Aposolo 10:41 - Panake Pi La: Ula: Buka pita: Kine Pieke Buka

⁴¹ Wanda꞉hali paeyaoma꞉ handena꞉ na leke pa Koda꞉ma꞉ amba꞉la talopu mieke wanda꞉halima꞉ homeke handena꞉ lea꞉me. Nikita꞉ ipika꞉ la haloloma꞉ haliweki haloma꞉me. Ipika꞉ homa paa tiao a꞉paata꞉ nikana꞉ma꞉ ipiki ame̱le̱ ne noma꞉me.

Aposolo 10:41 Referans Kwoze

Dioni 14:22

Yesuma꞉ koto leeke handaata꞉ Diudasi hande Isekatioti hali Diudasi pa꞉ta꞉ na loa꞉ma꞉ ipikana꞉ma꞉ Yesu pa꞉ta꞉ alota꞉ Tekehalio. Ekipa kenke wanda꞉halima꞉ na handena꞉ leke niki pa꞉ta꞉ homeke peneme yao walipikipe leekeme.

Dioni 21:13

Koto ekina꞉ Yesuma꞉ palaowa mulu pua iki pa꞉ta꞉ hale hale pea ta꞉peli make koto tupa꞉ kone haleekeme.

Aposolo 10:39

Kutupa mo Diu wanda꞉halina꞉ kenke nane make mo Diutuseleme da pa꞉ta꞉ make ipikana꞉ma꞉ pia꞉ ekimanu paeyaota꞉ nikana꞉ma꞉ wekitisi haloma꞉me. Kutupa koto hoki naneta꞉ mo haliwekima꞉ ipiki meata꞉ tina꞉ tamendiao homena꞉ lememe.

Aposolo 13:31

Kutupa ipikita꞉ ipiki ame̱le̱ mandakena꞉ Ka꞉lili nane hao Diutuseleme da pa꞉ta꞉ pemeke wanda꞉hali pa꞉ta꞉ ipiki handena꞉ hoto elekeeleke peneme yao ipika꞉ leke mineke wala꞉tiki piekeme. Ameta꞉ koto wanda꞉halita꞉ ika꞉ Yesu handemeeki Isulai wanda꞉hali pa꞉ta꞉ la halele wanda꞉hali halememe.

Dioni 15:16

I̱ta꞉ ikana꞉ma꞉ na mea haena꞉ lelemepate pa ikita꞉ I̱ma꞉ talopu meaata꞉ ikita꞉ pua hande u halo pa꞉la꞉ napeke a꞉eyamina꞉yeke mea haena꞉ lolome. Koto ekina꞉ ikana꞉ma꞉ yaka Apa꞉ pa꞉ta꞉ ala꞉ta꞉ ma꞉nda꞉ yaka biki alo hata꞉ honke lemeka꞉na꞉ta꞉ ipikana꞉ma꞉ iki pa꞉ta꞉ ota꞉ kilieke.

Luku 24:30

Kutupa mo hali yaapo ame̱le̱ ne nolueke alo pitiniaota꞉ Yesuma꞉ mo betedi mea keiyae laata꞉ pindipa mo hali yaapo haleekeme.

Luku 24:48

Ikita꞉ do hau manuna꞉ wekitisie.

Dioni 14:19

hosiki hao kenke wanda꞉halima꞉ I̱ pa na handolo pelemepate ikana꞉ma꞉ wetepe I̱ handilimikie. Koto ekina꞉ I̱ da꞉ta꞉ halo ekima꞉ta꞉ iki make da꞉ta꞉ halimikie.

Dioni 15:27

Kutupa iki make amba꞉ kone I̱ ame̱le̱ haleme ekina꞉ yaka pi lawaaseme wekitisi haliweki halimikie.

Aposolo 1:4

Mo haliweki ame̱le̱ pa hayeke dina꞉ Yesuma꞉ iki pa꞉ta꞉ alota꞉ Diutuseleme na mina꞉pa꞉laake pa hapa꞉peke. Ya Apa꞉ma꞉ kulueke laa la꞉ ula꞉ ale handeteke hapa꞉peke. Hande I̱ma꞉ iki pa꞉ta꞉ loa꞉ alena꞉ loa꞉me.