Aposolo 11:14 - Panake Pi La: Ula: Buka pita: Kine Pieke Buka

¹⁴ Koto halima꞉ neke pa꞉ta꞉ lolo pa꞉la꞉ pima꞉ta꞉ neke make naka꞉ da pa꞉ta꞉ haleme wanda꞉hali paeyao tonka꞉na꞉ da꞉taalieke laa lea꞉me.

Aposolo 11:14 Referans Kwoze

Aposolo 16:15

Kutupa ipika꞉ tapake ame̱le̱ bapitaisi pea hata꞉ niki pa꞉ta꞉ honke alo hata꞉ alota꞉ Ikana꞉ma꞉ta꞉ I̱ta꞉ pi na tunkuliki Tekehali pa꞉ta꞉ epeke halome hone wimika꞉na꞉ta꞉ kota꞉ ya da pa꞉ta꞉ a꞉pa hao hapa꞉peke lea꞉me. Kutupa honke wopu leeke handa poma꞉me.

Aposolo 10:22

Mo haliwekima꞉ alota꞉ Koniliesita꞉ ami opisa epeke halima꞉ tapaeya꞉me laa ipikana꞉ma꞉ Koda꞉ pa꞉ta꞉ paala꞉ma꞉ homa꞉la꞉ halie laata꞉ Diu wanda꞉hali paeyaoma꞉ epeke pi lo hala꞉ halie. Kutupa Koda꞉na꞉ yako piki enisolo homekema꞉ leeke handa naka꞉ pimanu tonka꞉na꞉ opuluekema꞉ neke handa꞉ mulu pupe leeke handa ipuluma꞉me lemekeme.

Aposolo 10:6

Koto someta꞉ hali ma꞉nda꞉na꞉ da pa꞉ta꞉ ta꞉ka꞉li pua pila꞉me. Mo da teke hali Saimonota꞉ ma꞉na꞉ yonkeleke hako ala꞉ta꞉ ala꞉ta꞉ wepu hala꞉ halie. Kutupa ipika꞉ data꞉ dawala ikali tea꞉na꞉ hala꞉me leekeme.

Aposolo 10:2

Hande halita꞉ Koda꞉ pa꞉ta꞉ hone wotu u hao ipika꞉ weteke weki wandikima꞉ Koda꞉ pa꞉ta꞉ paala꞉ma꞉ wotu homa꞉tiki pu haemekeme. Kutupa ipika꞉ kiki tindipao mani dia꞉yeke wanda꞉hali pa꞉ta꞉ halo haota꞉ Koda꞉ pa꞉ta꞉ yeni pia꞉tiki pu hayekeme.

Aposolo 2:39

Pa ekipeke mo hande Koda꞉ma꞉ pi la꞉ wieke ekita꞉ iki pa꞉ta꞉ make ika꞉ weki wandiki pa꞉ta꞉ make mo papate haleme wanda꞉hali pa꞉ta꞉ make pa mo Tekehalima꞉ ipiki pa꞉ta꞉ kone epena꞉ wi ala꞉ wanda꞉hali paeyao pa꞉ta꞉ta꞉ make ipikana꞉ma꞉ pi la꞉ wiekeme laa leekeme.

Dioni 20:31

Kutu pa꞉la꞉pate ikana꞉ma꞉ Yesuta꞉ mo Ketiso make Koda꞉ ipika꞉ Eiyeke make hala꞉me laa ipiki pa꞉ta꞉ hone tulao hata꞉ ipika꞉ bikina꞉ da꞉ta꞉la꞉eki muemena꞉yeke do ekimanu do bukana꞉ wape pea ula꞉me.

Kini Pieke 17:7

I̱ma꞉ta꞉ neke pa꞉ta꞉ make naka꞉ monduma꞉ monduma꞉ pilipi wekiwandikina꞉ wekiwandikina꞉ tapake pa꞉ta꞉ maketa꞉ do la꞉ witolo pita꞉ ota꞉ na paeke pa u halo pa꞉la꞉ pi la꞉ witolome. I̱ta꞉ naka꞉ Koda꞉ make naka꞉ monduma꞉ monduma꞉ pilipi wekiwandikina꞉ wekiwandikina꞉ Koda꞉ make halueke.

Dioni 12:50

Kutupa yaka Apa꞉ma꞉ du pea꞉peke la ala꞉ pi manuta꞉ da꞉ta hao hala꞉eki kone peaasa꞉ekie hone witolome. Koto ekina꞉ I̱ma꞉ alo pita꞉ yaka Apa꞉ma꞉ I̱ pa꞉ta꞉ lapeke lea꞉ pi kone alome leekeme.

Dioni 6:63

Loke mindikima꞉ta꞉ niki tamba꞉ mea꞉peke na yelieke. Mo hande Sipitidima꞉ kone da꞉taapeke ya꞉la꞉me. I̱ma꞉ iki pa꞉ta꞉ loa꞉ pi manuta꞉ Sipitidina꞉eki make da꞉taapekeeki make loa꞉me.

Dioni 4:53

Atekema꞉ hone witolota꞉ Ambaneke koto natena꞉ kone Yesuma꞉ I̱ pa꞉ta꞉ alota꞉ Naka꞉ weki tiaalieke laa lea꞉me hone wiekeme. Koto ekina꞉ mo halima꞉ make ipika꞉ weki wanda꞉ma꞉ make hone tulaemekeme.

Luku 19:10

Wanda꞉halina꞉ Eiyeketa꞉ mo alu pa꞉la꞉ wanda꞉hali handa꞉ wia peteluekema꞉ yeke a꞉pa꞉la꞉me leekeme.

Maka 16:16

Hali epima꞉ pi mea bapitaisi peawaya꞉ka꞉na꞉ta꞉ koto halita꞉ da꞉ta halieke. Kutu piliepate hali epima꞉ pi na mia꞉ka꞉na꞉ta꞉ ipika꞉ yenki milieke. Koda꞉ma꞉ pi yokaalu pia꞉ka꞉na꞉ta꞉ kota꞉ alu pilieke.

Kini Pieke 18:19

I̱ma꞉ta꞉ ipikana꞉ma꞉ ipika꞉ weki titi make ipika꞉ monduma꞉ monduma꞉ pilia꞉ wekiwandikina꞉ wekiwandiki pa꞉ta꞉ make I̱ pa꞉ta꞉ homu pea tikitiki hau make ota꞉ hau make ota꞉ pia꞉pa꞉peke laa la halena꞉yeke ipiki ma̱leke lulume. Ikana꞉ma꞉ kutu pimika꞉na꞉ta꞉ kota꞉ I̱ma꞉ mo ipiki pa꞉ta꞉ pi la꞉ ua꞉ tupa꞉ hau paeyao peawalueke leekeme.

1 Kotindi 1:16

Kutupa make mo hande Sitepanisi ipika꞉ weki wanda꞉ ame̱le̱ iki bapitaisi peaowa꞉pate pa mandane wanda꞉hali bapitaisi peaowa꞉ ekita꞉ I̱ma꞉ hone na witolome.

Aposolo 18:8

Mo pi hotu haemeke da you hali Kitisipusima꞉ ipika꞉ weki wanda꞉ ame̱le̱ pi mimikime. Kutupa Kotindi wanda꞉hali wopuma꞉ make Poloma꞉ waleeke pi opua meaata꞉ bapitaisi pimikime.

Aposolo 10:43

Mo hande potopede haliweki paeyaoma꞉ ipiki pa꞉ta꞉ lemeke ekita꞉ dupae. Hali epima꞉ ipika꞉ pi miniki haya꞉ka꞉na꞉ta꞉ kota꞉ ipika꞉ bikina꞉ mo hoke hau piekeeki pa tombuaasa꞉eki milieke lemekeme leekeme.

Dioni 6:68

Saimono Pidama꞉ ipika꞉ pi hombo peaaso alota꞉ Tekehalio. Epi pa꞉ta꞉ pomonope. Naka꞉ pi manuta꞉ da꞉tao hala꞉ pimanue.

Aposolo 11:13

Kutupa ipikana꞉ma꞉ta꞉ niki pa꞉ta꞉ enisolo ma꞉nda꞉ma꞉ ipika꞉ da pa꞉ta꞉ a꞉pa hata꞉ ipiki pa꞉ta꞉ leekeeki dupa lea꞉me laa niki pa꞉ta꞉ la kia꞉me. Diopa da nane hali ma꞉nda꞉ tapae laa hali ma꞉nda꞉ ipika꞉ ota꞉ bikita꞉ Saimono Pida koto hali wi lolo pena꞉ tapae laa lea꞉me.