Aposolo 1:6 - Panake Pi La: Ula: Buka pita: Kine Pieke Buka

⁶ Yesu make mo haliweki ame̱le̱ mandake pa꞉ta꞉ momba꞉la haemeke dina꞉ ikana꞉ma꞉ Yesu pa꞉ta꞉ alota꞉ Tekehalio. Ame do natena꞉ta꞉ nakana꞉ma꞉ Isulai paa kilu tombuao haluekema꞉ alepe lemekeme.

Aposolo 1:6 Referans Kwoze

Luku 19:11

Wanda꞉halima꞉ pi opitolo haena꞉ Yesuma꞉ iki pa꞉ta꞉ onkoluma꞉ pi ma꞉nda꞉ la haleekeme. Koto wanda꞉halima꞉ Yesuta꞉ Diutuseleme nane teke pa꞉ta꞉ polukuma꞉ peeke handaa ikana꞉ma꞉ ekima꞉ Koda꞉na꞉ Kilu Tombuao Hala꞉ ekita꞉ koto kone ipula꞉me hone wimikime.

Luku 17:20

Mandane Pa꞉tisi haliwekima꞉ Yesu pa꞉ta꞉ lota꞉ pitolo alota꞉ Koda꞉na꞉ Kilu Tombuao Hala꞉eki epolo pa꞉la꞉ ekita꞉ handima꞉pe lemekeme. Yesuma꞉ alota꞉ Koda꞉na꞉ Kilu Tombuao Hala꞉eki epolo pa꞉la꞉ ekita꞉ wanda꞉halima꞉ handolo pa꞉la꞉ tupa꞉ na ipilieke leekeme.

Ma꞉tiu 24:3

Koto hoki naneta꞉ Yesuma꞉ mo Olipi pote manda pitina꞉ta꞉ ipika꞉ disaipolo haliwekima꞉ a꞉mbao lota꞉ pitolo alota꞉ Nakana꞉ma꞉ mo hande le pita꞉ handima꞉ opolo ipilia꞉pe. Kutaa mo naka꞉ paa la꞉ka꞉la epolo peleeki pita꞉ do yu ya paelo pa꞉la꞉eki yaapo telipina꞉ teke pa꞉ta꞉ ya꞉lia꞉ ekita꞉ eki patehau pilia꞉ ekima꞉ niki walia꞉pe lemekeme.

Luku 22:29

Kutupa yaka Apa꞉ma꞉ I̱ pa꞉ta꞉ I̱ma꞉ handeteke hano ma̱leke lila꞉ tupa꞉ kone I̱ma꞉ make iki ame̱le̱ homeke hau kone pulueke.

Ma꞉tiu 17:11

Kutupa Yesuma꞉ iki pa꞉ta꞉ hombo peaaso alota꞉ Titina꞉ amba꞉la Elaidia ota꞉ ipilieke. Kutu pia꞉ka꞉na꞉ta꞉ ipikana꞉ma꞉ hau paeyao tikitiki yao wina꞉ loluekema꞉ ipilieke.

Ma꞉tiu 20:21

Yesuma꞉ alota꞉ Neketa꞉ aleke hone peleke pitelepe leekeme. Koto leeke mo wanda꞉ma꞉ hombo peaaso alota꞉ Nakana꞉ma꞉ Kini hali pitilipi natena꞉ do ya weki yaapo naka꞉ popeke nanema꞉ weki ma꞉nda꞉ pitu make hoeya꞉ nanema꞉ weki ma꞉nda꞉ pitu pina꞉ pi la꞉ witolo I̱ pa꞉ta꞉ la꞉ wie leekeme.

Kini Pieke 49:10

Diudama꞉ta꞉ mo kinina꞉ minu hala꞉ dolo miniki halieke. Kutupa ipika꞉ monduma꞉ monduma꞉ pilia꞉ wekiwandikina꞉ wekiwandiki pa꞉ta꞉ yama꞉ kini halimanu hoto paeyao handeteke hao hatiki pilimikie. Tutu manuma꞉ta꞉ ipika꞉ dakisi hambuluekema꞉ ala꞉ta꞉ ala꞉ta꞉ mea a꞉palimikie. Kutupa ipiki pa꞉ta꞉ homu pitolo hata꞉ panda꞉punialimikie.

Dioni 21:21

Pidama꞉ koto hali handaa Yesu pa꞉ta꞉ alota꞉ Tekehalio. Do hali pa꞉ta꞉ta꞉ eki hau ipiliepe leekeme.

Maka 9:12

Kutupa Yesuma꞉ iki pa꞉ta꞉ alota꞉ Titina꞉ amba꞉la Elaidia ota꞉ ipilieke. Ala꞉ta꞉ ala꞉ta꞉ tikitiki yao wina꞉yeke ipilieke laata꞉ Mo hande Wanda꞉halina꞉ Eiyeke pa꞉ta꞉ tanda tieke mu yaala꞉ma꞉ homao kiaalo peleme ekita꞉ eki eki pa la꞉la꞉pe leekeme.