Aposolo 1:15 - Panake Pi La: Ula: Buka pita: Kine Pieke Buka

¹⁵ Yeni pu pitaata꞉ pa hosiki hao hao peaata꞉ mo Ketisona꞉ pi mina꞉la꞉ wanda꞉halima꞉ pi hotuluekema꞉ mombelemekeme. Iki paeyaota꞉ 120 wanda꞉hali tupa꞉ momba꞉la pitina꞉ Pidama꞉ pi loluekema꞉ tiaeyekeme.

Aposolo 1:15 Referans Kwoze

1 Kotindi 15:6

Kutupa wetepena꞉ mo mandake pa꞉ta꞉ momba꞉la haleme nika꞉ kametiti 500manu pa꞉ta꞉ ipiki pua waleekeme. Mo hande haliwekita꞉ mandane ekita꞉ homemekepate mandane haliweki woputa꞉ pa hao halememe.

Peneme Yaeyekeeki 11:13

Koto koneta꞉ yumomeni tieke pea mo daonita꞉ kiki yaapo tekili pea homeke ma꞉nda꞉ta꞉ hoeyao mo daoseni watake hata꞉ wanda꞉hali homememe. Kutupa mo pa haleme wanda꞉halima꞉ta꞉ moeki handolo hata꞉ pututuma꞉ homolo oli hepeni hala꞉ Koda꞉na꞉ aneke ekina꞉ biki mina꞉liaememe.

Aposolo 21:20

Kutupa mo haliwekima꞉ kotoeki opuaata꞉ Koda꞉na꞉ pi laememe. Kutupa ipiki pa꞉ta꞉ alota꞉ Kameo. Hande Diu haliweki paeyaoma꞉ pi mimiki ekita꞉ handeleme. Paeyaoma꞉ hande Lo Pimanu opuluekema꞉ hone wotu witelemepate

Dioni 21:23

Koto leeke ekina꞉ Yesuna꞉ hoki nane telimiki haliwekima꞉ dupiki pi lo haemekeme. Mo hande disaipolo halita꞉ na homilieke laa lo haemekepate Yesuma꞉ mo hande hali na homilieke pi na leke ipikana꞉ma꞉ alota꞉ Do halita꞉ pa hatiki puoopu hao I̱ paa eponoyeke ya hone wia loa꞉ka꞉na꞉ta꞉ kota꞉ naka꞉eki dia꞉me leekeme.

Peneme Yaeyekeeki 3:4

Pate koto Sadisi haleme wanda꞉hali tepo tepo a꞉nda꞉ma꞉ta꞉ ika꞉ aka꞉manu ha̱i̱ peaama꞉na꞉yeke epeke tupa꞉ handeteke hao pimika꞉ta꞉me. Koto peleme ekima꞉ta꞉ ikita꞉ hakepiki dau yama I̱ yaapo pota꞉ pomu halumeke. Pa ekipeke ikana꞉ma꞉ do epeke hau peleme ekina꞉ loa꞉me.

Dioni 14:12

I̱ma꞉ta꞉ iki pa꞉ta꞉ ota꞉ pi alome laa I̱ pa꞉ta꞉ hone tulao hala꞉ halima꞉ta꞉ I̱ma꞉ pitoloeki manuta꞉ ipikana꞉ma꞉ make pilieke. Kutupa yaka Apa꞉ pa꞉ta꞉ I̱ polue ekina꞉ta꞉ I̱ma꞉ pitolo ekimanu kone mo halima꞉ ankulao hau tiekemanu pilieke leekeme.

Luku 22:32

Koto pa꞉la꞉pate I̱ma꞉ Saimono neke pa꞉ta꞉ yeni pealo ekita꞉ naka꞉ hone tulale ekita꞉ na lopena꞉yeke polome. Kutupa nakana꞉ma꞉ I̱ pa꞉ta꞉ paa la꞉ka꞉la epeka꞉na꞉ta꞉ kota꞉ naka꞉ kametonu wele pu tiaapeke leekeme.

Ma꞉tiu 13:31

Yesuma꞉ta꞉ iki pa꞉ta꞉ onkoluma꞉ pi ma꞉nda꞉ la halolo hata꞉ alota꞉ Mo hepenina꞉ Kilu Tombuao Hala꞉ ekita꞉ dupiki hone wia꞉pa꞉peke. Hali homekema꞉ ipika꞉ e pa꞉ta꞉ mo ki̱mi̱le̱ma꞉ handeke ale masidadi kiliki nokopa peekeme.

Aposolo 10:23

Kutupa Pidama꞉ da pa꞉ta꞉ epena꞉ wi laa ne polu pieke da make waleekeme. Kutupa da kelepeeketa꞉ Pida make mo hali tepo make mandane Diopa Ketiso haliweki make mandakena꞉ pemekeme.

Aposolo 11:1

Mo Diudia nane haemeke aposolo haliweki paeyao pa꞉ta꞉ make Ketiso wanda꞉hali make iki paeyaoma꞉ta꞉ mo Diendaili wanda꞉halima꞉ make Koda꞉na꞉ pi mimiki ekita꞉ opimikime.

Aposolo 11:12

Hande Holi Sipitidima꞉ I̱ pa꞉ta꞉ alota꞉ Hone ma꞉nda꞉ na wiki koto haliweki ame̱le̱ mandakena꞉ pupe lea꞉me. Koto hande Diopa nane haleme kametiti yunki mindiki hata꞉ haliweki I̱ ame̱le̱ mandakena꞉ Sesatia da nane opolo puaata꞉ Koniliesina꞉ da pa꞉ta꞉ honda꞉ pambolo poma꞉me.

Aposolo 11:26

Kutupa handa꞉ wiata꞉ mo A꞉ndioko da pa꞉ta꞉ hatuku epeekeme. Bapi homeke koto pa꞉ta꞉ hata꞉ mo siosi tapake ame̱le̱ pi hotu haota꞉ wanda꞉hali wopu pi walo haepekeme. Koto da pa꞉ta꞉ pi mimiki wanda꞉hali ikita꞉ mo Ketiso wanda꞉halie laa mo koto bikita꞉ koto da pa꞉ta꞉ kini pu mimikime.

Aposolo 11:29

Kutupa mo disaipolo wanda꞉halima꞉ hone wia alota꞉ Nika꞉ Diudia nane haleme kametiti tamba꞉ mumana꞉ paeyaoma꞉ ana꞉na꞉ halomana꞉e lemekeme.

Aposolo 12:17

Kutu pimikipate Pidama꞉ kikima꞉ kone pi na lapee leekeme. Kutupa Tekehalima꞉ mo dipula da pa꞉ta꞉ hatuku epeeke pi la haleekeme. Kutupa Pidama꞉ alota꞉ Dia꞉mesi pa꞉ta꞉ make Ketiso kametiti pa꞉ta꞉ make do pi la hala꞉pa꞉peke leekeme. Kutupa mina꞉pa꞉lao pua da ma꞉nda꞉ pa꞉ta꞉ peekeme.

Aposolo 14:2

Kutu pimiki handa pi na miki Diu haliwekima꞉ mo Diendaili haliweki sutiaaso hata꞉ ika꞉ hone dunki peao Ketiso wanda꞉hali pa꞉ta꞉ hoke hone wina꞉yeke lemekeme.

Aposolo 15:1

Kutupa mandane Diudia nane haemeke haliwekima꞉ koto pa꞉ta꞉ hao hola꞉pa꞉nini pea a꞉pa Ketiso wanda꞉hali pa꞉ta꞉ pi walolo alota꞉ Mo hande Mosesima꞉ waleeke sekemesaisi hau na pimika꞉na꞉ta꞉ ikita꞉ deto hala꞉ ekita꞉ na milimikie laa lemekeme.

Aposolo 15:3

Koto ekina꞉ mo siosi tapakema꞉ tapaemeketa꞉ pua mo Pinisia nane make Sametia nane make pomu lopa mo Diendaili wanda꞉halima꞉ Koda꞉ pa꞉ta꞉ puki la꞉ka꞉laemekeeki walolo hata꞉ koto pima꞉ mo Ketiso wanda꞉hali paeyaota꞉ ta꞉na꞉ma꞉ homaemekeme.

Aposolo 16:2

Mo Lisita Aikoniomo da yaapona꞉ Ketiso wanda꞉halima꞉ Timodi ipika꞉ pi lao haemekeme.

Aposolo 16:40

Polo Sailasi yaapoma꞉ mo dipula da mina꞉pa꞉laota꞉ Lidiana꞉ da pa꞉ta꞉ pepekeme. Ipilikana꞉ma꞉ta꞉ Ketiso wanda꞉hali ame̱le̱ koto pa꞉ta꞉ momba꞉la hata꞉ta꞉ iki pa꞉ta꞉ sa꞉tiaasa꞉ pimanu laata꞉ mo da mina꞉pa꞉lao pepekeme.

Aposolo 17:6

Kutupa na handa꞉ wieke handaata꞉ Dieisoni make mandane Ketiso haliweki make yola pua mo daonina꞉ ka̱le̱sete haliweki pa꞉ta꞉ wala wi la alota꞉ Hande kenke paeyao la꞉ka꞉la꞉ mina꞉la꞉ haliwekima꞉ do pa꞉ta꞉ make ipulimime.

Aposolo 17:10

Koto kone mo Ketiso haliwekima꞉ Polo Sailasi yaapo Betia da pa꞉ta꞉ timba kone tapaemekeme. Kutupa mo da pa꞉ta꞉ opolo puata꞉ Diu haliwekina꞉ pi hotu haemeke da pa꞉ta꞉ pemekeme.

Aposolo 17:14

Kutupa mo Ketiso haliwekima꞉ Polota꞉ oni dawala ikali nane tapaemekepate Sailasi Timodi yaapota꞉ koto pa꞉ta꞉ haepekeme.

Aposolo 18:18

Polota꞉ nate mandane ekimanu koto pa꞉ta꞉ haota꞉ mo Ketiso wanda꞉hali mina꞉pa꞉lao hande Pisila Akuila tooli ame̱le̱ palai kawasona꞉ pita Sitia nane pemekeme. Senkitia da nane hata꞉ pi la꞉ wiekeeki loluekema꞉ ipika꞉ itiki tunkuliekeme.

Aposolo 18:27

Ipikita꞉ Akaya da nane poluekema꞉ hone pieke pita꞉ mo Ketiso haliwekima꞉ A꞉pa꞉la꞉ma꞉ polena꞉e laa oli da nane haemeke Ketiso haliweki pa꞉ta꞉ pase wape pea alota꞉ Do hali handa꞉ mea꞉pa꞉peke lemekeme. Kutupa opolo puaata꞉ Koda꞉ma꞉ a꞉ta꞉ma꞉ homa꞉la꞉ ekina꞉ pi mimiki wanda꞉halita꞉ ipikana꞉ma꞉ wotu petelo hayekeme.

Aposolo 21:7

Nikita꞉ Taiya da mina꞉pa꞉lao kawasona꞉ pita mo Tolemese da pa꞉ta꞉ opolo poma꞉me. Koto pa꞉ta꞉ haeme Ketiso wanda꞉hali kiki mina꞉ alu alu pea hoto homeke iki ame̱le̱ poluma꞉me.

Aposolo 21:17

Diutuseleme da nane poma꞉ dina꞉ta꞉ Ketiso wanda꞉halima꞉ ta꞉na꞉ma꞉ homolo hata꞉ niki handa꞉ mimime.

Aposolo 22:5

Mo yeni peao haleme you haliwekina꞉ you halima꞉ make mo ka̱le̱sete haliwekima꞉ make handememe leekeme. Mo haliweki pa꞉ta꞉ ika꞉ Damasikasi hameke titina꞉ pasemanu meaka꞉na꞉ oli da nane Ketiso wanda꞉hali muluekema꞉ poa꞉me leekeme. Mo wanda꞉hali mea tonkao Diutuseleme da nane hatuku a꞉pa panisi peaaluekema꞉ pua꞉me leekeme.

Aposolo 28:14

Koto pa꞉ta꞉ mandane Ketiso tapake wanda꞉hali handa꞉ uma꞉pate pula homekena꞉ niki ame̱le̱ hamana꞉e laa honke lememe. Koto ekina꞉ puata꞉ Loma꞉ da pa꞉ta꞉ opolo poma꞉me.