Aposolo 10:40 - Panake Pi La: Ula: Buka pita: Kine Pieke Buka

⁴⁰ Kutu pimipate hoto tepona꞉ wina꞉ laata꞉ Koda꞉ma꞉ paa mea tiaota꞉ peneme yao walea꞉me.

Aposolo 10:40 Referans Kwoze

1 Pida 1:21

Yesu pa꞉ta꞉ yama꞉ Koda꞉ pa꞉ta꞉ hone tulalememe. Koda꞉ma꞉ Yesu mea tiao pa̱a̱ peawayekeme. Koto ekina꞉ta꞉ ika꞉ hone tulalemeeki make ika꞉ hone ti lalemeeki make Koda꞉ pa꞉ta꞉ pu halememe.

2 Kotindi 4:14

Mo hande Tekehali Yesu mea da꞉taeya꞉ Koda꞉ma꞉ta꞉ niki make Yesu taapu mea da꞉taalieke hone uluma꞉me. Kutupa iki ame̱le̱ mandakena꞉ ipiki hala꞉ alena꞉ hatuku pelieke.

Aposolo 2:24

Kutu pimipate Koda꞉ma꞉ mo hande toopi ka꞉ka꞉na꞉ pa꞉ta꞉ Yesu paa mea tiaeyekeme. Mo hande lapa꞉ pimiki toopima꞉ta꞉ Yesu miniki pita꞉peke ana꞉ na pitolo hata꞉ mo hande homaasa꞉ ekima꞉ Yesu tonkaeyeke ekita꞉ Koda꞉ma꞉ ka꞉la꞉pa꞉ tapawaeyekeme.

Hibulu 13:20

Mo sipisipi ma꞉na꞉ handeteke hala꞉ hali tieke Yesu mo lapa꞉ pa꞉ta꞉ mea tiaeya꞉ Koda꞉ma꞉ kone mo na paelo pa꞉la꞉ la꞉ wieke we pa꞉ta꞉ yama꞉ ikana꞉ma꞉ ipika꞉ hone pa꞉la꞉ e epeke tupa꞉ pokawamena꞉ yeke epeao wina꞉e alome. Kutupa make mo puki lopawaasa꞉ Koda꞉ma꞉ Yesu Ketiso pa꞉ta꞉ yama꞉ niki tukiki pa꞉ta꞉ ipiki ta꞉na꞉ma꞉ homa꞉ tialo poloma꞉eki pina꞉ lomana꞉e alome. Ketisona꞉ bikima꞉ na paelo pa꞉la꞉ yeiya꞉ laasa꞉eki tieke mina꞉e. Kutu pina꞉e.

Loma꞉ 14:9

Ketiso homa paa tiao hala꞉ ekita꞉ ame do pa haloma꞉ wanda꞉hali make amba꞉ homemeke wanda꞉hali make niki paeyaona꞉ Tekehali haluekema꞉ pa꞉la꞉me.

Loma꞉ 8:11

Hande Yesu homeekepate kone paa mea tiaeyeke Koda꞉ ipika꞉ Sipitidi iki tukiki pa꞉ta꞉ pitia꞉ka꞉na꞉ta꞉ kota꞉ hande Ketiso homeekepate kone paa mea tiaeyeke Koda꞉ma꞉ta꞉ iki tukiki pa꞉ta꞉ pitaala꞉ ipika꞉ Sipitidima꞉ kone ika꞉ homolo peleme lokemanu mea da꞉taalieke.

Loma꞉ 1:4

Kutu piekepate ipikita꞉ Koda꞉ yaapo hao a꞉pa yakopiki hali hayeke ekita꞉ kota꞉ Koda꞉ma꞉ wele wotu pitolo hata꞉ ipikita꞉ Koda꞉na꞉ Eiyekee laa peneme yaluekema꞉ homeeke pa꞉ta꞉ kone paa mea tiaeyekeme.

Aposolo 17:31

Pa ekipeke ipikana꞉ma꞉ nate amba꞉ wiaeyeke handa ala꞉me. Koto natena꞉ ipika꞉ haena꞉ la꞉la꞉ hali homekema꞉ kenke wanda꞉hali paeyao pa꞉ta꞉ pi yokaalu tikitikina꞉ pina꞉ lelieke leekeme. Kutu pulu pa꞉la꞉ ekita꞉ wanda꞉hali paeyaoma꞉ opua Ota꞉ekie hone wina꞉yeke mo hande halita꞉ homa peneme yao paa mea tiaeyekeme laa leekeme.

Dioni 14:22

Yesuma꞉ koto leeke handaata꞉ Diudasi hande Isekatioti hali Diudasi pa꞉ta꞉ na loa꞉ma꞉ ipikana꞉ma꞉ Yesu pa꞉ta꞉ alota꞉ Tekehalio. Ekipa kenke wanda꞉halima꞉ na handena꞉ leke niki pa꞉ta꞉ homeke peneme yao walipikipe leekeme.

Aposolo 2:32

Do hande Yesuta꞉ Koda꞉ma꞉ paa mea tiaala꞉ ekita꞉ niki paeyaoma꞉ handoma꞉eki iki pa꞉ta꞉ la kitoloma꞉me.