Aposolo 13:48 - Panake Pi La: Ula: Buka pita: Kine Pieke Buka

⁴⁸ Kutupa mo Diendaili wanda꞉halima꞉ koto pi opuaata꞉ ta꞉na꞉ma꞉ homolo hata꞉ mo Koda꞉na꞉ pi laemekeme. Kutupa deto hala꞉eki mulu pimiki wanda꞉halima꞉ pi mimikime.

Aposolo 13:48 Referans Kwoze

Epesese 1:4

Koda꞉ma꞉ do kenke na wepia wina꞉ leeke natena꞉ta꞉ nikita꞉ Ketiso yaapo hata꞉ ipika꞉eki hamono niki amba꞉ talopu ma꞉la꞉me. Nikita꞉ ipika꞉ leke popeleke nane hata꞉ta꞉ yako pea hata꞉ ekia꞉nda꞉ na piki wanda꞉hali hamonoyeke ma꞉la꞉me.

Loma꞉ 11:7

Koto pa꞉la꞉ ekina꞉ nikana꞉ma꞉ eki pi loluma꞉pe. Isulai wanda꞉halima꞉ ika꞉ weimiki ekita꞉ na handa꞉ wimikime. Koda꞉ma꞉ hande talopu mea haena꞉ leeke wanda꞉hali tepo tepo homeke handa꞉ wimikipate mo mandane wanda꞉halima꞉ta꞉ Koda꞉ma꞉ wi leeke ekita꞉ na opimikime.

Dioni 10:16

Yaka mandane ma꞉na꞉manu make halememe. Do haleme ekimanu homeke na loa꞉me. Iki make yaka pi ho̱la̱꞉make opitolo haena꞉ I̱ma꞉ mina꞉neaalueke. Kutupa mo ma꞉na꞉manu tapake homeke halo pelemepateta꞉ handeteke hala꞉ hali make homeke kone halieke.

Dioni 11:52

Kutupa make mo Diu wanda꞉hali pa꞉ta꞉ homeke na homeke mo Koda꞉na꞉ weki wandikita꞉ pa hata꞉ pepi pea haena꞉ kone paeyao handa꞉ mea homeke tapake kone apa꞉tao haena꞉yeke Yesu homolo pa꞉la꞉eki la halolo hata꞉ leekeme.

Epesese 1:19

Kutupa make niki hone tulao haloma꞉ wanda꞉hali niki tukiki pa꞉ta꞉ pita꞉ ipika꞉ wele pita꞉la꞉eki daeyaatiki pua꞉pekeeki hone wilimikie. Do hande niki tukiki pa꞉ta꞉ pila꞉ wele pita꞉la꞉ ekita꞉

Aposolo 2:41

Koto leeke handa wanda꞉hali wopuma꞉ Pidama꞉ waleeke pi opuaata꞉ bapitaisi hau pimikime. Paeyaota꞉ 3 daoseni wanda꞉hali tupa꞉ koto natena꞉ mo hande pi minolo hata꞉ mo Ketiso wanda꞉hali ame̱le̱ apa꞉tao hao haemekeme.

Aposolo 22:10

Kutupa I̱ma꞉ alota꞉ Tekehalio. Eki peonope loa꞉me. Kutupa ipikana꞉ma꞉ I̱ pa꞉ta꞉ alota꞉ Tiao. Mo Damasikasi da pa꞉ta꞉ pua pitika꞉na꞉ ma꞉nda꞉ma꞉ a꞉pa naka꞉ pulu peleeki la kilieke laa la꞉niaeya꞉me.

Luku 7:8

Pa ekipeke. I̱ta꞉ mandane ami you hali oto pa꞉ta꞉ halome. Kutaa I̱ oto pa꞉ta꞉ make mandane ami haliweki halememe. Kutupa I̱ma꞉ ma꞉nda꞉ pa꞉ta꞉ Pue loa꞉ka꞉na꞉ta꞉ pelieke. Ma꞉nda꞉ pa꞉ta꞉ make Epoe loa꞉ka꞉na꞉ta꞉ ipilieke. Kutupa yaka pa hameke e pokaasa꞉ some pa꞉ta꞉ Do e pokae loa꞉ka꞉na꞉ta꞉ kota꞉ ota꞉ pealieke leekeme.

Loma꞉ 13:1

Iki paeyaoma꞉ta꞉ mo kapomanina꞉ biki ula꞉ haliwekina꞉ pi opua꞉peke ya꞉la꞉me. Do ekina꞉yeke loa꞉me. Koda꞉ma꞉ you hali ma꞉nda꞉ma꞉ta꞉ wanda꞉hali handeteke haena꞉ mea haena꞉ lea꞉ka꞉na꞉ta꞉ kota꞉ handeteke hapeke ya꞉la꞉me. Kutupa ame do handeteke haleme you haliwekita꞉ Koda꞉ma꞉ pina꞉e laa mea haleke handa halememe.

Aposolo 28:23

Kutupa nate wiata꞉ ipika꞉ haya꞉ da pa꞉ta꞉ haliweki wopu pua mombelememe. Kutupa Poloma꞉ mo haliweki pa꞉ta꞉ mo hande Koda꞉na꞉ Kilu Tombuao Hala꞉ pimanu walo haya꞉eki da ka꞉la꞉paaso la pua timba꞉ laeya꞉me. Yesuna꞉ pi opua mina꞉yeke ipikana꞉ma꞉ hande Mosesina꞉ wape pa꞉la꞉ Lo Pimanu make mo potopede haliwekina꞉ wape pelemeeki pa꞉ta꞉ make laa walea꞉me.

Aposolo 2:47

Koda꞉na꞉ pi laaso hata꞉ kutu pimikime. Kutupa wanda꞉hali paeyaoma꞉ make iki pa꞉ta꞉ ta꞉na꞉ma꞉ homa꞉tiki pimikime. Koto ekina꞉ nate paeyao Tekehalima꞉ mo da꞉taena꞉yeke pi mimiki wanda꞉hali iki ame̱le̱ haena꞉yeke mea ta꞉ma꞉ni peao haena꞉ la꞉tiki piekeme.

Aposolo 20:13

Kutu pia꞉pate niki amba꞉la puata꞉ mo palai kawaso tiekena꞉ pitata꞉ Todoa꞉si da mina꞉pa꞉lao Polota꞉ Asosi da pa꞉ta꞉ manda꞉hande puluekema꞉ poma꞉me. Poloma꞉ niki pa꞉ta꞉ta꞉ Pota꞉na꞉ pua mo Asosi da pa꞉ta꞉ opolo a꞉pono pupe leeke handa poma꞉me.

Ma꞉tiu 28:16

Hande 11 disaipolo haliwekita꞉ mo Ka꞉lili opolo puaata꞉ Yesuma꞉ Pua꞉pekee laa amba꞉ la꞉ wieke peiyene pa꞉ta꞉ pemekeme.

2 Desalonaika 3:1

Kametonuo. Paeyaaso pita꞉ dupa. Tekehalina꞉ pita꞉ hande iki pa꞉ta꞉ peo la꞉pa wia꞉ tupa꞉ mo mandane wanda꞉hali pa꞉ta꞉ make a̱i̱ peo lena꞉e. Kutupa ikana꞉ma꞉ do pita꞉ seliapoe la kende tupa꞉ wina꞉ lena꞉ nika꞉na꞉ yeni peao hapa꞉peke.

1 Kotindi 16:15

Some ma꞉nda꞉ Sitepanisita꞉ ipika꞉ weki wanda꞉ tonka꞉na꞉ ikana꞉ma꞉ handelememe. Koto tapaketa꞉ mo Akaya Potobinisi nane hata꞉ta꞉ ota꞉ amba꞉ titina꞉ pi mea hata꞉ pa Koda꞉na꞉ wanda꞉halina꞉ e pokaatiki pitelememe. Koto ekina꞉ ya kametiti iki pa꞉ta꞉ honke alo hata꞉ dupa alome.

Aposolo 15:31

Kutupa yata꞉paka꞉na꞉ta꞉ hande mana꞉ lemekeeki opuaata꞉ ta꞉na꞉ma꞉ homemekeme.

Aposolo 15:2

Koto lemeke ekina꞉ Polo Banabasi yaapoma꞉ mo haliweki ame̱le̱ ka꞉nda꞉piki pi tieke lepeketa꞉ hande A꞉ndioko Ketiso tapake haliwekima꞉ Polo Banabasi yaapo make mandane haliwekima꞉ mo Diutuseleme haemeke aposolo haliweki pa꞉ta꞉ make mo handeteke haemeke tondiki haliweki pa꞉ta꞉ make hande walemeke pi hotulu pena꞉yeke mimikime.

Aposolo 13:42

Solo Banabasi yaapota꞉ hama꞉ nane pulu haena꞉ wanda꞉halima꞉ ipiliki pa꞉ta꞉ alota꞉ Hande lepe pi mo Hoto Pila꞉ Nate ma꞉nda꞉na꞉ make pa lopena꞉e laa honke lemekeme.

Aposolo 8:8

Kutupa koto daoni pa꞉ta꞉ ta꞉na꞉ tieke homo haemekeme.

Ma꞉tiu 25:46

Koto wanda꞉halita꞉ honiki na paeyo hala꞉ hoke yenki mu hala꞉ pa꞉ta꞉ tapaalieke. Pate mo tikitiki wopu piki wanda꞉hali ikita꞉ honiki na paeyo deto hala꞉ pa꞉ta꞉ pelimikie leekeme.

Aposolo 13:12

Mo kapomanina꞉ you halima꞉ta꞉ kutu piekeeki hando haota꞉ hone tulaeyekeme. Tekehalina꞉ pi waleekeeki opitolo hata꞉ penkilipa꞉tia pomiekeme.

Loma꞉ 8:28

Koda꞉ma꞉ta꞉ ipiki pa꞉ta꞉ pukima꞉ homoloma꞉ wanda꞉hali niki ame̱le̱ hata꞉ wetepe pulu pa꞉la꞉ ekimanu epekeeki wina꞉yeke pu hala꞉me. Koto wanda꞉hali nikita꞉ Koda꞉ma꞉ ipika꞉ hone wita꞉la꞉eki peaaluekema꞉ niki wi la꞉la꞉me. Koto pa꞉la꞉ ekita꞉ nikana꞉ma꞉ handoloma꞉me.

Epesese 1:5

Koda꞉ma꞉ pukima꞉ homolo hata꞉ta꞉ Yesu Ketisoma꞉ nikita꞉ Koda꞉ ipika꞉ eiyekemanu hamono ipiki pa꞉ta꞉ hatuku epena꞉yeke hone amba꞉ wiekeme. Koto ekita꞉ Koda꞉ma꞉ hone pieke ekina꞉ hone wiekeme.

Epesese 1:11

Hau paeyao pita꞉la꞉ ekita꞉ Koda꞉ ipika꞉ hone wia leeke ekina꞉ kone pita꞉la꞉me. Amba꞉ titi panake pa꞉ta꞉ kone Koda꞉ma꞉ hone wieke handata꞉ ipika꞉ hone wiekeeki pitolo hata꞉ niki talopu meata꞉ Ketiso yaapo ta꞉ma꞉ni pea hata꞉ ota꞉ ipika꞉ wanda꞉hali hamono la꞉la꞉me.