Aposolo 12:5 - Panake Pi La: Ula: Buka pita: Kine Pieke Buka

⁵ Koto ekina꞉ Pidata꞉ dipula da pa꞉ta꞉ pa pitina꞉ leekepate mo siosi tapake wanda꞉halima꞉ Koda꞉ pa꞉ta꞉ Pida yeni wopu pea꞉tiki pimikime.

Aposolo 12:5 Referans Kwoze

1 Kotindi 12:26

Koto ekina꞉ mo lokena꞉ tunaala꞉ ale homekema꞉ tanda mia꞉ka꞉na꞉ta꞉ kota꞉ mo tunaala꞉ mandane alemanu paeyaoma꞉ make mandakena꞉ tandama꞉ homilimikie. Kutupa ma꞉nda꞉ma꞉ mo lokena꞉ tunaala꞉ ale homeke a꞉nda꞉na꞉ biki yeiya꞉ lea꞉ka꞉na꞉ta꞉ kota꞉ mo lokena꞉ tunaala꞉ mandane alemanu paeyaoma꞉ta꞉ mandakena꞉ ta꞉na꞉ma꞉ homilimikie.

Dia꞉mesi 5:16

Koto ekina꞉ yeni tandela haluekema꞉ ika꞉ hoke hau peleme ekimanu ka꞉la꞉pa alualu peata꞉ kutupa ika꞉ kone Koda꞉ pa꞉ta꞉ yeni pitolo hata꞉ tamba꞉ mu alualu pea꞉pa꞉peke. Tikitiki yao hala꞉ halima꞉ yeni pia꞉ka꞉na꞉ta꞉ kota꞉ wele wotu pilieke.

1 Desalonaika 5:17

Hoto paeyao make yeni pu hapa꞉peke.

2 Kotindi 1:11

Kutupa make niki tamba꞉ minolo yeni peaasome ekima꞉ta꞉ ipikana꞉ma꞉ niki pa tamba꞉ mina꞉ lelimikie. Koto ekina꞉ta꞉ nikina꞉ piteleme yeni paeyaota꞉ hombo pealieke. Kutupa Koda꞉ma꞉ niki epeaalieke. Koto ekina꞉ wopuma꞉ nikina꞉ Koda꞉ pa꞉ta꞉ keiyae lelimikie.

Ma꞉tiu 18:19

Pa ameta꞉ do pi make apa꞉taaso iki pa꞉ta꞉ alome. Iki paeyao tukiki pa꞉ta꞉ epi yaapo a꞉nda꞉ma꞉ mo pea꞉peke hau homeke a꞉nda꞉ do pate puluekema꞉ epena꞉e laa homeke hone wia hata꞉ yeni pipika꞉na꞉ta꞉ kota꞉ oli ya hepeni hala꞉ Apa꞉ma꞉ opua ipilika꞉ hone pa꞉la꞉ ekita꞉ ota꞉ peawalieke.

Hibulu 13:3

Mo dipula haena꞉ la꞉la꞉ wanda꞉halina꞉ ka꞉nda꞉ta꞉ nika꞉eki kone hone witolo hata꞉ iki hone na yonka꞉lapa꞉peke. Koto tupa꞉ kone mo mandane tanda no haleme wanda꞉hali make hone na yonka꞉lapa꞉peke.

Aposolo 12:12

Koto hone wiata꞉ Dionita꞉ ipika꞉ biki ma꞉nda꞉ Maka ipika꞉ inkiki Metina꞉ da pa꞉ta꞉ peekeme. Koto da pa꞉ta꞉ wanda꞉hali wopuma꞉ momba꞉la pita꞉ yeni pu pitimikime.

Luku 18:1

Kutupa Yesuma꞉ta꞉ ipika꞉ disaipolo haliwekima꞉ kima꞉ na homeke hoto paeyao yeni pea꞉tiki pina꞉yeke onkoluma꞉ laa dupa leekeme.

Aposolo 12:4

Kutupa da꞉ka꞉pa꞉ minata꞉ dipula mea lopao ami haliweki mandane tonkopu mandane tonkopu mandane tonkopu mandane tonkopu haliwekita꞉ kade hatiki pina꞉ leekeme. Ipika꞉ honema꞉ta꞉ mo hande Lombei Pupa Yapeeke pita꞉ paeya꞉ka꞉na꞉ta꞉ wanda꞉hali pa꞉ta꞉ mea a꞉pa walueke hone wiekeme.

Aposolo 12:6

Hetodima꞉ Pida mea a꞉pa waluekema꞉ haena꞉ timba kone Pidata꞉ mo ami hali yaapo ame̱le̱ seni pu yaapoma꞉ endialu pea tukiki pa꞉ta꞉ peliekeme. Kutupa pota꞉ hama꞉ nane hata꞉ kade haliwekima꞉ mo dipula da handeteke hatiki ombu pimikime.