Aposolo 10:2 - Panake Pi La: Ula: Buka pita: Kine Pieke Buka

² Hande halita꞉ Koda꞉ pa꞉ta꞉ hone wotu u hao ipika꞉ weteke weki wandikima꞉ Koda꞉ pa꞉ta꞉ paala꞉ma꞉ wotu homa꞉tiki pu haemekeme. Kutupa ipika꞉ kiki tindipao mani dia꞉yeke wanda꞉hali pa꞉ta꞉ halo haota꞉ Koda꞉ pa꞉ta꞉ yeni pia꞉tiki pu hayekeme.

Aposolo 10:2 Referans Kwoze

Aposolo 10:4

Koniliesima꞉ mo enisolo pa꞉ta꞉ paala꞉ tieke homa handake witolo hata꞉ alota꞉ Tekehalio. Aleke ka꞉ta꞉pe leekeme. Kutupa ipiki pa꞉ta꞉ alota꞉ Naka꞉ yeni pu haleeki make naka꞉ mani halo haleeki make oli hepeni da nane pua Koda꞉ pa꞉ta꞉ naka꞉ pi laasa꞉me leekeme.

Aposolo 10:22

Mo haliwekima꞉ alota꞉ Koniliesita꞉ ami opisa epeke halima꞉ tapaeya꞉me laa ipikana꞉ma꞉ Koda꞉ pa꞉ta꞉ paala꞉ma꞉ homa꞉la꞉ halie laata꞉ Diu wanda꞉hali paeyaoma꞉ epeke pi lo hala꞉ halie. Kutupa Koda꞉na꞉ yako piki enisolo homekema꞉ leeke handa naka꞉ pimanu tonka꞉na꞉ opuluekema꞉ neke handa꞉ mulu pupe leeke handa ipuluma꞉me lemekeme.

Aposolo 13:16

Koto lemeke Poloma꞉ tiao hata꞉ kiki mea a꞉meiyao pi dupa waleekeme. Ya tapake Isulai wanda꞉hali iki make Koda꞉ pa꞉ta꞉ panda꞉puniao yeni pu haleme Diendaili wanda꞉hali paeyao iki make I̱ma꞉ alo pi opua꞉pe laata꞉

Aposolo 10:35

Kenke paeyaona꞉ hala꞉ hali epima꞉ Koda꞉ pa꞉ta꞉ paala꞉ma꞉ homolo hata꞉ ipika꞉ epeke hau pu haya꞉ka꞉na꞉ta꞉ Koda꞉ma꞉ koto hali milieke leekeme.

Aposolo 10:7

Kutupa mo hande ipiki pa꞉ta꞉ pi leeke enisolo peeke nane ipika꞉ e pokao hayeke hali yaapo make ipiki teke pa꞉ta꞉ hayeke ami hali homeke make wi leekeme. Mo ipiki teke pa꞉ta꞉ hayeke ami halita꞉ Koda꞉ pa꞉ta꞉ paala꞉ma꞉ homo hayekeme.

Aposolo 8:2

Koda꞉ pa꞉ta꞉ panda꞉puniao yeni pu haemeke mandane haliwekima꞉ Sidipeni toko mea pua hoitolo hata꞉ e̱ tieke lemekeme.

Peneme Yaeyekeeki 15:4

Tekehali neketa꞉ epima꞉ paala꞉ma꞉ na homilia꞉pe. Naka꞉ hau tieke laaluekema꞉ta꞉ epima꞉ kiaalia꞉pe. Neke homeke homeke yako peleme. Wanda꞉hali paeyaota꞉ neke pa꞉ta꞉ a꞉pa panda꞉ puniao yeiya꞉ laaso hata꞉ yeni pilimikie. Pa ekipeke naka꞉ yakopiki hau manuta꞉ paeyaoma꞉ amba꞉ handelememe lememe.

Aposolo 18:8

Mo pi hotu haemeke da you hali Kitisipusima꞉ ipika꞉ weki wanda꞉ ame̱le̱ pi mimikime. Kutupa Kotindi wanda꞉hali wopuma꞉ make Poloma꞉ waleeke pi opua meaata꞉ bapitaisi pimikime.

Aposolo 13:26

Eipoloha꞉ma꞉ tapake haliweki ya kametitio. Koda꞉ pa꞉ta꞉ panda꞉puniao yeni pu haleme Diendaili wanda꞉hali paeyao iki make Koda꞉ma꞉ do hande niki da꞉taapeke ya꞉la꞉ pi niki pa꞉ta꞉ epena꞉ la꞉la꞉me.

Luku 2:25

Kutupa mo Diutuseleme da pa꞉ta꞉ta꞉ koke hali ma꞉nda꞉ Simioni hayekeme. Koto halima꞉ta꞉ Koda꞉ pa꞉ta꞉ paala꞉ma꞉ homa hata꞉ epeke hau pitolo hata꞉ make mo Isulai wanda꞉halina꞉ da꞉taalo pieke nate epena꞉ handeteke hao hayekeme. Ipikita꞉ Holi Sipitidi yaapo hayekeeki yolo hata꞉

Dia꞉mesi 1:5

Iki pa꞉ta꞉ hali homekema꞉ epeke hone wita꞉la꞉eki yonka꞉laeya꞉ka꞉na꞉ta꞉ kota꞉ Koda꞉ pa꞉ta꞉ honke lea꞉ka꞉na꞉ta꞉ epelieke. Koda꞉ma꞉ta꞉ haliweki paeyao pa꞉ta꞉ ipika꞉ kiki tindipao hata꞉ haka꞉ta꞉pao halo hala꞉me. Kutupa mo hali pa꞉ta꞉ halieke.

1 Desalonaika 5:17

Hoto paeyao make yeni pu hapa꞉peke.

Kolosi 4:2

Hoto paeyao yeni putia pulu ombu hapa꞉peke. Kutupa Koda꞉ pa꞉ta꞉ keiyae laa yeni pitolo hata꞉ wopu handeteke hapa꞉peke.

Aposolo 22:12

Kutupa hali ma꞉nda꞉ A꞉na꞉naisita꞉ hande Lo Pimanu wotu opu hayeke hali make koto pa꞉ta꞉ haemeke Diu haliweki paeyaoma꞉ ipika꞉ pi lao hatiki pimiki hali I̱ pa꞉ta꞉ epoa꞉me.

Aposolo 13:50

Kutu piekepate hande Diu haliwekima꞉ mo Koda꞉ pa꞉ta꞉ hone wopu u haemeke wanda꞉ tieke tieke mandaneeki manuma꞉ make mo daonina꞉ you haliwekima꞉ make Polo Banabasi yaapo ame̱le̱ a꞉nda꞉ lina꞉yeke sutiaemekeme. Kutupa koto da nane mina꞉pa꞉lao pena꞉yeke tolu limikime.

Aposolo 10:31

Mo halima꞉ alota꞉ Koniliesio. Naka꞉ yeni pu haleeki make naka꞉ mani halo haleeki make Koda꞉ma꞉ hone wita꞉la꞉me.

Aposolo 9:36

Mo Diopa da pa꞉ta꞉ta꞉ disaipolo wanda꞉ homeke Ta꞉bida hayekeme. Koto bikita꞉ pa mo Kitiki pi laata꞉ Dokasi laa la꞉la꞉me. Koto wanda꞉ma꞉ta꞉ hoto paeyao epeke hau pu hata꞉ mo ala꞉ta꞉ ma꞉nda꞉ dia꞉yeke mesiolo hali wanda꞉hali tamba꞉ mu hayekeme.

Aposolo 9:31

Kutu pieketa꞉ mo Diudia nane make Ka꞉lili nane make Sametia nane make koto kenke paeyao pa꞉ta꞉ haemeke siosi wanda꞉halita꞉ a꞉nda꞉ pelia haemekeme. Koto siosi wanda꞉halita꞉ Holi Sipitidima꞉ tamba꞉ minolo haena꞉ honkopu hao hata꞉ daeyatiki pimikime. Tekehali pa꞉ta꞉ panda꞉puniao hata꞉ pimikime.

Aposolo 9:11

Kutupa Tekehalima꞉ alota꞉ Tiao. Oni pota꞉ bikita꞉ Tikitikipiki pota꞉ yola꞉ mea pua Diudasina꞉ da pa꞉ta꞉ pua Tasa꞉si hali Solota꞉ hando pa꞉ta꞉ pila꞉pe laa lota꞉ pia꞉pekee. Ipikita꞉ yeni koto pitolo pila꞉ handa꞉e leekeme.

Luku 18:1

Kutupa Yesuma꞉ta꞉ ipika꞉ disaipolo haliwekima꞉ kima꞉ na homeke hoto paeyao yeni pea꞉tiki pina꞉yeke onkoluma꞉ laa dupa leekeme.

Kini Pieke 18:19

I̱ma꞉ta꞉ ipikana꞉ma꞉ ipika꞉ weki titi make ipika꞉ monduma꞉ monduma꞉ pilia꞉ wekiwandikina꞉ wekiwandiki pa꞉ta꞉ make I̱ pa꞉ta꞉ homu pea tikitiki hau make ota꞉ hau make ota꞉ pia꞉pa꞉peke laa la halena꞉yeke ipiki ma̱leke lulume. Ikana꞉ma꞉ kutu pimika꞉na꞉ta꞉ kota꞉ I̱ma꞉ mo ipiki pa꞉ta꞉ pi la꞉ ua꞉ tupa꞉ hau paeyao peawalueke leekeme.

Aposolo 2:5

Yeni puluekema꞉ hone wimiki Diu haliwekita꞉ mo kenke paeyao nane hao pua mo Diutuseleme da pa꞉ta꞉ pua haemekeme.

Aposolo 11:14

Koto halima꞉ neke pa꞉ta꞉ lolo pa꞉la꞉ pima꞉ta꞉ neke make naka꞉ da pa꞉ta꞉ haleme wanda꞉hali paeyao tonka꞉na꞉ da꞉taalieke laa lea꞉me.

Ma꞉tiu 25:17

Koto mandake tupa꞉ kone mo 2 daoseni mieke e pokaasa꞉ halima꞉ koto manima꞉ e pokaata꞉ 2 daoseni ma꞉nda꞉ apa꞉tao wiekeme.