Aposolo 11:19 - Panake Pi La: Ula: Buka pita: Kine Pieke Buka

¹⁹ Hande Sidipeni lia Ketiso wanda꞉hali luekema꞉ pimiki pita꞉ da mina꞉pa꞉lao pemeke wanda꞉halita꞉ mo Pinisia nane make Saipotasi nane make A꞉ndioko nane make pulu hata꞉ Diu wanda꞉hali pa꞉ta꞉ homeke pi wala꞉tiki pimikime.

Aposolo 11:19 Referans Kwoze

Aposolo 21:2

Koto da pa꞉ta꞉ hata꞉ Pinisia nane polu pia꞉ palai kawaso ma꞉nda꞉ handa꞉ wiaata꞉ koto kawasona꞉ pita poma꞉me.

Aposolo 15:35

Kutu pimikipate Polo Banabasi yaapo A꞉ndioko da nane hao haota꞉ haliweki paeyao ame̱le̱ hata꞉ Tekehalina꞉ pi latiki peata꞉ wala꞉tiki pu haemekeme.

Aposolo 15:22

Koto pa꞉la꞉ ekina꞉ mo aposolo haliweki make mo tondiki haliweki make siosi wanda꞉hali paeyao ame̱le̱ ikana꞉ma꞉ iki pa꞉ta꞉ mandane haliweki talopu mea haena꞉ laata꞉ Polo Banabasi yaapo ame̱le̱ hata꞉ta꞉ mo A꞉ndioko da pa꞉ta꞉ tapaaluekema꞉ hone wimikime. Diudasi biki ma꞉nda꞉ Basabasi meata꞉ Sailasi make talopu mea haena꞉ lemekeme. Mo Ketiso wanda꞉halima꞉ koto hali yaapo pa꞉ta꞉ epeke hone u haemekeme.

Aposolo 15:3

Koto ekina꞉ mo siosi tapakema꞉ tapaemeketa꞉ pua mo Pinisia nane make Sametia nane make pomu lopa mo Diendaili wanda꞉halima꞉ Koda꞉ pa꞉ta꞉ puki la꞉ka꞉laemekeeki walolo hata꞉ koto pima꞉ mo Ketiso wanda꞉hali paeyaota꞉ ta꞉na꞉ma꞉ homaemekeme.

Aposolo 4:36

Kutupu haemekepate hali ma꞉nda꞉ta꞉ Diosepe hayekeme. Koto halita꞉ Lipae tapake hali hayekepate ipiki mendiki hauta꞉ Saipotasi nane mendieke halie. Aposolo haliwekima꞉ mo halina꞉ biki ma꞉nda꞉ Banabasi lemekeme. Mo biki lemeke ekina꞉ pi napeketa꞉ dupae. Honkopu haena꞉ Sutiaasa꞉ Halie la kone lemekeme.

Ka꞉leisia 2:11

Pida A꞉ndioko da nane epea꞉ pita꞉ma꞉ta꞉ ipika꞉ hauta꞉ peneme hoi pieke handa I̱ma꞉ ipika꞉ leke popelekena꞉ tikitiki pua sa꞉sa꞉ pua꞉me.

Aposolo 21:16

Kutupa mandane Sesatia Ketiso wanda꞉halima꞉ niki ame̱le̱ puata꞉ mo Saipotasi hali Menasonita꞉ titina꞉ pi mieke hali ipika꞉ da pa꞉ta꞉ hamonoyeke niki hatuku pememe.

Aposolo 18:22

Sesatia da opolo a꞉paata꞉ mo siosi tapake handuluekema꞉ a꞉meiya puata꞉ oni A꞉ndioko da nane hola꞉pa꞉niao peekeme.

Aposolo 15:39

Kutupa ipilika꞉ pi ta꞉ta꞉ ta꞉ta꞉ pea ka꞉nda꞉ma꞉ homepeke handa pota꞉ ma꞉nda꞉na꞉ ma꞉nda꞉ pea pota꞉ ma꞉nda꞉na꞉ ma꞉nda꞉ pea pepekeme. Banabasima꞉ Maka ame̱le̱ pita palai kawasona꞉ Saipotasi nane pepekepate

Aposolo 13:46

Kutupa Solo pita꞉ Banabasi yaapoma꞉ paala꞉ma꞉ na homeke hata꞉ pi alo alota꞉ Iki pa꞉ta꞉ amba꞉la Koda꞉na꞉ pi ale wala꞉peke ya꞉la꞉pateo. Ikana꞉ma꞉ kiaaso hata꞉ Nikita꞉ deto hala꞉eki mea꞉peke na ya꞉la꞉me alemeke handaata꞉ kota꞉ handa꞉pe. Mo Diendaili wanda꞉hali pa꞉ta꞉ walo pulupa꞉me lepekeme.

Aposolo 13:4

Koto ekina꞉ hande hali yaapota꞉ mo Holi Sipitidima꞉ tapaaso haena꞉ oni Selusia nane pepekeme. Koto pa꞉ta꞉ opolo pua Saipotasi nane palai kawaso tiekena꞉ pita pepekeme.

Aposolo 13:1

Mo A꞉ndioko siosi tapake pa꞉ta꞉ mandane potopede haliweki make pi walo haemeke haliweki make haemekeme. Koda꞉na꞉ pi lao hayeke Banabasi make Simioni biki ma꞉nda꞉ Naidia make Saitini hali Lusiasi make hande you hali Hetodina꞉ yankeke hali homeke Maneini make Solo make haemekeme.

Aposolo 3:26

Koto ekina꞉ Koda꞉ma꞉ ipika꞉ e pokaasa꞉ hali mea haena꞉ laata꞉ iki pa꞉ta꞉ amba꞉la tapaeyekeme. Koto tapake hauta꞉ iki epeaaluekema꞉ piekeme. Ikana꞉ma꞉ ika꞉ hoke haumanu mina꞉pa꞉lao ika꞉ puki ipikana꞉ma꞉ la꞉ka꞉laasa꞉ ekima꞉ iki epeaaluekema꞉ piekeme laa leekeme.

Dioni 7:35

Mo Diu haliwekima꞉ ika꞉ ika꞉ kone pi la꞉ alu alu pitolo hata꞉ alota꞉ Ipikita꞉ mo nikana꞉ma꞉ na handolo poloma꞉ tupa꞉ hane poluekema꞉ ala꞉pe. Ipikita꞉ mo nika꞉ wanda꞉hali haleme Kitiki daoni pa꞉ta꞉manu mo Kitiki wanda꞉hali walo peliekepe.

Ma꞉tiu 10:6

Pate kutu piteleme tupa꞉ta꞉ mo Isulaina꞉ alu peleme sipisipima꞉ handeleme wanda꞉hali pa꞉ta꞉ pua꞉pa꞉peke leekeme.

Aposolo 6:5

Koto lemeke ekina꞉ mo Ketiso hali paeyao ta꞉na꞉ma꞉ wopu homa mimiki haliwekita꞉ Sidipeni Koda꞉na꞉ pi wopu miniki hata꞉ make Holi Sipitidima꞉ tumba hayeke halie. Kutupa Pilipi Polokotasi Nikano Timono Pamenasi Nikolasi make A꞉ndioko hali kone Diu haliwekina꞉ hau mieke halie.

Aposolo 11:20

Kutu pimikipate mandane haliwekima꞉ Saipotasi Saitini yaapo nane haemeke haliwekima꞉ A꞉ndioko da pa꞉ta꞉ opolo a꞉paata꞉ mo Tekehali Yesuna꞉ pi Kitiki wanda꞉hali pa꞉ta꞉ make wala꞉tiki pimikime.

Aposolo 11:22

Mo Diutuseleme siosi tapakema꞉ handeeki pi opuaata꞉ kutupa oli A꞉ndioko da pa꞉ta꞉ Banabasi tapaemekeme.

Aposolo 14:26

Kutupa koto hao palai kawasona꞉ pita hande A꞉ndioko da pa꞉ta꞉ pepekeme. Koto data꞉ amba꞉ kone mo Koda꞉na꞉ a꞉ta꞉ma꞉ homa꞉la꞉eki minolo hata꞉ ipika꞉ pi walena꞉yeke tapaemeke haliweki pa꞉ta꞉ta꞉ pi wala paeyeke handa paa opolo epepekeme.

Aposolo 15:30

Kutupa mo tapaemeke haliweki oni A꞉ndioko da nane puaata꞉ Ketiso wanda꞉hali a꞉pa mombelena꞉ laaka꞉na꞉ hande pase halemekeme.