Aposolo 12:15 - Panake Pi La: Ula: Buka pita: Kine Pieke Buka

¹⁵ Ikana꞉ma꞉ ipiki pa꞉ta꞉ alota꞉ Neketa꞉ keaaso alee lemekepate ipikana꞉ma꞉ alota꞉ Ota꞉ loa꞉me leekeme. Ikana꞉ma꞉ alota꞉ Ipika꞉ enisolo hata꞉ pa꞉la꞉me lemekepate

Aposolo 12:15 Referans Kwoze

Ma꞉tiu 18:10

Ikana꞉ma꞉ dupiki wekiwandiki sunu pa꞉ta꞉ pa alema꞉ handali mina꞉ma꞉ wopu handeteke hapa꞉peke alome. Pa ekipeke. Mo wekiwandiki ika꞉ hepeni hala꞉ enisolo tonuma꞉ mo ya hepeni hala꞉ Apa꞉na꞉ leke popelekena꞉ teke pa꞉ta꞉ hata꞉ handeteke hao halememe alome.

Aposolo 26:24

Kutupa Poloma꞉ koto pi alo haena꞉ Pesitasima꞉ pi anekema꞉ alota꞉ Polo neketa꞉ keaase lea꞉me. Nakana꞉ma꞉ hau paeyao pitele ekima꞉ neke koto mea keaasa꞉ handa꞉e lea꞉pate

Luku 24:11

Kutu lemekepate mo aposolo haliwekima꞉ta꞉ mo wanda꞉ sunuma꞉ lemeke pita꞉ apa꞉ta apa꞉ta piki pi alememe laa hone na wimikime.

Maka 16:14

Kutupa wetepena꞉ mo hande kiki yaapona꞉ ankena꞉ homeke pu haliweki kone ne nalo pitina꞉ iki pa꞉ta꞉ ipika꞉ kone waleekeme. Yesuma꞉ mo haliwekima꞉ ipika꞉ tiao hayekeeki handemeke wanda꞉halina꞉ pi na opimiki handaata꞉ Yesuma꞉ mo haliwekina꞉ pi na opimiki ekina꞉ make ika꞉ puki taka꞉laeyeke ekina꞉ make pi leekeme.

Maka 16:11

Kutu piekepate mo wanda꞉halima꞉ Yesu paa tiao hala꞉me leekeeki opuata꞉ I̱ma꞉ handoa꞉me leekeeki opua kone ota꞉ na opimikime.

Kini Pieke 48:16

Mo hande tanda eleke eleke epea꞉ ale pa꞉ta꞉ I̱ pa꞉ta꞉la꞉ mea꞉tiki pia enisoloma꞉ ipiliki epeaena꞉e. Yaka biki make mo yaka apa꞉mei yaapo Eipoloha꞉ma꞉ pita꞉ Aisa꞉ke yaapona꞉ biki make do weki yaapo pa꞉ta꞉ yama꞉ pa u tia pu haena꞉e. Ipilikana꞉ma꞉ wekiwandiki wopu make mendia ipilika꞉ wekiwandikina꞉ wekiwandiki wopu haena꞉e laa leekeme.

Luku 22:59

Kutupa nate leke homeke a꞉nda꞉ paeyeketa꞉ hali ma꞉nda꞉ma꞉ ombu honkopu hao ma̱leke litolo alota꞉ Ala꞉ta꞉ ma꞉nda꞉ma꞉ na a꞉mbala꞉me. Do halita꞉ Yesu ame̱le̱ haya꞉me. Pa ekipeke ipiki make Ka꞉lili hali yekeme.

Aposolo 12:16

Pidama꞉ kilikili laaso haena꞉ pua pota꞉ lomba Pida handolo hata꞉ penkilipa꞉tia pomua wotu handake wimikime.