Aposolo 13:26 - Panake Pi La: Ula: Buka pita: Kine Pieke Buka

²⁶ Eipoloha꞉ma꞉ tapake haliweki ya kametitio. Koda꞉ pa꞉ta꞉ panda꞉puniao yeni pu haleme Diendaili wanda꞉hali paeyao iki make Koda꞉ma꞉ do hande niki da꞉taapeke ya꞉la꞉ pi niki pa꞉ta꞉ epena꞉ la꞉la꞉me.

Aposolo 13:26 Referans Kwoze

Kolosi 1:5

Mo hande ota꞉ pita꞉ hande Epeke Pi Seliapo iki pa꞉ta꞉ titina꞉ epea꞉ dina꞉ kone mo pima꞉ kulu pa꞉la꞉ hone ti laala꞉ ekita꞉ opimime. Koto ekina꞉ta꞉ ika꞉ hone tulaalemeeki pita꞉ pukima꞉ homelemeeki yaapona꞉ teketa꞉ mo ika꞉ hone ti laalemeeki pa꞉ta꞉ ula꞉me. Kutupa do ika꞉ hone ti laaleme ekita꞉ oli hepeni nane amu pea wiawala꞉me.

Epesese 1:13

Koto ekita꞉ iki pa꞉ta꞉ make pa꞉la꞉me. Ikana꞉ma꞉ta꞉ hande iki mea da꞉taalo pieke Pi Seliapo opuata꞉ Ketiso pa꞉ta꞉ hone tulaememe. Kutu pimiki handata꞉ Koda꞉ma꞉ ipika꞉ la꞉ wieke Holi Sipitidi iki kitolo hata꞉ta꞉ ikita꞉ ipika꞉ekie laa ti wia꞉me.

Loma꞉ 1:16

Mo hande Pi Seliapoma꞉ Koda꞉ma꞉ta꞉ ipiki pa꞉ta꞉ hone tulaaseme wanda꞉halita꞉ Diu wanda꞉hali amba꞉la Diendaili wanda꞉hali wetepena꞉ paeyao ipikana꞉ma꞉ wele pitolo hata꞉ da꞉taapeke ya꞉la꞉me. Koto ekina꞉ mo Pi Seliapo pa꞉ta꞉ I̱ta꞉ ota꞉ ti lao halome.

Luku 1:77

Nakana꞉ma꞉ ipika꞉ wanda꞉hali pa꞉ta꞉ dupa lelipikie. Koda꞉ma꞉ ika꞉ hoke hau peleme ekimanu paeyaaso hata꞉ta꞉ iki mea da꞉taalieke laa lelipikie.

Luku 1:69

Ipika꞉ e pokaeyeke hali Deipidina꞉ tapake hali kone niki Mea Da꞉taalo Pa꞉la꞉ wele pita꞉la꞉ Hali ipikana꞉ma꞉ amba꞉ mea a꞉meiyawala꞉me.

Aposolo 13:46

Kutupa Solo pita꞉ Banabasi yaapoma꞉ paala꞉ma꞉ na homeke hata꞉ pi alo alota꞉ Iki pa꞉ta꞉ amba꞉la Koda꞉na꞉ pi ale wala꞉peke ya꞉la꞉pateo. Ikana꞉ma꞉ kiaaso hata꞉ Nikita꞉ deto hala꞉eki mea꞉peke na ya꞉la꞉me alemeke handaata꞉ kota꞉ handa꞉pe. Mo Diendaili wanda꞉hali pa꞉ta꞉ walo pulupa꞉me lepekeme.

Aposolo 13:43

Kutupa mo pi hotu haemeke da pa꞉ta꞉ pi hotia paeyeketa꞉ Diu haliweki wopu make Koda꞉ pa꞉ta꞉ hone wopu u haemeke Diendaili haliweki wopu make Polo Banabasi yaapo teli mea pemekeme. Kutupa ipilikana꞉ma꞉ mo haliweki pa꞉ta꞉ pi laata꞉ Koda꞉na꞉ pa a꞉ta꞉ma꞉ homa꞉la꞉eki honkopu hao wotu miniki hao haena꞉ pi walepekeme.

Aposolo 10:35

Kenke paeyaona꞉ hala꞉ hali epima꞉ Koda꞉ pa꞉ta꞉ paala꞉ma꞉ homolo hata꞉ ipika꞉ epeke hau pu haya꞉ka꞉na꞉ta꞉ Koda꞉ma꞉ koto hali milieke leekeme.

Aposolo 5:20

Mo tembolo da tukiki pa꞉ta꞉ honda꞉ pamba pua hata꞉ do panake da꞉ta꞉la꞉ pi wanda꞉halima꞉ opina꞉ wala꞉pa꞉peke leekeme.

Aposolo 4:12

Kutupa niki mea detemono pa꞉ta꞉la꞉la꞉ hali ma꞉nda꞉ na hala꞉me. Oli ya oto pa꞉ta꞉ta꞉ mo wanda꞉hali mea da꞉taasa꞉ halina꞉ biki ma꞉nda꞉ dia꞉ya꞉leke loa꞉me leekeme.

Luku 24:47

ipika꞉ bikina꞉ mo hoke hauna꞉ hone la꞉ka꞉la꞉la꞉eki make pa paeyaasa꞉eki make mo Diutuseleme da pa꞉ta꞉ kini pea pua mo kenke honiki paeyao pa꞉ta꞉ haleme wanda꞉hali pa꞉ta꞉ ota꞉ walotia pua꞉pa꞉peke ya꞉la꞉me.

Ma꞉tiu 10:6

Pate kutu piteleme tupa꞉ta꞉ mo Isulaina꞉ alu peleme sipisipima꞉ handeleme wanda꞉hali pa꞉ta꞉ pua꞉pa꞉peke leekeme.

Ma꞉tiu 3:9

Eipoloha꞉ma꞉ta꞉ nika꞉ meie lomeka꞉na꞉ta꞉ mo Koda꞉ma꞉ kulu pa꞉la꞉ hoke yenkita꞉ wendulumekee hone na wia꞉pa꞉peke. Lono opie. Koda꞉ma꞉ta꞉ do ula꞉ toopimanu mea Eipoloha꞉ma꞉na꞉ wekiwandiki au lapeke ya꞉la꞉me alome.

Aposolo 16:17

Kutupa Polo nika꞉ hoke nanema꞉ teli mea ipulu hata꞉ wi la꞉tiki pea alota꞉ Do haliwekita꞉ ota꞉ oli manda hala꞉ Koda꞉ tieke ipika꞉ e pokaaseme haliweki hata꞉ mo hande deto hala꞉ pota꞉ iki walelememe lea꞉me.

Aposolo 3:26

Koto ekina꞉ Koda꞉ma꞉ ipika꞉ e pokaasa꞉ hali mea haena꞉ laata꞉ iki pa꞉ta꞉ amba꞉la tapaeyekeme. Koto tapake hauta꞉ iki epeaaluekema꞉ piekeme. Ikana꞉ma꞉ ika꞉ hoke haumanu mina꞉pa꞉lao ika꞉ puki ipikana꞉ma꞉ la꞉ka꞉laasa꞉ ekima꞉ iki epeaaluekema꞉ piekeme laa leekeme.

Aposolo 28:28

Kutupa Poloma꞉ lo paeyaaso hata꞉ alota꞉ Hone wia꞉pa꞉peke. Koda꞉ma꞉ ipika꞉ da꞉taasa꞉ pita꞉ mo Diendaili wanda꞉hali pa꞉ta꞉ tapaasa꞉ma꞉ opilimikie laa lea꞉me.

Dioni 6:68

Saimono Pidama꞉ ipika꞉ pi hombo peaaso alota꞉ Tekehalio. Epi pa꞉ta꞉ pomonope. Naka꞉ pi manuta꞉ da꞉tao hala꞉ pimanue.

Aposolo 10:2

Hande halita꞉ Koda꞉ pa꞉ta꞉ hone wotu u hao ipika꞉ weteke weki wandikima꞉ Koda꞉ pa꞉ta꞉ paala꞉ma꞉ wotu homa꞉tiki pu haemekeme. Kutupa ipika꞉ kiki tindipao mani dia꞉yeke wanda꞉hali pa꞉ta꞉ halo haota꞉ Koda꞉ pa꞉ta꞉ yeni pia꞉tiki pu hayekeme.

Aposolo 22:5

Mo yeni peao haleme you haliwekina꞉ you halima꞉ make mo ka̱le̱sete haliwekima꞉ make handememe leekeme. Mo haliweki pa꞉ta꞉ ika꞉ Damasikasi hameke titina꞉ pasemanu meaka꞉na꞉ oli da nane Ketiso wanda꞉hali muluekema꞉ poa꞉me leekeme. Mo wanda꞉hali mea tonkao Diutuseleme da nane hatuku a꞉pa panisi peaaluekema꞉ pua꞉me leekeme.