diu haliwekina꞉ pi hotu haemeke da pa꞉ta꞉ telipina꞉ honda꞉ pambepekeme. Kutupa pi epeke tupa꞉ walepeke handa Diu wanda꞉hali wopu make Kitiki wanda꞉hali wopu make Koda꞉na꞉ pi mimikime.

Aposolo 14:1 Referans Kwoze

Aposolo 18:4

Kutupa Hoto Pila꞉ Nate paeyaona꞉ mo pi hotu haemeke da pa꞉ta꞉ Diu haliweki make Kitiki haliweki make ika꞉ hone la꞉ka꞉laluekema꞉ pi yokaalu pia꞉tiki pu hayekeme.

Aposolo 13:51

Kutu pimikipate mo hali yaapoma꞉ ipilika꞉ ankena꞉ taleeke dokolota꞉ koto A꞉ndioko wanda꞉hali pa꞉ta꞉ tandelaata꞉ Aikoniomo da nane pepekeme.

Aposolo 13:46

Kutupa Solo pita꞉ Banabasi yaapoma꞉ paala꞉ma꞉ na homeke hata꞉ pi alo alota꞉ Iki pa꞉ta꞉ amba꞉la Koda꞉na꞉ pi ale wala꞉peke ya꞉la꞉pateo. Ikana꞉ma꞉ kiaaso hata꞉ Nikita꞉ deto hala꞉eki mea꞉peke na ya꞉la꞉me alemeke handaata꞉ kota꞉ handa꞉pe. Mo Diendaili wanda꞉hali pa꞉ta꞉ walo pulupa꞉me lepekeme.

Aposolo 14:21

Kutupa Polo Banabasi yaapoma꞉ koto da pa꞉ta꞉ mo hande Pi Seliapo walaka꞉na꞉ disaipolo wanda꞉hali wopu haena꞉ laata꞉ oli hande Lisita Aikoniomo A꞉ndioko damanu paeyao nane la꞉ka꞉la puaata꞉

Ka꞉leisia 3:28

Koto pa꞉la꞉ ekima꞉ta꞉ kota꞉ mo Diu tapake pita꞉ Diendaili tapake yaapo make ata꞉ka꞉ na pu mo e handeteke hala꞉ haliweki pita꞉ e pokaasa꞉ haliweki yaapo make ata꞉ka꞉ na pu mo wanda꞉ pita꞉ hali yaapo make ata꞉ka꞉ na pu piki iki paeyaota꞉ Yesu Ketiso ame̱le̱ apa꞉tao ota꞉ homeke tapake halememe.

Loma꞉ 10:12

Koto wape pa꞉la꞉ ekita꞉ wanda꞉hali paeyao pa꞉ta꞉ la꞉la꞉me. Diu wanda꞉hali make Diendaili wanda꞉hali make paeyaota꞉ homeke tupa꞉ da꞉ta hapa꞉peke ekina꞉ loa꞉me. Wanda꞉hali paeya tapaona꞉ Tekehali homeke kone hala꞉me. Kutupa make epi ameda paeyaoma꞉ ipika꞉ biki laa honke lemeka꞉na꞉ta꞉ kota꞉ ipikana꞉ma꞉ iki wotu epeaalieke.

Loma꞉ 1:16

Mo hande Pi Seliapoma꞉ Koda꞉ma꞉ta꞉ ipiki pa꞉ta꞉ hone tulaaseme wanda꞉halita꞉ Diu wanda꞉hali amba꞉la Diendaili wanda꞉hali wetepena꞉ paeyao ipikana꞉ma꞉ wele pitolo hata꞉ da꞉taapeke ya꞉la꞉me. Koto ekina꞉ mo Pi Seliapo pa꞉ta꞉ I̱ta꞉ ota꞉ ti lao halome.

Aposolo 19:17

Koto piekeeki mo Epesese da Kitiki pita꞉ Diu wanda꞉hali paeyaoma꞉ opuaka꞉na꞉ paala꞉ma꞉ homemekeme. Kutupa Tekehali Yesuna꞉ bikita꞉ kende tia wiekeme.

Aposolo 19:8

Kutupa mo pi hotu haemeke da pa꞉ta꞉ puata꞉ sumba꞉ tepona꞉ hata꞉ Koda꞉na꞉ Kilu Tombuao Hala꞉ ekina꞉ paala꞉ma꞉ na homeke pi yokaalu pea꞉tiki pea honke alo hata꞉ pi la꞉tiki piekeme.

Aposolo 18:8

Mo pi hotu haemeke da you hali Kitisipusima꞉ ipika꞉ weki wanda꞉ ame̱le̱ pi mimikime. Kutupa Kotindi wanda꞉hali wopuma꞉ make Poloma꞉ waleeke pi opua meaata꞉ bapitaisi pimikime.

Aposolo 17:12

Koto ekina꞉ paeyaoma꞉ pi mimikime. Kutupa mandane Kitiki wanda꞉weki tiekemanu make mandane Kitiki haliweki wopu make pi mimikime.

Aposolo 17:4

Kutupa ipikana꞉ma꞉ alota꞉ Do hande I̱ma꞉ iki pa꞉ta꞉ waloa꞉ Yesuta꞉ ota꞉ Ketisoe leekeme. Kutupa mandaneeki manuma꞉ hone la꞉ka꞉lao hata꞉ Polo Sailasi yaapo ame̱le̱ ta꞉ma꞉ni pea haemekeme. Kutupa Koda꞉ pa꞉ta꞉ hone wopu u haemeke Kitiki wanda꞉halima꞉ make mandane keileke wanda꞉wekima꞉ make kutu pimikime.

Aposolo 13:43

Kutupa mo pi hotu haemeke da pa꞉ta꞉ pi hotia paeyeketa꞉ Diu haliweki wopu make Koda꞉ pa꞉ta꞉ hone wopu u haemeke Diendaili haliweki wopu make Polo Banabasi yaapo teli mea pemekeme. Kutupa ipilikana꞉ma꞉ mo haliweki pa꞉ta꞉ pi laata꞉ Koda꞉na꞉ pa a꞉ta꞉ma꞉ homa꞉la꞉eki honkopu hao wotu miniki hao haena꞉ pi walepekeme.

Aposolo 11:21

Kutupa Koda꞉ma꞉ mo haliweki tamba꞉ minolo haena꞉ wanda꞉hali wopuma꞉ pi meaata꞉ Tekehali pa꞉ta꞉ la꞉ka꞉la pemekeme.

Aposolo 9:20

Ipikana꞉ma꞉ koto kone Yesu Ketisona꞉ pi mo pi hotu haemeke da pa꞉ta꞉ walolo hata꞉ alota꞉ Yesuta꞉ Koda꞉na꞉ Eiyekee leekeme.

Aposolo 21:28

Isulai haliwekio. A꞉pa niki pa꞉ta꞉la꞉pe lemekeme. Nika꞉ wanda꞉hali pa꞉ta꞉ make mo hande Lo Pimanu pa꞉ta꞉ make do da pa꞉ta꞉ make wanda꞉hali paeyaoma꞉ hoke hone wina꞉yeke la꞉tia pomina꞉la꞉ hali doe lemekeme. Kutupa make do tembolo da tukiki pa꞉ta꞉ Kitiki haliweki hatuku a꞉paata꞉ do pi ula꞉ da amba꞉ hoeyaeya꞉ka꞉ta꞉me laa lemekeme.

Aposolo 20:21

Kutupa Diu wanda꞉hali pa꞉ta꞉ make Kitiki wanda꞉hali pa꞉ta꞉ make ika꞉ Koda꞉ pa꞉ta꞉ hone ma꞉nda꞉ la꞉ka꞉la꞉ mina꞉ wiaata꞉ nika꞉ Tekehali Yesu Ketisona꞉ pi miniki haena꞉yeke walo haowa꞉ ekita꞉ handememe lea꞉me.

Aposolo 17:17

Koto ekina꞉ mo pi hotu haemeke da pa꞉ta꞉ mo Diu haliweki Koda꞉ pa꞉ta꞉ hone wopu wimiki haliweki ame̱le̱ mo makedi pa꞉ta꞉ haemeke haliweki ame̱le̱ make nate paeyao pi yokaalu pea꞉tiki pimikime.

Aposolo 16:1

Kutupa mo Debi Lisita da yaapo nane opolo epepekeme. Ketiso hali homeke Timodi koto pa꞉ta꞉ hayekeme. Ipika꞉ inkikita꞉ Diu wanda꞉ma꞉ kone pi miniki hayeke wanda꞉na꞉ eiyeke hayekepate ipika꞉ ateketa꞉ Kitiki hali hayekeme.

Aposolo 14:2

Kutu pimiki handa pi na miki Diu haliwekima꞉ mo Diendaili haliweki sutiaaso hata꞉ ika꞉ hone dunki peao Ketiso wanda꞉hali pa꞉ta꞉ hoke hone wina꞉yeke lemekeme.

Aposolo 13:5

Kutupa Salamisa da nane opolo puaata꞉ Diu haliwekina꞉ pi hotu haemeke damanu pa꞉ta꞉ Koda꞉na꞉ pi ale waloendi pu haepekeme. Dioni Makama꞉ make ipiliki petoloendi pu hayekeme.

Dioni 12:20

Mo hande ne pambemeke pita꞉ Diutuseleme da pa꞉ta꞉ yeni pulu pemeke wanda꞉hali ame̱le̱ta꞉ mandane Kitiki wanda꞉hali make pemekeme.

Dioni 7:35

Mo Diu haliwekima꞉ ika꞉ ika꞉ kone pi la꞉ alu alu pitolo hata꞉ alota꞉ Ipikita꞉ mo nikana꞉ma꞉ na handolo poloma꞉ tupa꞉ hane poluekema꞉ ala꞉pe. Ipikita꞉ mo nika꞉ wanda꞉hali haleme Kitiki daoni pa꞉ta꞉manu mo Kitiki wanda꞉hali walo peliekepe.

Kolosi 3:11

Kotoeki tekena꞉ta꞉ mo Diendaili pita꞉ Diu yaapota꞉ ameta꞉ tukikina꞉ tekili pea꞉peke na ya꞉la꞉me. Sekemesaisi na pa꞉la꞉ wanda꞉hali make sekemesaisi pa꞉la꞉ wanda꞉hali make mo Kitiki pi na opimiki wanda꞉hali make mo yeti sayalema꞉ handeke wanda꞉hali make ka꞉la꞉pa꞉ tapao haleme wanda꞉hali make pa hameke e pokaaseme wanda꞉hali make iki paeyao pa na tekili pea꞉peke ya꞉la꞉me. Pate Ketisota꞉ do hauna꞉ teke make ipikita꞉ paeyao pa꞉ta꞉ hala꞉me.

Ka꞉leisia 2:3

Ya hatuku poa꞉ some Taitasita꞉ Kitiki hali hayekepate mandane tapakema꞉ ipikita꞉ sekemesaisi hau pina꞉e lemekepate kone paeyaoma꞉ koto hau na peaemekeme.

Aposolo 19:10

Koto hau pitolo haena꞉ bapi yaapo yaapeekeme. Koto ekina꞉ mo Eisia wanda꞉hali paeyaoma꞉ Kitiki wanda꞉hali make Diu wanda꞉hali make Tekehalina꞉ pi alemanu opimikime.

Maka 7:26

Ipikita꞉ Sitia nane hala꞉ da Pinisia wanda꞉ kone hayekepate Kitiki pi lo hayekeme. Ipika꞉ wandikina꞉ weleke tukiki pa꞉ta꞉ pitieke hoke temoko Yesuma꞉ tolu lina꞉yeke honke leekeme.

Aposolo 2:47

Koda꞉na꞉ pi laaso hata꞉ kutu pimikime. Kutupa wanda꞉hali paeyaoma꞉ make iki pa꞉ta꞉ ta꞉na꞉ma꞉ homa꞉tiki pimikime. Koto ekina꞉ nate paeyao Tekehalima꞉ mo da꞉taena꞉yeke pi mimiki wanda꞉hali iki ame̱le̱ haena꞉yeke mea ta꞉ma꞉ni peao haena꞉ la꞉tiki piekeme.

Aposolo 14:19

Kutupa A꞉ndioko Aikoniomo Diu haliweki a꞉paata꞉ mo wanda꞉hali sutiaota꞉ Polo toopima꞉ liata꞉ ota꞉ homa꞉la꞉me laa lu yola daoni hama꞉ nane pemekeme.

Aposolo 16:2

Mo Lisita Aikoniomo da yaapona꞉ Ketiso wanda꞉halima꞉ Timodi ipika꞉ pi lao haemekeme.

2 Timodi 3:11

Mandane haliwekima꞉ I̱ lu yombu moneao halemeke make tanda wopuna꞉ moneao haloeki make handeme. Mo hande A꞉ndioko da pa꞉ta꞉ make Aikoniomo da pa꞉ta꞉ make kutaa Lisita da pa꞉ta꞉ make do da tepo haliwekima꞉ I̱ ota꞉ hoeya꞉ hau lu yombu haena꞉ kone pa taka꞉lao haowa꞉ ekita꞉ naka꞉ hone wilime. Kutu pimipate kone mo Tekehalima꞉ do koto hau paeyaona꞉ tukiki pa꞉ta꞉ kone I̱ wopu pa꞉ta꞉la꞉ moneao haya꞉me.