Aposolo 12:10 - Panake Pi La: Ula: Buka pita: Kine Pieke Buka

¹⁰ Kutupa titina꞉ kade hayeke alena꞉ lombei pupa pua koto hoki pa꞉ta꞉eki make lombei pupa puaata꞉ mo hande daoni nane peeke ayenima꞉ wepieke pota꞉ kake tieke pa꞉ta꞉ opolo pepekeme. Kutupa mo hande pota꞉ta꞉ ipika꞉ kone lombeekeme. Kutupa ipilikita꞉ tunkulupa puaata꞉ pota꞉ homeke yola꞉ mea pepekepate mo enisolota꞉ koto kone Pida mina꞉pa꞉lao peekeme.

Aposolo 12:10 Referans Kwoze

Aposolo 5:19

Kutu pimikipate koto timbata꞉ Tekehali ipika꞉ enisolo ma꞉nda꞉ma꞉ mo dipula da pota꞉ lomba꞉ mea hande aposolo haliweki hama꞉ nane hatuku pua iki pa꞉ta꞉ alota꞉

Aposolo 16:26

koto kone yu momeni tieke wotu piekeme. Koto ekina꞉ mo dipula da pinkimanu la꞉ma꞉ la꞉ma꞉ pieketa꞉ koto kone mo hande da pota꞉manu paeyao lomba wieketa꞉ hali paeyaona꞉ seni pumanu pa kone ka꞉la꞉pe pa lopeekeme.

Dioni 20:19

Koto Sande timbaata꞉ mo hande disaipolo ame̱le̱ pomu haemeke haliwekima꞉ mo Diu haliweki pa꞉ta꞉ paala꞉ma꞉ homolo hata꞉ da pota꞉manu poka loka꞉ hao da tukiki pa꞉ta꞉ momba꞉la pitimikipate Yesuma꞉ iki tukiki pa꞉ta꞉ a꞉pa hata꞉ alota꞉ Ika꞉ puki lopa꞉niaape leekeme.

Kini Pieke 42:17

Kutupata꞉ mo tapaketa꞉ hoto tepo dipula pitaeyekeme.

Kini Pieke 40:3

mo hande Diosepe pitieke ale pa꞉ta꞉ oni dipula handeteke hayeke somena꞉ da pa꞉ta꞉ dipula mea pitaeyekeme.

Peneme Yaeyekeeki 3:7

Mo Pila꞉delepia siosina꞉ enisolo pa꞉ta꞉ dupa lae. Do pita꞉ mo yako pea ota꞉ hauna꞉ teke halima꞉ ala꞉me. Ipikita꞉ mo hande Deipidina꞉ pota꞉ ki wia hala꞉ halie. Kutupa ipikana꞉ma꞉ pota꞉ ma꞉nda꞉ lombea꞉ka꞉na꞉ta꞉ ma꞉nda꞉ma꞉ hamba꞉peke na ya꞉la꞉me make pokea꞉ka꞉na꞉ta꞉ ma꞉nda꞉ma꞉ lomba꞉peke na ya꞉la꞉me.

Aposolo 12:4

Kutupa da꞉ka꞉pa꞉ minata꞉ dipula mea lopao ami haliweki mandane tonkopu mandane tonkopu mandane tonkopu mandane tonkopu haliwekita꞉ kade hatiki pina꞉ leekeme. Ipika꞉ honema꞉ta꞉ mo hande Lombei Pupa Yapeeke pita꞉ paeya꞉ka꞉na꞉ta꞉ wanda꞉hali pa꞉ta꞉ mea a꞉pa walueke hone wiekeme.

Dioni 20:26

Kutupa pula homeke paeyeketa꞉ hande disaipolo haliweki Tomasi ame̱le̱ mo da tukiki pa꞉ta꞉ pa momba꞉la haemekeme. Mo pota꞉manu loka꞉ hao haemekepate Yesu a꞉paata꞉ iki tukiki pa꞉ta꞉ a꞉pa hata꞉ alota꞉ Ika꞉ puki lopao pita꞉pe laata꞉