Aposolo 12:11 - Panake Pi La: Ula: Buka pita: Kine Pieke Buka

¹¹ Koto pita꞉ta꞉ Pidama꞉ hone wiekeme. Ameta꞉ ota꞉ hone wia handolome leekeme. Tekehalima꞉ ipika꞉ enisolo tapao mo Hetodima꞉ I̱ mia꞉ ekita꞉ mo Diu wanda꞉halima꞉ I̱ pa꞉ta꞉ pulu pelemeeki make I̱ tamba꞉ mia꞉me leekeme.

Aposolo 12:11 Referans Kwoze

2 Pida 2:9

Koto ekina꞉ Koda꞉ma꞉ta꞉ mo ipika꞉ hau leke piteleme wanda꞉hali ika꞉ ka꞉nda꞉ma꞉ homelemeke pa꞉ta꞉la꞉la꞉ ekita꞉ hone ula꞉me. Kutupa make mo hoke wanda꞉halita꞉ hoke yenki oto pa꞉ta꞉ haena꞉ laata꞉ mo pi yokaalu pulu pa꞉la꞉ nate yu wia haena꞉ ala꞉ ekita꞉ hone ula꞉me.

Aposolo 5:19

Kutu pimikipate koto timbata꞉ Tekehali ipika꞉ enisolo ma꞉nda꞉ma꞉ mo dipula da pota꞉ lomba꞉ mea hande aposolo haliweki hama꞉ nane hatuku pua iki pa꞉ta꞉ alota꞉

Luku 15:17

Kotoeki puoopu hao wetepena꞉ ipika꞉ hone lumba witolo hata꞉ ipika꞉ honema꞉ alota꞉ Ya apa꞉na꞉ e pokaaseme haliwekima꞉ ne ana꞉na꞉ nalo hata꞉ mandaneeki pa wina꞉ lo halemepate I̱ta꞉ do pa꞉ta꞉ hata꞉ta꞉ tea꞉ma꞉ homoluekema꞉ taapolome hone wiekeme.

Aposolo 12:7

Kuta kone Tekehalina꞉ enisolo homeke epeeketa꞉ mo da panda꞉ pa꞉ta꞉ pa̱a̱ tieke piekeme. Kutupa ipikana꞉ma꞉ Pida a꞉pa lu tiaaso alota꞉ A̱i̱ tiae leekeme. Kutupa hande seni pumanu ipika꞉ kiki pa꞉ta꞉ kone tunkulupa lopa꞉ lopa꞉ piekeme.

Hibulu 1:14

Mo enisolo paeyaota꞉ Koda꞉na꞉ deto hala꞉eki mulu peleme wanda꞉halina꞉ pa꞉ta꞉la꞉la꞉ temokomanu na halemeke yekea.

Aposolo 24:27

Kutupa hao bapi yaapo yapeeketa꞉ Pilikisima꞉ kapomani you hali haya꞉ ekita꞉ pa Posiasi Pesitasima꞉ miekeme. Kutu pieketa꞉ Pilikisima꞉ta꞉ mo Diu haliweki ta꞉na꞉ma꞉ homaaluekema꞉ Polota꞉ dipula pa pita꞉ pelia haena꞉ laa peekeme.

Kini Pieke 26:9

Kutupa Abimelekema꞉ Aisa꞉ke handa꞉ mulu pena꞉ la alota꞉ Kota꞉ naka꞉ wanda꞉ ya꞉ka꞉ta꞉me. Pa ekipeke naka꞉ ana꞉e la pelepe leekeme. Aisa꞉kema꞉ hombo peaaso alota꞉ Yaka honema꞉ta꞉ Yaka wanda꞉e loa꞉ka꞉na꞉ta꞉ kota꞉ I̱ limikie hone ua꞉me leekeme.

Kini Pieke 18:13

Koto ekina꞉ mo Tekehalima꞉ Eipoloha꞉ma꞉ pa꞉ta꞉ lota꞉ pitolo alota꞉ Ekipeke Setama꞉ ki talo hata꞉ ipikita꞉ ota꞉ koke yolome ekipa weki mondulua꞉pe ala꞉pe.

Kini Pieke 15:13

Kutupa mo Tekehalima꞉ ipiki pa꞉ta꞉ alota꞉ Naka꞉ monduma꞉ monduma꞉ pilipi wekiwandikina꞉ wekiwandikita꞉ mo ma꞉nda꞉na꞉ kenkena꞉ pua hata꞉ta꞉ leke popeleke na handeke tapake leke halimikie. Ikita꞉ koto pa꞉ta꞉ta꞉ pa pa hameke e pokaasa꞉ tapake hata꞉ 400 bapina꞉ta꞉ ota꞉ hoke tupa꞉ handeteke halimikie.

Aposolo 25:9

Pesitasima꞉ mo Diu haliweki ta꞉na꞉ma꞉ homa꞉ tiaaluekema꞉ Polo pa꞉ta꞉ lota꞉ pitolo hata꞉ alota꞉ Do hande samani piteleme pita꞉ I̱ma꞉ naka꞉ pi yokaaluta꞉ oli Diutuseleme da nane peaano poluekema꞉ hone witelepe laa lota꞉ piekeme.