Aposolo 10:22 - Panake Pi La: Ula: Buka pita: Kine Pieke Buka

²² Mo haliwekima꞉ alota꞉ Koniliesita꞉ ami opisa epeke halima꞉ tapaeya꞉me laa ipikana꞉ma꞉ Koda꞉ pa꞉ta꞉ paala꞉ma꞉ homa꞉la꞉ halie laata꞉ Diu wanda꞉hali paeyaoma꞉ epeke pi lo hala꞉ halie. Kutupa Koda꞉na꞉ yako piki enisolo homekema꞉ leeke handa naka꞉ pimanu tonka꞉na꞉ opuluekema꞉ neke handa꞉ mulu pupe leeke handa ipuluma꞉me lemekeme.

Aposolo 10:22 Referans Kwoze

Aposolo 11:14

Koto halima꞉ neke pa꞉ta꞉ lolo pa꞉la꞉ pima꞉ta꞉ neke make naka꞉ da pa꞉ta꞉ haleme wanda꞉hali paeyao tonka꞉na꞉ da꞉taalieke laa lea꞉me.

Aposolo 10:2

Hande halita꞉ Koda꞉ pa꞉ta꞉ hone wotu u hao ipika꞉ weteke weki wandikima꞉ Koda꞉ pa꞉ta꞉ paala꞉ma꞉ wotu homa꞉tiki pu haemekeme. Kutupa ipika꞉ kiki tindipao mani dia꞉yeke wanda꞉hali pa꞉ta꞉ halo haota꞉ Koda꞉ pa꞉ta꞉ yeni pia꞉tiki pu hayekeme.

3 Dioni 1:12

Paeyaoma꞉ta꞉ Dimiditiasita꞉ a꞉pa꞉la꞉me lo halememe. Ipikita꞉ Koda꞉na꞉ ota꞉ pima꞉ kone a꞉pa꞉la꞉me lo hala꞉me. Kutupa nikana꞉ma꞉ make homeke pi kone lo haloma꞉me. Kutupa nakana꞉ma꞉ta꞉ nikana꞉ma꞉ aloma꞉ ekita꞉ ota꞉ ekie hone wilime.

2 Pida 3:2

Yaka hone pa꞉la꞉ ekita꞉ mo yakopiki potopede haliwekima꞉ amba꞉ hande la kimi pimanu make hande Pa꞉ta꞉la꞉la꞉ Tekehalina꞉ pi wiekeeki ika꞉ aposolo haliweki pa꞉ta꞉ yama꞉ iki kia꞉eki tonka꞉na꞉ niminatiki piomena꞉ loa꞉me.

Hibulu 12:23

Ikita꞉ Koda꞉na꞉ mo hepeni nane biki wape pa ula꞉ titina꞉ haemeke wanda꞉halina꞉ momba꞉la꞉la꞉ eki pa꞉ta꞉ make mo wanda꞉hali paeyaona꞉ pi yokaalu pulu pa꞉la꞉ Koda꞉ pa꞉ta꞉ make mo amba꞉ titina꞉ haemeke tikitiki piki wanda꞉hali epeaeyeke temokomanu pa꞉ta꞉ make opolo epelememe.

Hibulu 11:2

Amba꞉ kiake haemeke wanda꞉hali ika꞉ hone tulao hao haemeke ekina꞉ta꞉ Koda꞉ma꞉ iki pa꞉ta꞉ ta꞉na꞉ma꞉ homo hayekeme.

Hibulu 10:38

Koto yu wia halo pita꞉ma꞉ta꞉ ma꞉nda꞉ epi ota꞉ tikitiki yao hala꞉ halita꞉ ipika꞉ hone tulaala꞉ ekima꞉ pa hao haena꞉ lelieke. Kutu pilia꞉pate pa hali homeke ma꞉nda꞉ma꞉ yola꞉ pambea꞉ka꞉na꞉ta꞉ kota꞉ ipiki pa꞉ta꞉ ta꞉na꞉ma꞉ na homolueke la꞉la꞉me.

1 Timodi 3:7

Ipikita꞉ mo Ketiso na haleme wanda꞉halima꞉ kone ipika꞉ pi laalimikie. Kutu pilie ekima꞉ta꞉ ipika꞉ biki na hoeyaaso haena꞉ mo hande Sadanima꞉ hona꞉maasa꞉ ale pa꞉ta꞉ na lopilieke.

2 Kotindi 5:18

Doeki paeyaota꞉ Koda꞉ma꞉ peala꞉me. Kotota꞉ ipikana꞉ma꞉ Ketiso pa꞉ta꞉ yama꞉ nikita꞉ ipika꞉ a꞉nda꞉ tunkuliki wanda꞉hali topo pea yankekemanu hamono la꞉la꞉me. Kutupa nikana꞉ma꞉ mandane wanda꞉hali ipika꞉ yankeke au laamono koto e tieke ka꞉la꞉me.

Loma꞉ 1:17

Mo hande Pi Seliapoma꞉ doeki wala꞉leke handa loa꞉me. Koda꞉ma꞉ wanda꞉hali ipiki pa꞉ta꞉ tiki tiki haena꞉ ala꞉eki wala꞉la꞉me. Mo Koda꞉ma꞉ do pita꞉la꞉ ekita꞉ wanda꞉halima꞉ hone tulao hatiki puo pu hao paeyaalo pulu make pilieke. Mo Baibolo bukana꞉ wape pea ula꞉ tupa꞉ Hali epima꞉ Koda꞉ pa꞉ta꞉ hone tulao haya꞉ka꞉na꞉ta꞉ Koda꞉ma꞉ ipiki pa꞉ta꞉ mo hali tiki tiki haena꞉ lelieke. Kutupa mo halita꞉ da꞉ta halieke.

Aposolo 24:15

Koda꞉ma꞉ pulu pa꞉la꞉ ekina꞉ I̱ma꞉ ipiki pa꞉ta꞉ hone tulao hata꞉ handeteke hao halo tupa꞉ do haliwekima꞉ make Koda꞉ pa꞉ta꞉ koto tupa꞉ halememe. Dupae. Koda꞉ma꞉ta꞉ wanda꞉hali paeyaota꞉ epeke wanda꞉hali make hoke wanda꞉hali make homa lapa꞉ pa꞉ta꞉ ula꞉ wanda꞉hali paeyao ipikana꞉ma꞉ mea tiaalieke.

Aposolo 22:12

Kutupa hali ma꞉nda꞉ A꞉na꞉naisita꞉ hande Lo Pimanu wotu opu hayeke hali make koto pa꞉ta꞉ haemeke Diu haliweki paeyaoma꞉ ipika꞉ pi lao hatiki pimiki hali I̱ pa꞉ta꞉ epoa꞉me.

Aposolo 10:33

Koto ekina꞉ koto kone neke handa꞉ mulu pimi haliweki tapaowa꞉me leekeme. Kutupa epeke epeme leekeme. Ameta꞉ Tekehalima꞉ neke pa꞉ta꞉ dupa lapeke lea꞉ pimanu paeyao opoluekema꞉ do a꞉pa Koda꞉ pa꞉ta꞉ momba꞉la haloma꞉me leekeme.

Aposolo 10:6

Koto someta꞉ hali ma꞉nda꞉na꞉ da pa꞉ta꞉ ta꞉ka꞉li pua pila꞉me. Mo da teke hali Saimonota꞉ ma꞉na꞉ yonkeleke hako ala꞉ta꞉ ala꞉ta꞉ wepu hala꞉ halie. Kutupa ipika꞉ data꞉ dawala ikali tea꞉na꞉ hala꞉me leekeme.

Aposolo 6:3

Koto ekina꞉ kame titio. Hali paeyao watake hata꞉ hali Holi Sipitidima꞉ tumbula꞉ hali hone wopu u hala꞉ hali kutupa koto hali manuma꞉ do ne telipatiki pina꞉ mimika꞉na꞉ta꞉ nikana꞉ma꞉ mea haena꞉ lolumeke lemekeme.

Dioni 17:20

I̱ma꞉ do haliweki homeke pa꞉ta꞉ hone witolo hata꞉ yeni na piki ika꞉ pua walo pelemeeki opua I̱ pa꞉ta꞉ hone tulao halo peleme wanda꞉hali pa꞉ta꞉ make hone witolo hata꞉ yeni pitolome.

Dioni 17:8

Nakana꞉ma꞉ I̱ pa꞉ta꞉ la ki pimanu paeya꞉ tapao iki pa꞉ta꞉ waloa꞉me. Kutu pua꞉peke handaa ikana꞉ma꞉ opua mimime. I̱ta꞉ neke yaapo epoloeki make ota꞉ekie laa nakana꞉ma꞉ I̱ tapaeeki make opitelememe.

Dioni 13:20

Iki pa꞉ta꞉ ota꞉ pi alome. Hali epima꞉ I̱ma꞉ tapaaso hali handa꞉ mia꞉ka꞉na꞉ta꞉ I̱ make handa꞉ minolo pita꞉la꞉me. Kutupata꞉ I̱ handa꞉ mina꞉la꞉ halima꞉ I̱ tapaeya꞉ hali kone handa꞉ mina꞉la꞉me leekeme.

Dioni 6:68

Saimono Pidama꞉ ipika꞉ pi hombo peaaso alota꞉ Tekehalio. Epi pa꞉ta꞉ pomonope. Naka꞉ pi manuta꞉ da꞉tao hala꞉ pimanue.

Dioni 6:63

Loke mindikima꞉ta꞉ niki tamba꞉ mea꞉peke na yelieke. Mo hande Sipitidima꞉ kone da꞉taapeke ya꞉la꞉me. I̱ma꞉ iki pa꞉ta꞉ loa꞉ pi manuta꞉ Sipitidina꞉eki make da꞉taapekeeki make loa꞉me.

Dioni 5:24

Iki pa꞉ta꞉ ota꞉ pi alome. Hali epima꞉ I̱ma꞉ alo pimanu opuaata꞉ I̱ tapaala꞉ hali pa꞉ta꞉ make hone tulaeya꞉ka꞉na꞉ta꞉ kota꞉ koto halita꞉ deto hala꞉eki miniki hala꞉me. Kutu pita꞉la꞉ halita꞉ homa꞉la꞉eki mina꞉pa꞉lao da꞉ta꞉la꞉eki amba꞉ miniki hala꞉eki yolo hata꞉ pi yokaalu pulu pa꞉la꞉ pa꞉ta꞉ na pelieke.

Luku 23:50

Mo Diudia nane wieke daoni ma꞉nda꞉ A꞉ta꞉matia da hali Diosepe hayekeme. Ipikita꞉ ota꞉ epeke tiki tiki hau pu hake hali hao hata꞉ Koda꞉na꞉ Kilu Tombuao Hala꞉eki ipula꞉eki yu wia hao hayekeme. Ipikita꞉ mo Ka̱le̱sete haliweki ma꞉nda꞉ hondo hayekepate kone ipikana꞉ma꞉ mo haliweki ame̱le̱ apa꞉tao pimanu make hau ma꞉nda꞉ make na piekeme.

Luku 2:25

Kutupa mo Diutuseleme da pa꞉ta꞉ta꞉ koke hali ma꞉nda꞉ Simioni hayekeme. Koto halima꞉ta꞉ Koda꞉ pa꞉ta꞉ paala꞉ma꞉ homa hata꞉ epeke hau pitolo hata꞉ make mo Isulai wanda꞉halina꞉ da꞉taalo pieke nate epena꞉ handeteke hao hayekeme. Ipikita꞉ Holi Sipitidi yaapo hayekeeki yolo hata꞉

Maka 8:38

Do hande Koda꞉ pa꞉ta꞉ hone na wiki ti teke yoko haleme wanda꞉hali ame̱le̱ hala꞉ hali ma꞉nda꞉ epima꞉ I̱ pa꞉ta꞉ tonka꞉na꞉ yaka pi alemanu pa꞉ta꞉ tonka꞉na꞉ hunkupuma꞉ homea꞉ka꞉na꞉ta꞉ kota꞉ koto hali pa꞉ta꞉ mo Wanda꞉halina꞉ Eiyekema꞉ hunkupuma꞉ homilieke. Ipika꞉ Atekena꞉ pa̱a̱ pa꞉la꞉eki tukiki pa꞉ta꞉ hao hande yakopiki enisolo tonu ame̱le̱ ipilia꞉ dina꞉ta꞉ kota꞉ koto hali handa꞉peketa꞉ hunkupuma꞉ homilieke.

Maka 6:20

Hetodima꞉ta꞉ Dionina꞉ tiki tiki hau pu hayekeeki make yako piki hali make handeeke handaata꞉ ipiki pa꞉ta꞉ paala꞉ma꞉ homolo hata꞉ panka mea hao hayekeme. Dionima꞉ wala꞉tiki pieke pimanu Hetodima꞉ opua weiya꞉tiki piekepate ta꞉na꞉ma꞉ homa opua꞉tiki piekeme.

Ma꞉tiu 1:19

Diosepe epeke hali yaalo mo Meti yaala꞉ma꞉ homaaluekema꞉ hone na wieke handaa ipilika꞉ tome haepekeeki a꞉mbao mina꞉pa꞉lalueke hone wiekeme.

Ma꞉tiu 2:12

Kutaata꞉ Koda꞉ma꞉ iki pa꞉ta꞉ alota꞉ Hetodi pa꞉ta꞉ paa na pua꞉pa꞉peke laa leeke handata꞉ pota꞉ ma꞉nda꞉ nanema꞉ paka꞉lao ika꞉ da yu nane la꞉ka꞉la pemeekeme.

Luku 9:26

Hali ma꞉nda꞉ epima꞉ I̱ pa꞉ta꞉ make yaka waloa꞉ pimanu pa꞉ta꞉ make yaala꞉ma꞉ homea꞉ka꞉na꞉ta꞉ kota꞉ mo Wanda꞉halina꞉ Eiyeke make Ateke make yako piki enisolo tonu make iki paeyaona꞉ pa̱a̱ pa꞉la꞉eki ame̱le̱ a꞉paata꞉ mo Wanda꞉halina꞉ Eiyekema꞉ mo hande hali pa꞉ta꞉ make yaala꞉ma꞉ homaalieke.

Aposolo 10:21

Kutupa Pida hola꞉pa꞉niao alota꞉ I̱ta꞉ ikana꞉ma꞉ koto weiteleme halie leekeme. Ekipeke epemepe leekeme.

Aposolo 10:30

Kutupa Koniliesima꞉ alota꞉ Hoto tonkopu amba꞉ yopua nate dupitolo haena꞉ I̱ma꞉ta꞉ do da pa꞉ta꞉ hata꞉ welealo nane yeni pitolo hano hakepiki dau pambaake hali kuta kone a꞉pa I̱ teke pa꞉ta꞉ haya꞉me leekeme.

Peneme Yaeyekeeki 14:10

koto someta꞉ ipika꞉ kone Koda꞉na꞉ waini ikali nelieke. Kota꞉ mo Koda꞉ma꞉ta꞉ ipika꞉ paala꞉piki mineke panka꞉la꞉ wele pa ula꞉ waini ikalita꞉ mo ipika꞉ mineke panka꞉la꞉ kapo pa꞉ta꞉ holo pambeekeeki loa꞉me. Dupilia꞉ wanda꞉hali paeyaota꞉ mo yakopiki enisolo titi make mo Sipisipi Ma꞉na꞉ Ikikina꞉ leke tomona꞉ mo ti uleke make mo titipu tiekepiki lanka꞉ma꞉ handeke ale pa꞉ta꞉ tanda no halimikie.