Aposolo 13:11 - Panake Pi La: Ula: Buka pita: Kine Pieke Buka

¹¹ Koto ekina꞉ ameta꞉ Tekehalima꞉ neke liekee. Kutupa neketa꞉ leke holupiki hali hao hata꞉ta꞉ nate pa̱a̱ a̱i̱ na handilipikie laa leekeme. Poloma꞉ koto alo haena꞉ kone timba꞉la꞉ pambeke koama꞉ handeke alema꞉ Elimasina꞉ leke telipina꞉ holu peaeyekeme. Ma꞉nda꞉ma꞉ ipika꞉ kiki yola꞉ mea mina pena꞉yeke kikima꞉ hali weiya꞉tiki pomiekeme.

Aposolo 13:11 Referans Kwoze

Hibulu 10:31

Mo deto hala꞉ Koda꞉na꞉ hoke yenki tukiki pa꞉ta꞉ taapolo talo pea꞉ka꞉na꞉ta꞉ ota꞉ paala꞉ piki haue.

2 Pida 2:17

Do haliwekita꞉ mo hande opa꞉la꞉ ikali o ala꞉ ekima꞉ handelememe. Ikita꞉ po tilipuma꞉ kili mea baala꞉ koama꞉ handelememe. Koda꞉ma꞉ta꞉ oni timba꞉ la꞉papeke naku tieke pa꞉ta꞉ta꞉ ika꞉ da panda꞉ amba꞉ mea wiala꞉me.

Dioni 9:39

Kutupa Yesuma꞉ alota꞉ Do kenkena꞉ wanda꞉halina꞉ pi yokaalu puluekema꞉ epoa꞉me la leke holupiki wanda꞉halima꞉ handena꞉ make handeleme wanda꞉hali make leke holu pea haena꞉yeke epoa꞉me la leekeme.

Loma꞉ 11:25

Ya kame titio. Pi homeke a꞉nda꞉ta꞉ a꞉mbao ula꞉me. Ikana꞉ma꞉ handoemena꞉yeke I̱ta꞉ hone pa꞉la꞉me. Kotoeki handemeka꞉na꞉ta꞉ kota꞉ ikana꞉ma꞉ ame do kone alota꞉ Nikita꞉ pita꞉la꞉ ekimanu paeyao handoloma꞉me pi paa na lelimikie. Koto a꞉mbao ula꞉ ekita꞉ dupa. Mo mandane Isulai wanda꞉halima꞉ pi na opiteleme ekita꞉ hoto paeyao na opu haluekema꞉ na pitelememe. Pua꞉tiki pua Koda꞉ma꞉ Diendaili wanda꞉hali mina꞉la꞉ tombo ana꞉na꞉ mia꞉ka꞉na꞉ta꞉ pilimikie.

Aposolo 9:17

Koto ekina꞉ A꞉na꞉naisi pua da pa꞉ta꞉ opolo peekeme. Kutupa ipika꞉ kiki Solona꞉ youna꞉ pua witolo hata꞉ alota꞉ Solo ya kameo. Tekehali Yesu mo pota꞉na꞉ ipulu halena꞉ epeeke hande Yesuma꞉ naka꞉ leke paa kilao Holi Sipitidima꞉ tumba halena꞉ yeke I̱ tapaeya꞉me leekeme.

Kini Pieke 19:11

Kutupa mo hama꞉ nane haemeke haliwekima꞉ pota꞉ na lombolo pimiki tupa꞉ ipilikana꞉ma꞉ta꞉ ika꞉ leke holu peaepekeme.