Aposolo 13:51 - Panake Pi La: Ula: Buka pita: Kine Pieke Buka

⁵¹ Kutu pimikipate mo hali yaapoma꞉ ipilika꞉ ankena꞉ taleeke dokolota꞉ koto A꞉ndioko wanda꞉hali pa꞉ta꞉ tandelaata꞉ Aikoniomo da nane pepekeme.

Aposolo 13:51 Referans Kwoze

Ma꞉tiu 10:14

Kutaa make mandane daoni o da teke manuma꞉ a꞉nda꞉ iki pa꞉ta꞉ Epeke a꞉pa꞉la꞉me laa na handa꞉ mu make o ika꞉ pi na opu pimika꞉na꞉ta꞉ kota꞉ koto da yu mina꞉pa꞉lao ika꞉ ankena꞉ pa꞉la꞉ dokolo tande laa mina꞉pa꞉lao pua꞉pa꞉peke.

Aposolo 18:6

Kutu piekepate ipiki tolu luekema꞉ pi la la pimiki pita꞉ Poloma꞉ ipika꞉ dau tandela iki pa꞉ta꞉ alota꞉ I̱ dia꞉me. Ika꞉ youna꞉ ika꞉ we mendia꞉pa꞉peke leekeme. Ya ketete dia꞉me leekeme. Ameta꞉ Diendaili wanda꞉hali pa꞉ta꞉ pulume leekeme.

Luku 9:5

Daoni ma꞉nda꞉ pa꞉ta꞉ mandali epima꞉ iki na handa꞉ mimika꞉na꞉ta꞉ kota꞉ koto daoni mina꞉pa꞉laaso hata꞉ mo wanda꞉hali kinki pitolota꞉ ika꞉ ankena꞉ ta̱la̱꞉la̱꞉ dokolo tande lapa꞉peke leekeme.

Aposolo 14:21

Kutupa Polo Banabasi yaapoma꞉ koto da pa꞉ta꞉ mo hande Pi Seliapo walaka꞉na꞉ disaipolo wanda꞉hali wopu haena꞉ laata꞉ oli hande Lisita Aikoniomo A꞉ndioko damanu paeyao nane la꞉ka꞉la puaata꞉

Aposolo 14:19

Kutupa A꞉ndioko Aikoniomo Diu haliweki a꞉paata꞉ mo wanda꞉hali sutiaota꞉ Polo toopima꞉ liata꞉ ota꞉ homa꞉la꞉me laa lu yola daoni hama꞉ nane pemekeme.

Aposolo 14:1

Kutupa mo Aikoniomo da pa꞉ta꞉ mo Diu haliwekina꞉ pi hotu haemeke da pa꞉ta꞉ telipina꞉ honda꞉ pambepekeme. Kutupa pi epeke tupa꞉ walepeke handa Diu wanda꞉hali wopu make Kitiki wanda꞉hali wopu make Koda꞉na꞉ pi mimikime.

Maka 6:11

Da ma꞉nda꞉ nane pemeka꞉na꞉ta꞉ iki na handa꞉ mimika꞉na꞉ta꞉ ika꞉ pi na opimiki kiaemeka꞉na꞉ta꞉ kota꞉ koto da pa꞉ta꞉ na hake pemeka꞉na꞉ta꞉ ika꞉ ankena꞉ tala꞉la꞉ dokolo tandelapa꞉peke. Mo wanda꞉halima꞉ kiaemekeeki tombo waluekema꞉ tandelapa꞉peke leekeme.

Aposolo 16:2

Mo Lisita Aikoniomo da yaapona꞉ Ketiso wanda꞉halima꞉ Timodi ipika꞉ pi lao haemekeme.

2 Timodi 3:11

Mandane haliwekima꞉ I̱ lu yombu moneao halemeke make tanda wopuna꞉ moneao haloeki make handeme. Mo hande A꞉ndioko da pa꞉ta꞉ make Aikoniomo da pa꞉ta꞉ make kutaa Lisita da pa꞉ta꞉ make do da tepo haliwekima꞉ I̱ ota꞉ hoeya꞉ hau lu yombu haena꞉ kone pa taka꞉lao haowa꞉ ekita꞉ naka꞉ hone wilime. Kutu pimipate kone mo Tekehalima꞉ do koto hau paeyaona꞉ tukiki pa꞉ta꞉ kone I̱ wopu pa꞉ta꞉la꞉ moneao haya꞉me.

Luku 10:11

Ika꞉ daoni tukiki pa꞉ta꞉ ula꞉ dokolota꞉ nika꞉ ankena꞉ ta̱la̱꞉la̱꞉ ekita꞉ iki pa꞉ta꞉ kone koto tandela꞉neasoma꞉pate doeki homeke hone wipee laata꞉ Koda꞉na꞉ Kilu Tombuao Hala꞉ ekita꞉ iki teke siki pa꞉ta꞉ koto epea꞉me hone wotu wia꞉pa꞉peke lapa꞉peke.