Aposolo 13:25 - Panake Pi La: Ula: Buka pita: Kine Pieke Buka

²⁵ Kutupa Dionima꞉ ipika꞉ e poko paeyaaluekema꞉ hata꞉ wanda꞉hali pa꞉ta꞉ alota꞉ Ika꞉ honema꞉ I̱ halo ekita꞉ epi hone witelemepe. Ikana꞉ma꞉ yu wia haleme halita꞉ I̱ dia꞉ya꞉la꞉pate handa꞉pe. Yaka hoki nane ipula꞉me. Koto ipula꞉ halina꞉ anke daketa꞉ I̱ma꞉ holawaapeketa꞉ ana꞉ na pa꞉la꞉me laa leekeme.

Aposolo 13:25 Referans Kwoze

Ma꞉tiu 3:11

I̱ma꞉ta꞉ ika꞉ hoke haumanu mina꞉pa꞉laemekeeki peneme yaaluekema꞉ ikalima꞉ bapitaisi peaowalopate mo ya hoki nane ipilia꞉ halima꞉ta꞉ mo Holi Sipitidi pita꞉ ti tala꞉eki yaapoma꞉ iki bapitaisi pealieke. Mo someta꞉ I̱ ota꞉ lombeipiki some halekena꞉ ipika꞉ anke dake kone I̱ma꞉ mea tiaapeke ana꞉ na pa꞉la꞉me.

Maka 1:7

Ipikana꞉ma꞉ pi walolo hata꞉ dupa leekeme. Ya hoki nane ipilia꞉ halita꞉ I̱ halo tupa꞉ na hala꞉ hali ipilieke. Ipikita꞉ hali tieke ipilieke. I̱ta꞉ ipiki pa꞉la꞉ tupa꞉ epeke hali dia꞉me. I̱ma꞉ panda꞉puniao ipika꞉ anke dake pu ka꞉la꞉papeketa꞉ ana꞉ na pa꞉la꞉me laata꞉

Aposolo 20:24

Kutu pa꞉la꞉pate ya lokena꞉ hau hone na witolome laa tombona꞉ opolo puaata꞉ ya Tekehali Yesuma꞉ walea꞉ hau amba꞉la paeyaalueke lea꞉me. Hande Koda꞉na꞉ pa hameke a꞉ta꞉ma꞉ homo hala꞉ Pi Seliapo la kitoloeki loa꞉me lea꞉me.

Peneme Yaeyekeeki 11:7

Ipilikana꞉ma꞉ ipilika꞉ pi walo paeyaalipi natena꞉ta꞉ mo honiki na wiki naku tieke kiake pa꞉ta꞉ hao opulu baalia꞉ sayalema꞉ handeke ale tieke hombelekema꞉ mo hali yaapo ame̱le̱ a꞉nda꞉ pilieke. Mo alema꞉ta꞉ mo hali yaapo bepolao lu homaota꞉

2 Timodi 4:7

I̱ta꞉ mo hotoneli kita꞉la꞉ ekina꞉ta꞉ ya wele paeyaoma꞉ epeke tupa꞉ a̱i̱ya pua mo tombo epeke tupa꞉ watao halome. Kutupa make mo ya Koda꞉ pa꞉ta꞉ hone tulaalo ekita꞉ na mina꞉pa꞉lalome.

2 Kotindi 4:5

Nikana꞉ma꞉ta꞉ nikina꞉ na waloloma꞉pate pa Yesu Ketisota꞉ Tekehalie laa nikita꞉ waloloma꞉me. Kutupa Yesuna꞉ hone pa꞉la꞉ ekina꞉ ika꞉ pa hameke e pokaasoma꞉ haliwekie laa waloloma꞉me.

Aposolo 19:4

Kutupa Poloma꞉ alota꞉ Dionima꞉ wanda꞉halima꞉ hone ma꞉nda꞉ la꞉ka꞉la mina witolo haena꞉ bapitaisi peao hayekepate wanda꞉hali pa꞉ta꞉ alota꞉ Ya hoki nane ipilie halina꞉ pi mea꞉pa꞉peke laa la꞉la꞉me leekeme. Koto ekita꞉ Yesu pa꞉ta꞉ la꞉la꞉me leekeme.

Aposolo 13:36

Deipidi ipika꞉ hayeke pita꞉ta꞉ Koda꞉na꞉ hone pa꞉la꞉ ekimanu pia꞉tiki pu hao wetepena꞉ homeekeme. Ipika꞉ apa꞉mei ameda lapa꞉ pimiki alena꞉ ipiki make koto pa꞉ta꞉ lapa꞉ pimikipate ipika꞉ loke make tandepeekeme.

Dioni 7:18

Hali epima꞉ ipika꞉ hone wia pi lea꞉ka꞉na꞉ta꞉ kota꞉ ipika꞉ biki kone a꞉meiyaasa꞉me. Koto pa꞉la꞉pate hali epima꞉ ipika꞉ biki kone na a꞉meiyaake ipiki tapaala꞉ halina꞉ biki a꞉meiyaluekema꞉ pia꞉ka꞉na꞉ta꞉ kota꞉ koto halita꞉ yayapiki hau pita꞉la꞉ hali dia꞉me. Ota꞉ hau pita꞉la꞉ halie.

Dioni 4:34

Yesuma꞉ iki pa꞉ta꞉ alota꞉ Yaka neta꞉ dupae. I̱ tapaala꞉ halina꞉ hone pa꞉la꞉eki puluekema꞉ make ipikana꞉ma꞉ I̱ pa꞉ta꞉ walea꞉ e make pokao paeyawaaluekema꞉ loa꞉me leekeme.

Dioni 1:36

Yesu yapeekeeki handaata꞉ ipikana꞉ma꞉ alota꞉ Dota꞉ Koda꞉ ipika꞉ Sipisipi Ma꞉na꞉sikie leekeme.

Dioni 1:34

Dionima꞉ alota꞉ Koto ekita꞉ I̱ma꞉ handoa꞉me. Koto ekina꞉ ipikita꞉ Koda꞉na꞉ Eiyeke hala꞉eki iki pa꞉ta꞉ la kitolome leekeme.

Dioni 1:29

Da kelepeeketa꞉ Dionima꞉ ipiki pa꞉ta꞉ Yesu epeekeeki handolo hata꞉ alota꞉ Koda꞉ ipika꞉ Sipisipi Ma꞉na꞉siki koto ipula꞉ma꞉ handa꞉pe laa ipikana꞉ma꞉ kenke wanda꞉hali paeyaona꞉ hoke hau peleme ekimanu mea pula꞉me.