Aposolo 13:43 - Panake Pi La: Ula: Buka pita: Kine Pieke Buka

⁴³ Kutupa mo pi hotu haemeke da pa꞉ta꞉ pi hotia paeyeketa꞉ Diu haliweki wopu make Koda꞉ pa꞉ta꞉ hone wopu u haemeke Diendaili haliweki wopu make Polo Banabasi yaapo teli mea pemekeme. Kutupa ipilikana꞉ma꞉ mo haliweki pa꞉ta꞉ pi laata꞉ Koda꞉na꞉ pa a꞉ta꞉ma꞉ homa꞉la꞉eki honkopu hao wotu miniki hao haena꞉ pi walepekeme.

Aposolo 13:43 Referans Kwoze

Aposolo 11:23

Banabasita꞉ oli da opolo puaata꞉ Koda꞉ma꞉ epeaeyekeeki handaata꞉ ta꞉na꞉ma꞉ wopu homeekeme. Kutupa paeyao pa꞉ta꞉ Tekehalina꞉ pi da̱o̱la hata꞉ wopu miniki hao hapa꞉peke laa pi waleekeme.

Aposolo 14:22

Ketiso wanda꞉hali honkopu haena꞉ alo hata꞉ pi walolo alota꞉ Pi wotu miniki hao hapa꞉pekealeo laata꞉ Nikita꞉ ka꞉nda꞉ma꞉ homa꞉la꞉eki wotu meata꞉ Koda꞉ ipika꞉ Kilu Tombuao Hala꞉ ekina꞉ honda꞉ pambulumeke lepekeme.

2 Dioni 1:9

Ma꞉nda꞉ epima꞉ Ketisoma꞉ waleekeeki pa꞉ta꞉ na hake pa ankulao mo pate leke pea꞉ka꞉na꞉ta꞉ kota꞉ Koda꞉ta꞉ koto some yaapo na hala꞉me. Pate epima꞉ mo wala꞉la꞉eki pa꞉ta꞉ haya꞉ka꞉na꞉ta꞉ kota꞉ Koda꞉ A꞉taala꞉ta꞉ koto some pa꞉ta꞉ halepeme.

Hibulu 13:9

Amba꞉ na opimi pa ta꞉ta꞉ ta꞉ta꞉ piki pi walimieki manuma꞉ mo ika꞉ epeke pota꞉na꞉ pulimieki na yola꞉ mea pa꞉na꞉ lapa꞉peke. Koda꞉na꞉ a꞉ta꞉ma꞉ homa tamba꞉ mina꞉la꞉eki homekema꞉ ika꞉ puki hana꞉ noka꞉paena꞉ lemeka꞉na꞉ta꞉ a꞉pa꞉la꞉pate paa mo ne na nape laa pi ula꞉ hau manuma꞉ dia꞉me. Koto hau tolu haleme wanda꞉halita꞉ mo hauma꞉ iki na tamba꞉ mu hala꞉me.

Hibulu 12:15

Koda꞉na꞉ a꞉ta꞉ma꞉ homa tamba꞉ mina꞉la꞉ hau pa꞉ta꞉ hoki walaapa꞉na꞉ma꞉ wopu handeteke hapa꞉peke. Iki homeke ma꞉nda꞉ma꞉ ipika꞉ puki pa꞉ta꞉ ka꞉ta꞉pa wilie titi peaasa꞉ ale ma꞉nda꞉ pa opa daeyaena꞉ alo hata꞉ iki paeyao hoeyaapa꞉na꞉ma꞉ wopu handa꞉ paleke hapa꞉peke.

Kolosi 1:28

Doeki tekena꞉ta꞉ nikana꞉ma꞉ta꞉ paeyao pa꞉ta꞉ Ketiso walo haloma꞉me. Nika꞉ hone u lenkena꞉ pea witoloma꞉eki manuma꞉ta꞉ mo wanda꞉hali pa꞉ta꞉ kinki pitolo hata꞉ walo haloma꞉me. Dupuluekema꞉ yeketa꞉ nikana꞉ma꞉ta꞉ iki paeyao siki homeke homeke lo ku hata꞉ Ketiso yaapo ta꞉ma꞉ni pea Koda꞉na꞉ leke popelekena꞉ hatuku ipuluekema꞉ pitoloma꞉me.

Kolosi 1:23

Koto pa꞉la꞉pate ikana꞉ma꞉ta꞉ mo da̱o̱la pelia hala꞉ ekina꞉ hata꞉ honkopu hao kima꞉ na homeke pa putia pua꞉pa꞉peke. Kutupa ikita꞉ ika꞉ mo hande waloma꞉ Pi Seliapo opimi natena꞉ mimi hone ti laasemeeki pa꞉ta꞉ta꞉ aleta꞉ ma꞉nda꞉ma꞉ iki wato baena꞉ waleke na hala꞉pa꞉peke. I̱ Polota꞉ do Pi Seliapona꞉ pa hameke e pokaasa꞉ hali haowa꞉me. Do Pi Seliapota꞉ mo kenke honiki paeyao pa꞉ta꞉ haleme wanda꞉hali pa꞉ta꞉ wala꞉la꞉ pina꞉ loa꞉me.

Pilipai 4:1

Ya yankeke tonuo. Ikana꞉ma꞉ I̱ma꞉ hande loa꞉ pimanu paeyao hone witolo hata꞉ ika꞉ mo Tekehali pa꞉ta꞉ haleme ekita꞉ ota꞉ taka꞉lao hao hapa꞉peke. O ya yankeke tonuo. Ikita꞉ ya puki piki wanda꞉halie. I̱ma꞉ iki ame̱le̱ mandakena꞉ haluekema꞉ hone wopu pa꞉la꞉me. Ikana꞉ma꞉ I̱ ta꞉na꞉ma꞉ homa꞉ tiao halememe. I̱ma꞉ make iki pa꞉ta꞉ paleke na hao halome.

Pilipai 3:16

Eki hau puma꞉ka꞉na꞉ta꞉ mo amba꞉ mea putia epoma꞉ hau tupa꞉ kone ame do ane make koto hau tupa꞉ kone pua꞉tiki pomana꞉e.

Epesese 2:8

Ikana꞉ma꞉ hone tulaaso hamina꞉ Koda꞉ta꞉ ipikana꞉ma꞉ pa hameke a꞉ta꞉ma꞉ homolo hata꞉ iki mea da꞉taala꞉me. Ikana꞉ma꞉ ika꞉ piteleme ekina꞉ dia꞉me. Koda꞉ma꞉ iki pa꞉ta꞉ pa kita꞉la꞉ ekina꞉ loa꞉me.

Ka꞉leisia 5:1

Ota꞉ ka꞉la꞉pa꞉ tapao hamono Ketisoma꞉ niki ka꞉la꞉pa꞉ tapaala꞉me. Koto pa꞉la꞉ ekina꞉ta꞉ ka꞉la꞉pa꞉ tapaala꞉ wanda꞉hali tupa꞉ taka꞉lao hata꞉ mo pa hameke e pokaaseme wanda꞉hali tupa꞉ paa na hapa꞉peke.

2 Kotindi 6:1

Koto ekina꞉ nikana꞉ma꞉ Koda꞉ ame̱le̱ e pokaasoma꞉ tapake hata꞉ iki Koda꞉na꞉ a꞉ta꞉ma꞉ homa tamba꞉ mina꞉la꞉eki meleme wanda꞉hali pa꞉ta꞉ta꞉ do meleme hauta꞉ na hoeyaapa꞉peke laa honke aloma꞉me.

2 Kotindi 5:11

Koda꞉ paala꞉ma꞉ homa꞉peke ya꞉la꞉ ekita꞉ nikana꞉ma꞉ hone uluma꞉me. Koto ekina꞉ta꞉ nikana꞉ma꞉ta꞉ mandane wanda꞉hali hone la꞉ka꞉laluekema꞉ taapo haloma꞉me. Koda꞉ma꞉ta꞉ nika꞉ hau paeyaosiki hone wopu ula꞉eki yalo yaka honema꞉ta꞉ ikana꞉ma꞉ make ika꞉ temokoma꞉ I̱ make hone witolo pelememe.

Loma꞉ 11:6

Koda꞉ma꞉ a꞉ta꞉ wotu pa꞉leke handaata꞉ talopu mea haena꞉ la꞉tiki pita꞉la꞉me. Koto ekina꞉ wanda꞉halima꞉ ika꞉ piteleme hauna꞉ na mea haena꞉ ala꞉me. Koda꞉ma꞉ta꞉ wanda꞉halima꞉ ika꞉ piteleme hauna꞉ mea haena꞉ lea꞉ka꞉na꞉ yoluta꞉ kota꞉ ipika꞉ a꞉ta꞉ pa꞉la꞉ ekita꞉ ota꞉eki dia꞉yolo pia꞉me.

Loma꞉ 5:21

Koto ekina꞉ wanda꞉hali paeyao homolo puma꞉ ekina꞉ hoke hau pita꞉la꞉eki titipu wotu piekeme. Koto tupa꞉ kone Koda꞉ma꞉ niki pa꞉ta꞉ pa hameke a꞉ta꞉ma꞉ homolo hata꞉ nikita꞉ ipiki yaapo tikitiki yao hamono laata꞉ da꞉ta hao hamono la꞉la꞉me. Koto pa꞉la꞉ ekima꞉ Koda꞉ ipika꞉ pa hameke a꞉ta꞉ma꞉ homa꞉la꞉eki titipu wopu pa꞉la꞉eki peneme yao wala꞉la꞉me. Kutupa koto pa꞉la꞉ ekita꞉ Koda꞉ma꞉ nika꞉ Tekehali Yesu Ketisoma꞉ peaena꞉ leekeme.

Loma꞉ 5:2

Nikana꞉ma꞉ Yesu Ketiso pa꞉ta꞉ hone tulaaloma꞉ ekina꞉ ipikana꞉ma꞉ Koda꞉ma꞉ niki pa꞉ta꞉ pa hameke a꞉ta꞉ma꞉ homa꞉la꞉eki handomono la꞉la꞉me. Kutupa ameta꞉ koto tupa꞉ haloma꞉me. Koto ekina꞉ Koda꞉ma꞉ ipika꞉ pa̱a̱ pa꞉la꞉eki niki pa꞉ta꞉ teli teli peaalo pa꞉la꞉eki hone ti lao hata꞉ ta꞉na꞉ma꞉ homa haloma꞉me.

Loma꞉ 3:24

ipikana꞉ma꞉ ipika꞉ pa a꞉ta꞉ma꞉ homolo hata꞉ kieke ekima꞉ nikita꞉ ipiki yaapo tikitiki yao hamono la꞉la꞉me. Koda꞉ma꞉ koto pa꞉la꞉ ekita꞉ Yesu Ketisoma꞉ niki ka꞉la꞉pa꞉ tapaala꞉ ekima꞉ pina꞉ la꞉la꞉me.

Aposolo 17:34

mandane haliwekima꞉ ipiki pa꞉ta꞉ ta̱la̱a̱ta꞉ pi mimikime. Mo A꞉tiopeikusi hali homeke Dionisiusi make wanda꞉ ma꞉nda꞉ Damatisi make mandane haliweki ame̱le̱ pi mimikime.

Aposolo 17:4

Kutupa ipikana꞉ma꞉ alota꞉ Do hande I̱ma꞉ iki pa꞉ta꞉ waloa꞉ Yesuta꞉ ota꞉ Ketisoe leekeme. Kutupa mandaneeki manuma꞉ hone la꞉ka꞉lao hata꞉ Polo Sailasi yaapo ame̱le̱ ta꞉ma꞉ni pea haemekeme. Kutupa Koda꞉ pa꞉ta꞉ hone wopu u haemeke Kitiki wanda꞉halima꞉ make mandane keileke wanda꞉wekima꞉ make kutu pimikime.

Aposolo 16:14

Wanda꞉ homeketa꞉ Lidiama꞉ mo Daetaeda daoni nane wanda꞉ a꞉pa wepiki alemanu hambo hatiki pina꞉ laata꞉ Koda꞉ pa꞉ta꞉ panda꞉puniao yeni pu haota꞉ nika꞉ pi opia꞉me. Poloma꞉ waleeke pi opina꞉yeke Tekehalima꞉ mo wanda꞉na꞉ puki la꞉ka꞉laeyekeme.

Aposolo 14:3

Kutupa Polo Banabasi yaapoma꞉ koto pa꞉ta꞉ hao hata꞉ paala꞉ma꞉ na homeke Tekehali Koda꞉na꞉ pi wala꞉tiki pipikime. Kutupa Tekehalima꞉ ipika꞉ pa a꞉ta꞉ma꞉ homa꞉la꞉ pi wanda꞉hali pa꞉ta꞉ peneme yaaluekema꞉ mo hali yaapoma꞉ wele peaaso hata꞉ na hando haemeke ekimanu pina꞉ leekeme.

2 Pida 3:14

Koto ekina꞉ yaka yankeke tonuo. Koto nate yu wia hata꞉ta꞉ Koda꞉na꞉ leke popelekena꞉ hake pea eki a꞉nda꞉ na piki wanda꞉halima꞉ handaa Koda꞉ yaapo puki lopa꞉niao haluekema꞉ taapo hapa꞉peke.

1 Pida 5:12

Do doka꞉tiki tameiya꞉ta꞉ Silipanisi ya kame teke pa꞉ta꞉ ekima꞉ wape peaena꞉ wape pea pua꞉me. I̱ma꞉ iki sa꞉sa꞉ pealuekema꞉yeke ya ota꞉ pi alo hata꞉ mo la꞉tiki epolo pi paeyaota꞉ Koda꞉na꞉ ota꞉ a꞉ta꞉ma꞉ homa꞉la꞉ekie alome. Koto ekina꞉ta꞉ do a꞉ta꞉ma꞉ homa꞉la꞉ ekina꞉ da̱o̱la hao hapa꞉peke.

Ka꞉leisia 5:4

Mo iki ame̱le̱ haleme mandane hali wekima꞉ta꞉ mo Lo Pi ula꞉eki paeyao pitolo ekima꞉ta꞉ Koda꞉ yaapo epea haluekema꞉ taapo haemeka꞉na꞉ta꞉ kutu piteme haliwekita꞉ ika꞉ Ketiso ame̱le̱ halo peleme ekita꞉ ika꞉ kone ti paleke leke la꞉ka꞉la꞉ mea baasememe. Kutu pimi ekima꞉ta꞉ ika꞉ kone Koda꞉na꞉ a꞉ta꞉ma꞉ homa tamba꞉ mina꞉la꞉eki tikene halememe.

Aposolo 28:23

Kutupa nate wiata꞉ ipika꞉ haya꞉ da pa꞉ta꞉ haliweki wopu pua mombelememe. Kutupa Poloma꞉ mo haliweki pa꞉ta꞉ mo hande Koda꞉na꞉ Kilu Tombuao Hala꞉ pimanu walo haya꞉eki da ka꞉la꞉paaso la pua timba꞉ laeya꞉me. Yesuna꞉ pi opua mina꞉yeke ipikana꞉ma꞉ hande Mosesina꞉ wape pa꞉la꞉ Lo Pimanu make mo potopede haliwekina꞉ wape pelemeeki pa꞉ta꞉ make laa walea꞉me.

Aposolo 17:17

Koto ekina꞉ mo pi hotu haemeke da pa꞉ta꞉ mo Diu haliweki Koda꞉ pa꞉ta꞉ hone wopu wimiki haliweki ame̱le̱ mo makedi pa꞉ta꞉ haemeke haliweki ame̱le̱ make nate paeyao pi yokaalu pea꞉tiki pimikime.

Aposolo 13:50

Kutu piekepate hande Diu haliwekima꞉ mo Koda꞉ pa꞉ta꞉ hone wopu u haemeke wanda꞉ tieke tieke mandaneeki manuma꞉ make mo daonina꞉ you haliwekima꞉ make Polo Banabasi yaapo ame̱le̱ a꞉nda꞉ lina꞉yeke sutiaemekeme. Kutupa koto da nane mina꞉pa꞉lao pena꞉yeke tolu limikime.

Aposolo 6:5

Koto lemeke ekina꞉ mo Ketiso hali paeyao ta꞉na꞉ma꞉ wopu homa mimiki haliwekita꞉ Sidipeni Koda꞉na꞉ pi wopu miniki hata꞉ make Holi Sipitidima꞉ tumba hayeke halie. Kutupa Pilipi Polokotasi Nikano Timono Pamenasi Nikolasi make A꞉ndioko hali kone Diu haliwekina꞉ hau mieke halie.

Aposolo 2:10

Pitikia nane make Pa꞉mbilia nane make Idiepi nane make mo Saitini teke pa꞉ta꞉ Libia nane make mandane haliweki Loma꞉ da hao epoloma꞉me laata꞉ nikita꞉ Diu haliweki make mo Diu haliwekina꞉ hau puluekema꞉ la꞉ka꞉la haloma꞉ Diendaili haliwekima꞉ make mandane ekita꞉

Ma꞉tiu 23:15

Iki mo Lo Pi ula꞉eki walo haleme haliweki make Pa꞉tisi haliweki make iki paeyaona꞉ hoke yenki tieke ipuleke handolo ekina꞉ I̱ paala꞉e. Ikita꞉ hoke makeaaso yayapiki hau pu haleme haliwekie. Ikana꞉ma꞉ta꞉ pa mo hande homeke hali mea ika꞉ tapakena꞉ tunao haena꞉e laa lapeke ekina꞉ kone mo da yu paeyao lia lopao pomu haleme haliwekie. Kutaa mo some handa꞉ wia꞉ka꞉na꞉ta꞉ kota꞉ ipikita꞉ iki mo ti to hala꞉ ekina꞉ eiyeke tonu halemeeki ota꞉ lombei peao haena꞉ lelimikie.

1 Dioni 2:28

Ota꞉e. Yaka wekiwandikio. Ipiki yaapo ta꞉ma꞉ni pea hapee. Pa ekipeke ipiki opolo epea꞉ka꞉na꞉ta꞉ nikita꞉ honkopu haasa꞉ ekima꞉ tumbulu pa꞉la꞉ tupa꞉ loa꞉me. Kutupa koto mo ipilia꞉ natena꞉ta꞉ ipiki handolo hata꞉ yaala꞉ma꞉ na homolo polome tupa꞉ loa꞉me.

Taitasi 2:11

Koda꞉na꞉ a꞉ta꞉ma꞉ homo tamba꞉ mina꞉la꞉ ekita꞉ kenke wanda꞉hali paeyao mea da꞉taaluekema꞉ peneme ya꞉la꞉eki handoloma꞉me.

Aposolo 18:7

Kutupa Diu haliweki mina꞉pa꞉lao Koda꞉ pa꞉ta꞉ panda꞉puniao yeni pu hayeke hali homeke Taitasi Diasedasina꞉ da pa꞉ta꞉ peekeme. Mo halina꞉ data꞉ mo hande pi hotu haemeke da nepoko nane kone hayekeme.