Aposolo 11:18 - Panake Pi La: Ula: Buka pita: Kine Pieke Buka

¹⁸ Mo haliwekima꞉ Pidama꞉ leekeeki opuaata꞉ ika꞉ lota꞉ lota꞉ pimiki pimanu tunkulata꞉ Koda꞉na꞉ pi laaso hata꞉ alota꞉ Koda꞉ma꞉ta꞉ mo Diendaili wanda꞉halima꞉ make hone ma꞉nda꞉ la꞉ka꞉la꞉ mina wia da꞉ta꞉la꞉eki mea꞉pa꞉peke pota꞉ lombolo piekeme lemekeme.

Aposolo 11:18 Referans Kwoze

2 Kotindi 7:10

Pa ekipeke mo Koda꞉ma꞉ homo tiaasa꞉ ka꞉nda꞉ma꞉ta꞉ puki topo peaasa꞉eki mea ipulu hata꞉ da꞉ta꞉monoyeke pa꞉ta꞉la꞉la꞉eki pa꞉ta꞉ hatuku pula꞉mee. Koto ekina꞉ta꞉ ma꞉nda꞉ma꞉ koto pa꞉ta꞉ta꞉ I̱ hoeyaasa꞉ ekie pi ma꞉nda꞉ lapeke na ya꞉la꞉me. Pate do kenkena꞉ hau pa꞉ta꞉ ipula꞉ ka꞉nda꞉ma꞉ta꞉ homa꞉la꞉eki handa꞉ u hala꞉me.

Aposolo 20:21

Kutupa Diu wanda꞉hali pa꞉ta꞉ make Kitiki wanda꞉hali pa꞉ta꞉ make ika꞉ Koda꞉ pa꞉ta꞉ hone ma꞉nda꞉ la꞉ka꞉la꞉ mina꞉ wiaata꞉ nika꞉ Tekehali Yesu Ketisona꞉ pi miniki haena꞉yeke walo haowa꞉ ekita꞉ handememe lea꞉me.

Aposolo 5:31

Koda꞉ma꞉ Yesu paa mea tiaota꞉ ipikita꞉ Titina꞉ Pula꞉ Hali make Da꞉taasa꞉ Hali make ipika꞉ popeke kiki nane haena꞉ laata꞉ Isulai wanda꞉halima꞉ hone ma꞉nda꞉ la꞉ka꞉la mina wiaata꞉ ika꞉ hoke hau peleme ekimanu pa tumbaena꞉yeke piekeme.

2 Kotindi 3:18

Kota꞉ niki paeyaota꞉ mo Tekehalina꞉ pa̱a̱ta꞉ na a꞉mbake nika꞉ leke popelekema꞉ta꞉ ipika꞉ pa̱a̱na꞉ su̱a̱ su̱a̱ waloma꞉me. Kutupa koto homeke pa̱a̱ma꞉ kone Tekehali hande Sipitidi pa꞉ta꞉ yama꞉ ipula꞉ ekima꞉ta꞉ nikita꞉ mo hoto paeyao pa daeya꞉tiki pu hala꞉ pa̱a̱ tieke pa꞉ta꞉ ipikima꞉ handomono topo peao hala꞉me.

Aposolo 21:20

Kutupa mo haliwekima꞉ kotoeki opuaata꞉ Koda꞉na꞉ pi laememe. Kutupa ipiki pa꞉ta꞉ alota꞉ Kameo. Hande Diu haliweki paeyaoma꞉ pi mimiki ekita꞉ handeleme. Paeyaoma꞉ hande Lo Pimanu opuluekema꞉ hone wotu witelemepate

Aposolo 3:26

Koto ekina꞉ Koda꞉ma꞉ ipika꞉ e pokaasa꞉ hali mea haena꞉ laata꞉ iki pa꞉ta꞉ amba꞉la tapaeyekeme. Koto tapake hauta꞉ iki epeaaluekema꞉ piekeme. Ikana꞉ma꞉ ika꞉ hoke haumanu mina꞉pa꞉lao ika꞉ puki ipikana꞉ma꞉ la꞉ka꞉laasa꞉ ekima꞉ iki epeaaluekema꞉ piekeme laa leekeme.

Ka꞉leisia 1:24

kota꞉ koto ekina꞉ta꞉ ikana꞉ma꞉ Koda꞉na꞉ biki yeiya꞉ laemekeme.

Loma꞉ 9:30

Koto ekina꞉ do aloma꞉ pita꞉ eki epina꞉ aloma꞉pe dupae. Diendaili wanda꞉halima꞉ta꞉ Koda꞉ yaapo tikitiki yao haluekema꞉ pota꞉ na weimikipate ikana꞉ma꞉ Koda꞉ pa꞉ta꞉ hone tulaaleme ekima꞉ Koda꞉ma꞉ ikita꞉ ipiki yaapo tikitiki hamina꞉ la꞉la꞉me.

Aposolo 15:3

Koto ekina꞉ mo siosi tapakema꞉ tapaemeketa꞉ pua mo Pinisia nane make Sametia nane make pomu lopa mo Diendaili wanda꞉halima꞉ Koda꞉ pa꞉ta꞉ puki la꞉ka꞉laemekeeki walolo hata꞉ koto pima꞉ mo Ketiso wanda꞉hali paeyaota꞉ ta꞉na꞉ma꞉ homaemekeme.

Aposolo 14:27

Kutupa opolo a꞉paata꞉ siosi tapake wanda꞉hali mombelena꞉ laata꞉ Koda꞉ma꞉ Diendaili wanda꞉halima꞉ pi mina꞉yeke pota꞉ lombeekeeki make walepekeme.

Aposolo 11:1

Mo Diudia nane haemeke aposolo haliweki paeyao pa꞉ta꞉ make Ketiso wanda꞉hali make iki paeyaoma꞉ta꞉ mo Diendaili wanda꞉halima꞉ make Koda꞉na꞉ pi mimiki ekita꞉ opimikime.

Aposolo 3:19

Koto pa꞉la꞉ ekina꞉ ika꞉ hoke hau peleme ekimanu Koda꞉ma꞉ honi mea baena꞉yeke ikana꞉ma꞉ hone ma꞉nda꞉ la꞉ka꞉la꞉ mina wiaata꞉ Koda꞉ pa꞉ta꞉ la꞉ka꞉la꞉ mina pua꞉pa꞉peke.

Ma꞉tiu 9:8

Wanda꞉halima꞉ koto hau handolota꞉ paala꞉ma꞉ homemekeme. Do epeaasa꞉ weleta꞉ Koda꞉ma꞉ haliweki pa꞉ta꞉ halaa pia꞉ka꞉ta꞉me laa ipika꞉ biki yeiya꞉ laemekeme.