Aposolo 10:23 - Panake Pi La: Ula: Buka pita: Kine Pieke Buka

²³ Kutupa Pidama꞉ da pa꞉ta꞉ epena꞉ wi laa ne polu pieke da make waleekeme. Kutupa da kelepeeketa꞉ Pida make mo hali tepo make mandane Diopa Ketiso haliweki make mandakena꞉ pemekeme.

Aposolo 10:23 Referans Kwoze

Aposolo 11:12

Hande Holi Sipitidima꞉ I̱ pa꞉ta꞉ alota꞉ Hone ma꞉nda꞉ na wiki koto haliweki ame̱le̱ mandakena꞉ pupe lea꞉me. Koto hande Diopa nane haleme kametiti yunki mindiki hata꞉ haliweki I̱ ame̱le̱ mandakena꞉ Sesatia da nane opolo puaata꞉ Koniliesina꞉ da pa꞉ta꞉ honda꞉ pambolo poma꞉me.

Aposolo 10:45

Hande Pida ame̱le̱ a꞉pa haemeke Ketiso haliwekima꞉ Diu haliweki kone leke opa wotu handaake wimikime. Koda꞉ma꞉ mo Diendaili wanda꞉hali pa꞉ta꞉ kone mo Holi Sipitidi haleeke handa pimikime.

1 Pida 4:9

Tulu tulu na leke ika꞉ da pa꞉ta꞉manu ane pitulu endi mone pitulu endi pu hapa꞉peke.

Hibulu 13:2

Hande leke mineke na handeke wanda꞉hali kone ika꞉ da pa꞉ta꞉ epena꞉ ala꞉ hauta꞉ hone na yonka꞉lapa꞉peke. Kutu pitolo haena꞉ta꞉ pa mandane wanda꞉halima꞉ enisolo halie hone na wiki handa꞉ mea pitao tapaeyekeme.

2 Kotindi 8:21

Nika꞉ hone homeke homeketa꞉ ota꞉ tikitiki hau homeke puluekema꞉ hone witoloma꞉me. Ota꞉ Koda꞉na꞉ leke popelekena꞉ homeke dia꞉ya꞉la꞉pate pa kenke wanda꞉halina꞉ leke popelekena꞉ make loa꞉me.

Aposolo 10:33

Koto ekina꞉ koto kone neke handa꞉ mulu pimi haliweki tapaowa꞉me leekeme. Kutupa epeke epeme leekeme. Ameta꞉ Tekehalima꞉ neke pa꞉ta꞉ dupa lapeke lea꞉ pimanu paeyao opoluekema꞉ do a꞉pa Koda꞉ pa꞉ta꞉ momba꞉la haloma꞉me leekeme.

Aposolo 10:29

Koto ekina꞉ mo haliwekima꞉ I̱ handa꞉ mulu epeeke handa I̱ta꞉ hone ma꞉nda꞉ na wiki epoa꞉me. Kota꞉ ekipeke I̱ handa꞉ mulu epena꞉ la pipe leekeme.

Aposolo 9:42

Koto hande pieke ekita꞉ mo Diopa da paeyao pa꞉ta꞉ la꞉tia tia pimikime. Kutupa wanda꞉hali wopuma꞉ Tekehali pa꞉ta꞉ hone tulaemekeme.

Aposolo 9:38

Koto Diopa data꞉ mo Lida da teke pa꞉ta꞉ hayeke handaa mo Diopa da haemeke disaipolo wanda꞉halima꞉ta꞉ Pidata꞉ Lida da pa꞉ta꞉ a꞉pa hala꞉me pi opuaata꞉ hali yaapo pa꞉ta꞉ pi tapaaso alota꞉ Niki pa꞉ta꞉ pilisi a̱i̱ epo lapa꞉peke lena꞉ tapaemekeme.

Aposolo 1:15

Yeni pu pitaata꞉ pa hosiki hao hao peaata꞉ mo Ketisona꞉ pi mina꞉la꞉ wanda꞉halima꞉ pi hotuluekema꞉ mombelemekeme. Iki paeyaota꞉ 120 wanda꞉hali tupa꞉ momba꞉la pitina꞉ Pidama꞉ pi loluekema꞉ tiaeyekeme.

Aposolo 9:36

Mo Diopa da pa꞉ta꞉ta꞉ disaipolo wanda꞉ homeke Ta꞉bida hayekeme. Koto bikita꞉ pa mo Kitiki pi laata꞉ Dokasi laa la꞉la꞉me. Koto wanda꞉ma꞉ta꞉ hoto paeyao epeke hau pu hata꞉ mo ala꞉ta꞉ ma꞉nda꞉ dia꞉yeke mesiolo hali wanda꞉hali tamba꞉ mu hayekeme.

Aposolo 28:15

Kutupa mo Loma꞉ Ketiso kame titima꞉ niki ipuluma꞉me pi opuata꞉ mo Apiusina꞉ makedi pa꞉ta꞉ make mo Kimisu Hali Polu Hala꞉ Da Tepo pa꞉ta꞉ make niki manda꞉hande pulu epememe. Kutupa Poloma꞉ iki handaata꞉ Koda꞉ pa꞉ta꞉ keiyae pi laata꞉ honkopu haya꞉me.