Aposolo 12:7 - Panake Pi La: Ula: Buka pita: Kine Pieke Buka

⁷ Kuta kone Tekehalina꞉ enisolo homeke epeeketa꞉ mo da panda꞉ pa꞉ta꞉ pa̱a̱ tieke piekeme. Kutupa ipikana꞉ma꞉ Pida a꞉pa lu tiaaso alota꞉ A̱i̱ tiae leekeme. Kutupa hande seni pumanu ipika꞉ kiki pa꞉ta꞉ kone tunkulupa lopa꞉ lopa꞉ piekeme.

Aposolo 12:7 Referans Kwoze

Aposolo 5:19

Kutu pimikipate koto timbata꞉ Tekehali ipika꞉ enisolo ma꞉nda꞉ma꞉ mo dipula da pota꞉ lomba꞉ mea hande aposolo haliweki hama꞉ nane hatuku pua iki pa꞉ta꞉ alota꞉

Aposolo 16:26

koto kone yu momeni tieke wotu piekeme. Koto ekina꞉ mo dipula da pinkimanu la꞉ma꞉ la꞉ma꞉ pieketa꞉ koto kone mo hande da pota꞉manu paeyao lomba wieketa꞉ hali paeyaona꞉ seni pumanu pa kone ka꞉la꞉pe pa lopeekeme.

Aposolo 10:30

Kutupa Koniliesima꞉ alota꞉ Hoto tonkopu amba꞉ yopua nate dupitolo haena꞉ I̱ma꞉ta꞉ do da pa꞉ta꞉ hata꞉ welealo nane yeni pitolo hano hakepiki dau pambaake hali kuta kone a꞉pa I̱ teke pa꞉ta꞉ haya꞉me leekeme.

Epesese 5:14

Kutupa mo hande pa̱a̱ pita꞉la꞉ ekima꞉ peneme yaasa꞉eki manuta꞉ pa̱a̱ pita꞉la꞉eki kone yelieke. Koto ekina꞉ wape dupa pa꞉la꞉me. U peile halio. A̱i̱ tiae. Homa꞉la꞉eki mina꞉pa꞉lao tiaeka꞉na꞉ta꞉ Ketisoma꞉ neke pa̱a̱ pealieke wape pa꞉la꞉me.

Aposolo 2:24

Kutu pimipate Koda꞉ma꞉ mo hande toopi ka꞉ka꞉na꞉ pa꞉ta꞉ Yesu paa mea tiaeyekeme. Mo hande lapa꞉ pimiki toopima꞉ta꞉ Yesu miniki pita꞉peke ana꞉ na pitolo hata꞉ mo hande homaasa꞉ ekima꞉ Yesu tonkaeyeke ekita꞉ Koda꞉ma꞉ ka꞉la꞉pa꞉ tapawaeyekeme.

Luku 24:4

Mo wanda꞉ sunuta꞉ koto pa꞉ta꞉ hata꞉ hone ti yokolo haena꞉ koto kone hake pupapeke leke yala꞉ yala꞉ piki aka꞉ yama꞉ mea hali yaapo a꞉pa haepekeme.

Luku 2:9

Tekehalina꞉ enisolo homeke iki pa꞉ta꞉ opolo epeekeme. Kutupa mo Tekehali ipika꞉ pa̱a̱ pa꞉la꞉ ekima꞉ iki dupaeyekeme. Koto ekina꞉ mo haliwekima꞉ paala꞉ma꞉ wopu homemekepate

Aposolo 12:23

Hetodima꞉ta꞉ wanda꞉halima꞉ Koda꞉na꞉ pi na laena꞉ leke pa ipika꞉ pi kone laena꞉ leeke handaata꞉ kuta kone Tekehalina꞉ enisoloma꞉ Hetodi yeni tonda꞉pa꞉ mina꞉ leekeme. Kutupa pipi manuma꞉ weleke tunkula꞉ mepi naata꞉ homeekeme.

Aposolo 9:3

Solota꞉ Damasikasi nane polueke laa pota꞉na꞉ pulu haena꞉ oli ya nanema꞉ pa̱a̱ tieke a꞉pa mo some dupao a꞉pa to hopa꞉liaeyekeme.

Peneme Yaeyekeeki 18:1

Doeki hoki naneta꞉ enisolo ma꞉nda꞉ oli hepeni nane hao hola꞉pa꞉nialo epea꞉eki handoa꞉me. Ipikita꞉ wele tieke pa꞉ta꞉ ipulu ipika꞉ yameeke leke yale yale piki pa̱a̱ma꞉ta꞉ do kenke paeyao pa̱a̱ peaya꞉me.

Hibulu 1:14

Mo enisolo paeyaota꞉ Koda꞉na꞉ deto hala꞉eki mulu peleme wanda꞉halina꞉ pa꞉ta꞉la꞉la꞉ temokomanu na halemeke yekea.

Aposolo 12:6

Hetodima꞉ Pida mea a꞉pa waluekema꞉ haena꞉ timba kone Pidata꞉ mo ami hali yaapo ame̱le̱ seni pu yaapoma꞉ endialu pea tukiki pa꞉ta꞉ peliekeme. Kutupa pota꞉ hama꞉ nane hata꞉ kade haliwekima꞉ mo dipula da handeteke hatiki ombu pimikime.

Ma꞉tiu 2:13

Mo hande kimisu haliweki pemeke hoki naneta꞉ mo Tekehalina꞉ enisoloma꞉ Diosepe pa꞉ta꞉ upana꞉ walolo alota꞉ Hetodima꞉ mo wekisiki luluekema꞉ weilieke. Koto ekina꞉ta꞉ tiao mo weki ankula꞉ hatuku mea Idiepi nane pindipa pua I̱ma꞉ paa la꞉ka꞉la pua꞉pa꞉peke lolo poloeki handeteke hapa꞉peke.

Aposolo 12:8

Kutupa mo enisoloma꞉ ipiki pa꞉ta꞉ alota꞉ Naka꞉ hako yama anke dake pambae leekeme. Kutu piekeme. Kutupa ipikana꞉ma꞉ Pida pa꞉ta꞉ alota꞉ Naka꞉ dau mea dopua I̱ teli mea epoe leekeme.