Aposolo 12:6 - Panake Pi La: Ula: Buka pita: Kine Pieke Buka

⁶ Hetodima꞉ Pida mea a꞉pa waluekema꞉ haena꞉ timba kone Pidata꞉ mo ami hali yaapo ame̱le̱ seni pu yaapoma꞉ endialu pea tukiki pa꞉ta꞉ peliekeme. Kutupa pota꞉ hama꞉ nane hata꞉ kade haliwekima꞉ mo dipula da handeteke hatiki ombu pimikime.

Aposolo 12:6 Referans Kwoze

Aposolo 21:33

Kutupa mo hande a꞉nda꞉ tumiki halima꞉ a꞉pa Polo minata꞉ seni pu yaapoma꞉ hotape leekeme. Kutupa Polota꞉ hane halipe eki hau pia꞉pe laa lota꞉ piekeme.

Hibulu 13:6

Koto ekina꞉ nikana꞉ma꞉ aela꞉ baaso hata꞉ dupa lomana꞉e Mo Tekehalita꞉ I̱ tamba꞉ mina꞉la꞉ hali haleke handaa I̱ma꞉ta꞉ paala꞉ma꞉ na homulueke. Hali ma꞉nda꞉ma꞉ I̱ta꞉ ekipa hoeyaapeke yelia꞉pe aloma꞉me.

2 Timodi 1:16

Mo hande hali Onesipotasima꞉ hoto paeyao I̱ ta꞉na꞉ma꞉ homa꞉ tiao hayeke handaa I̱ma꞉ mo Tekehalima꞉ ipika꞉ wekiwanda꞉ pa꞉ta꞉ a꞉ta꞉ma꞉ homena꞉ honke alome. Pa ekipeke. I̱ do dipula pilu ekina꞉ ipikana꞉ma꞉ yaala꞉ma꞉ na homea꞉me.

Epesese 6:20

I̱ta꞉ dipula pita꞉ kone mo hande Koda꞉na꞉ Pi Seliapo wala꞉tiki pitolo halie. Koto ekina꞉ do Pi Seliapo honkopu hao walonoyeke yeni pea꞉tiki pea꞉pa꞉peke.

Aposolo 28:20

Koto ekina꞉ I̱ma꞉ iki wi la handolo pi loluekema꞉ loa꞉me. Isulai wanda꞉halima꞉ hone wilimi ekina꞉ do seni puma꞉ I̱ tonkaeya꞉me lea꞉me.

Aposolo 5:23

Nikita꞉ mo dipula da pa꞉ta꞉ opolo poma꞉ pita꞉ta꞉ pota꞉ setepe pu pamba pota꞉ kake pa꞉ta꞉ handeteke haena꞉ leeke haliweki haema꞉eki handoma꞉me. Kutu puma꞉pate pota꞉ lomba tukiki nane handolo poma꞉pate hali ma꞉nda꞉ na pitia꞉eki handoma꞉me laa lemekeme.

Ma꞉tiu 28:4

Kutu piekeeki handolo hata꞉ta꞉ mo hande hali lapa꞉ sa꞉sa꞉ pitolo handeteke haemeke haliwekima꞉ paala꞉ tieke pitolo pututu liaaso hata꞉ homeke toko leke wia yapemekeme.

Kini Pieke 22:14

Kutupa Eipoloha꞉ma꞉ma꞉ koto pate bikita꞉ Koda꞉ma꞉ Ana꞉ Lao Hala꞉me leekeme. Kutupa ame do make wanda꞉halima꞉ta꞉ Mo Koda꞉na꞉ potena꞉ ipikana꞉ma꞉ ana꞉ lao hala꞉me lo halememe.

Aposolo 12:5

Koto ekina꞉ Pidata꞉ dipula da pa꞉ta꞉ pa pitina꞉ leekepate mo siosi tapake wanda꞉halima꞉ Koda꞉ pa꞉ta꞉ Pida yeni wopu pea꞉tiki pimikime.