Aposolo 10:43 - Panake Pi La: Ula: Buka pita: Kine Pieke Buka

⁴³ Mo hande potopede haliweki paeyaoma꞉ ipiki pa꞉ta꞉ lemeke ekita꞉ dupae. Hali epima꞉ ipika꞉ pi miniki haya꞉ka꞉na꞉ta꞉ kota꞉ ipika꞉ bikina꞉ mo hoke hau piekeeki pa tombuaasa꞉eki milieke lemekeme leekeme.

Aposolo 10:43 Referans Kwoze

Aposolo 2:38

Koto lemeke handaa Pidama꞉ iki pa꞉ta꞉ alota꞉ Koda꞉ma꞉ ika꞉ hoke hau peleme ekimanu pa paeyaena꞉yeke hone ma꞉nda꞉ la꞉ka꞉la꞉ mina wiaata꞉ Yesu Ketisona꞉ bikina꞉ bapitaisi hau pea꞉pa꞉peke. Kutu pimika꞉na꞉ta꞉ Koda꞉ma꞉ kilie aleta꞉ mo Holi Sipitidi kilieke.

Loma꞉ 10:11

Kota꞉ mo hande Baibolo bukana꞉ wape pa꞉la꞉ ekita꞉ dupa Hali epima꞉ ipiki pa꞉ta꞉ hone tulaeya꞉ka꞉na꞉ta꞉ kota꞉ hone ka꞉nda꞉ma꞉ homa na halieke laa wape pa꞉la꞉me.

1 Pida 1:11

Ketisona꞉ temokoma꞉ mo potopede haliweki tukiki pa꞉ta꞉ pita꞉ Ketiso ipika꞉ tanda mulu piekeeki make ipika꞉ pa̱a̱ma꞉ telimea epolo piekeeki make la꞉ wia waleeke pita꞉ma꞉ta꞉ ikana꞉ma꞉ koto hau manuta꞉ ekipa handima꞉ ipiliepe laa handuluekema꞉ weiyu taapo haemekeme.

Loma꞉ 5:1

Nika꞉ hone tulaaloma꞉ ekima꞉ Koda꞉ma꞉ nikita꞉ ipiki yaapo tikitiki hamono la꞉la꞉me. Kutu pa꞉leke handa Koda꞉ma꞉ nika꞉ puki lopao ipiki ame̱le̱ hamono la꞉la꞉me. Nika꞉ Tekehali Yesu Ketisoma꞉ pa꞉la꞉ ekina꞉ pa꞉la꞉me.

Loma꞉ 8:1

Koto ekina꞉ Yesu Ketiso ame̱le̱ ta꞉ma꞉ni pea haloma꞉ wanda꞉hali pa꞉ta꞉ta꞉ ma꞉nda꞉ma꞉ hoke yenki kia꞉peke na ya꞉la꞉me.

Dioni 5:24

Iki pa꞉ta꞉ ota꞉ pi alome. Hali epima꞉ I̱ma꞉ alo pimanu opuaata꞉ I̱ tapaala꞉ hali pa꞉ta꞉ make hone tulaeya꞉ka꞉na꞉ta꞉ kota꞉ koto halita꞉ deto hala꞉eki miniki hala꞉me. Kutu pita꞉la꞉ halita꞉ homa꞉la꞉eki mina꞉pa꞉lao da꞉ta꞉la꞉eki amba꞉ miniki hala꞉eki yolo hata꞉ pi yokaalu pulu pa꞉la꞉ pa꞉ta꞉ na pelieke.

Loma꞉ 8:34

Hali epima꞉ iki pa꞉ta꞉ alota꞉ Hoke yenki milimikie laa lapeke ya꞉la꞉pe. Dia꞉me. Ma꞉nda꞉ma꞉ koto pi lapeke na ya꞉la꞉me. Yesu Ketisota꞉ homeekepate Koda꞉ma꞉ ipiki paa mea tiao ipika꞉ popeke kikina꞉ pitina꞉ leekeme. Yesu Ketisoma꞉ta꞉ Koda꞉ pa꞉ta꞉ nika꞉ pi la꞉ mea halao hala꞉me.

Aposolo 26:22

Koda꞉ma꞉ I̱ pa tamba꞉ mina꞉la꞉eki mu hata꞉ ame make do pa꞉ta꞉ hata꞉ hali tieke pa꞉ta꞉manu make hosiki halisunu pa꞉ta꞉ make la hala꞉tiki pitolome. Hande Mosesima꞉ make mo potopede haliwekima꞉ make pulu pa꞉la꞉ ekimanu lemeke tupa꞉ I̱ma꞉ make do la halo halome.

Aposolo 26:18

Ika꞉ leke kilaowalena꞉ yeke neke tapaasome lea꞉me. Ikana꞉ma꞉ timba꞉ lo pamba꞉la꞉eki la꞉ka꞉la mina꞉pa꞉lao pa̱a̱na꞉ epoemena꞉yeke pua꞉me. Hande Sadanina꞉ wele pa꞉la꞉eki la꞉ka꞉la mina꞉pa꞉lao Koda꞉na꞉eki hamina꞉yeke pua꞉me. Koto ekina꞉ ika꞉ hoke hau pita꞉la꞉ ekimanu Koda꞉ma꞉ pa tombuao hala꞉eki muemena꞉yeke pua꞉me. Kutupa ikana꞉ma꞉ yaka pi mina꞉leke handa talopu mea haena꞉ lolo wanda꞉hali ame̱le̱ tukiki pa꞉ta꞉ a꞉pa hamina꞉yeke pua꞉me lea꞉me.

Aposolo 15:9

Kutu pieke ekima꞉ ipikana꞉ma꞉ta꞉ niki Diu wanda꞉hali make iki Diendaili wanda꞉hali make ta꞉ta꞉ ta꞉ta꞉ pea na haloma꞉eki waleekeme. Ika꞉ hone tulaemeke ekina꞉ ipikana꞉ma꞉ ika꞉ hoke haumanu pa paeyaeyekeme.

Aposolo 3:16

Mo hande ipika꞉ bikina꞉ wele pita꞉la꞉ ekima꞉ mo pota꞉ pomua꞉peke na yeke hali honkopu haena꞉ lopa꞉me. Ame do handeleme ekita꞉ mo hande ipika꞉ hone tulaasa꞉ ekima꞉ pita꞉la꞉me. Ame do handeleme ekita꞉ Yesu pa꞉ta꞉ hone tulaasa꞉ ekima꞉ ipiki epeaala꞉me leekeme.

Dioni 20:31

Kutu pa꞉la꞉pate ikana꞉ma꞉ Yesuta꞉ mo Ketiso make Koda꞉ ipika꞉ Eiyeke make hala꞉me laa ipiki pa꞉ta꞉ hone tulao hata꞉ ipika꞉ bikina꞉ da꞉ta꞉la꞉eki muemena꞉yeke do ekimanu do bukana꞉ wape pea ula꞉me.

Maka 16:16

Hali epima꞉ pi mea bapitaisi peawaya꞉ka꞉na꞉ta꞉ koto halita꞉ da꞉ta halieke. Kutu piliepate hali epima꞉ pi na mia꞉ka꞉na꞉ta꞉ ipika꞉ yenki milieke. Koda꞉ma꞉ pi yokaalu pia꞉ka꞉na꞉ta꞉ kota꞉ alu pilieke.

Peneme Yaeyekeeki 19:10

I̱ta꞉ ipiki yeiya꞉ lao yeni puluku alo ipika꞉ anke teke pa꞉ta꞉ panda꞉puniao lopoa꞉ pa꞉ta꞉ ipikana꞉ma꞉ I̱ pa꞉ta꞉ alota꞉ Ei I̱ pa꞉ta꞉ kotoeki na pia꞉pema. I̱ta꞉ e pokaaso naka꞉ yankekee. Kutupa make naka꞉ kamemanu mo Yesuma꞉ peneme yaeya꞉ ota꞉ pimanu miniki haleme wanda꞉halina꞉ yankeke halome. Koda꞉ pa꞉ta꞉ homeke yeiya꞉ laaso hata꞉ yeni pu hapeke laa lea꞉me. Pa ekipeke mo Yesuma꞉ peneme yaeya꞉ ota꞉ ekita꞉ mo potopede haliwekima꞉ alemeeki hone u tiaasa꞉ekie.

Ka꞉leisia 3:22

pa mo Baiboloma꞉ alota꞉ kenke paeyaota꞉ hoke hauna꞉ wele oto pa꞉ta꞉ ula꞉me ala꞉me. Koto ekina꞉ Koda꞉ma꞉ mo Yesu Ketiso pa꞉ta꞉ hone tulalemeeki tekena꞉ta꞉ I̱ma꞉ kulueke laa la꞉ ua꞉ ekita꞉ mo hone tulaaso haleme wanda꞉hali pa꞉ta꞉ halo hala꞉me.

Hibulu 13:20

Mo sipisipi ma꞉na꞉ handeteke hala꞉ hali tieke Yesu mo lapa꞉ pa꞉ta꞉ mea tiaeya꞉ Koda꞉ma꞉ kone mo na paelo pa꞉la꞉ la꞉ wieke we pa꞉ta꞉ yama꞉ ikana꞉ma꞉ ipika꞉ hone pa꞉la꞉ e epeke tupa꞉ pokawamena꞉ yeke epeao wina꞉e alome. Kutupa make mo puki lopawaasa꞉ Koda꞉ma꞉ Yesu Ketiso pa꞉ta꞉ yama꞉ niki tukiki pa꞉ta꞉ ipiki ta꞉na꞉ma꞉ homa꞉ tialo poloma꞉eki pina꞉ lomana꞉e alome. Ketisona꞉ bikima꞉ na paelo pa꞉la꞉ yeiya꞉ laasa꞉eki tieke mina꞉e. Kutu pina꞉e.

Kolosi 1:14

Ipikana꞉ma꞉ta꞉ niki ka꞉la꞉pa꞉ tapaala꞉me. Kotota꞉ nika꞉ hoke hau paeyawala꞉me laa loa꞉me.

Epesese 1:7

Ketiso homeeke ekima꞉ nikita꞉ ka꞉la꞉pa꞉ tapao hamono laata꞉ nika꞉ hoke hau poloma꞉ ekimanu ipika꞉ wema꞉ pa paeyaala꞉me. Koda꞉ ipika꞉ pa hameke a꞉ta꞉ma꞉ homa꞉la꞉ ekita꞉ ota꞉ wopue.

Loma꞉ 6:23

Hoke hau piteleme ekina꞉ mea꞉peke yenkita꞉ homa꞉la꞉ekie. Kutu pa꞉la꞉pate Koda꞉ma꞉ pa hameke kita꞉la꞉ ekita꞉ da꞉ta hao hala꞉ekie. Nika꞉ Tekehali Yesu Ketiso yaapo ta꞉ma꞉ni pea hamono kita꞉la꞉me.

Aposolo 3:18

Amba꞉ kiaake Koda꞉ma꞉ta꞉ ipika꞉ Ketisona꞉ tanda mulu pa꞉la꞉eki mo potopede haliweki paeyaoma꞉ la hale hale pina꞉ leekeme. Kutupa hande Koda꞉ma꞉ la꞉ wiekeeki kone ota꞉ yao ikana꞉ma꞉ do pimime.

Dioni 1:45

Koto ekina꞉ Pilipima꞉ Nada꞉niele handa꞉ wia ipiki pa꞉ta꞉ alota꞉ Hande Mosesima꞉ Lo Pimanu wape pitolo hata꞉ wape pa꞉la꞉ halita꞉ mo Koda꞉na꞉ potopede haliwekima꞉ wape pa꞉la꞉ hali kone handa꞉ uluma꞉me. Ipikita꞉ Na꞉sa꞉tete hali Diosepena꞉ eiyeke Yesue laa leekeme.

Luku 24:47

ipika꞉ bikina꞉ mo hoke hauna꞉ hone la꞉ka꞉la꞉la꞉eki make pa paeyaasa꞉eki make mo Diutuseleme da pa꞉ta꞉ kini pea pua mo kenke honiki paeyao pa꞉ta꞉ haleme wanda꞉hali pa꞉ta꞉ ota꞉ walotia pua꞉pa꞉peke ya꞉la꞉me.

Loma꞉ 3:21

Kutu pita꞉la꞉pate Koda꞉ma꞉ta꞉ wanda꞉hali ipiki pa꞉ta꞉ tikitiki yao haena꞉ la꞉la꞉ ekita꞉ peneme yao ula꞉me. Hande Lo Pi manuma꞉ peaasa꞉eki dia꞉ ya꞉la꞉pate hande Lo Pi manuma꞉ make mo hande potopede haliwekima꞉ make amba꞉ la ka꞉la꞉me.