Aposolo 1:1 - Panake Pi La: Ula: Buka pita: Kine Pieke Buka

¹ Diopilusio. I̱ma꞉ta꞉ titina꞉ buka wape pua꞉ ekina꞉ Yesuma꞉ ipika꞉ e kini pea mea pokeeke natena꞉ kini pea pua kutupa pa ipiki oli hepeni nane peeke natena꞉ ipikana꞉ma꞉ piekeeki make wala꞉tiki piekeeki make paeyao wape pua꞉me.

Aposolo 1:1 Referans Kwoze

Luku 1:3

Koto ekina꞉ epeke some Diopilusio. I̱ma꞉ do hau manuna꞉ kini pa꞉la꞉ tupa꞉ sembepela hone na u pita꞉ handa꞉ wiaata꞉ naka꞉eki make tikitiki yao wape lao wiaasota꞉ epolo pia꞉me laa loa꞉me.

Luku 24:19

Yesuma꞉ alota꞉ Eki hau manupe leekeme. Kutupa mo hali yaapoma꞉ alota꞉ Mo hande Na꞉sa꞉tete hali Yesu pa꞉ta꞉ pia꞉ hau manuna꞉ lopa꞉me. Do halita꞉ potopede yaalo hata꞉ Koda꞉ma꞉ make wanda꞉hali paeyaoma꞉ make ipika꞉ pia꞉ hau manuma꞉ make leeke pimanu make honkopu wele pa꞉la꞉ halie lememe.

Luku 3:23

Yesu ipika꞉ bapita꞉ hali tieke homeke paeyao kiki yaapo bapimanu tupa꞉ yeketa꞉ ipika꞉ e kinipea pokeekeme. Mo wanda꞉halima꞉ hone witolota꞉ ipikita꞉ Diosepena꞉ eiyekee hone wimikime. Diosepe ipikita꞉ Helina꞉ eiyeke hayekeme.

Ma꞉tiu 11:5

Hande leke holu piki wanda꞉hali ameta꞉ ki lelememe. Dola꞉pake wanda꞉hali make tiao pominelememe. Kindi yeni haeme wanda꞉hali make ameta꞉ epea halememe. Katake pokeme wanda꞉halina꞉ katake make lumbula꞉me. Homea꞉ wanda꞉hali make paa da꞉taa tiao haena꞉ la꞉la꞉me. Kutupa mo Pi Seliapota꞉ natehali wanda꞉hali pa꞉ta꞉ wala꞉la꞉me.

Aposolo 2:22

Isulai haliwekio. I̱ma꞉ do alo pi opua꞉pa꞉peke. Hande Na꞉sa꞉tete hali Yesuta꞉ iki ame̱le̱ a꞉pa hata꞉ta꞉ Koda꞉ma꞉ wele peaaso haena꞉ Yesuma꞉ na hando haloma꞉ ekimanu make wele pita꞉la꞉ ekimanu make ipikana꞉ma꞉ pitolo haena꞉ Koda꞉ma꞉ ipikita꞉ I̱ma꞉ tapaalo halie laa peneme yatiki pia꞉me. Kutupa do haumanu paeyao ika꞉ hone wilimime leekeme.

Luku 1:24

Kutupa koto hoki naneta꞉ ipika꞉ wanda꞉ Elisa꞉bedima꞉ weki loke lombeeketa꞉ sumba꞉ yunki hata꞉ ipika꞉ da na mina꞉pa꞉lake pa pitiekeme.

Luku 14:22

Kutupa mo e pokao hayeke halima꞉ kotoeki pea a꞉pa alota꞉ Tekehalio. Naka꞉ hande le ekita꞉ pua꞉pate naka꞉ da tukiki pa꞉ta꞉ta꞉ waleke pa ula꞉me leekeme.