3 Dioni 1:5 - Panake Pi La: Ula: Buka pita: Kine Pieke Buka

⁵ Yaka yankekeo. Nakana꞉ma꞉ta꞉ mo naka꞉ Ketiso tapake pa꞉ta꞉ kima꞉ na homeke tamba꞉ mu hale tupa꞉ kone mo neke na handeke Ketiso tapake pa꞉ta꞉ make homeke tupa꞉ kone tamba꞉ mu haleme.

3 Dioni 1:5 Referans Kwoze

Ka꞉leisia 6:10

Wanda꞉hali paeyao pa꞉ta꞉ epeke hau pia꞉peke ekina꞉ waleke a꞉nda꞉ opolo epea꞉ka꞉na꞉ta꞉ kota꞉ iki pa꞉ta꞉ epeke hau ota꞉ pia꞉peke ya꞉la꞉me. Kutu pia꞉peke yolo pa꞉la꞉pate mo nika꞉ Ketiso tapakena꞉ haleme wanda꞉hali pa꞉ta꞉ta꞉ hone ota꞉ wopu witolo hata꞉ tamba꞉ mea꞉tiki pea꞉peke ya꞉la꞉me.

Kolosi 3:17

Ika꞉ piteleme haumanu make aleme pimanu make paeyaota꞉ mo Tekehali Yesuna꞉ bikina꞉ pitolo hata꞉ ipiki pa꞉ta꞉ yama꞉ Apa꞉ Koda꞉ pa꞉ta꞉ keiyae pi lo hapa꞉peke.

Luku 12:42

Koto leeke mo Tekehalima꞉ Pidana꞉ pi hombo peaaso alota꞉ Kima꞉ na homeke make ota꞉ epeke hone wotu u lenkene pu wia e poko halia꞉ halita꞉ epi ya꞉ka꞉ta꞉pe. Koto halita꞉ mo da teke halima꞉ta꞉ ipika꞉ da handeteke haena꞉yeke make mo ipika꞉ mandane e pokao haleme wanda꞉hali pa꞉ta꞉ ika꞉ ne no haleme di mia꞉ka꞉na꞉ta꞉ ika꞉ ne nena꞉ teli teli peao halieke leekeme.

Ma꞉tiu 24:45

Hande hone wopu wia pi wopu opua epeke e poko hala꞉ someta꞉ epiyekea. Kutu piki halita꞉ mo e teke halima꞉ ipika꞉ e pokaaseme mandane haliweki handeteke hawaaso hata꞉ ika꞉ nemanu ota꞉ epeke tupa꞉ hala꞉tiki pina꞉ mea halieke.

Aposolo 1:15

Yeni pu pitaata꞉ pa hosiki hao hao peaata꞉ mo Ketisona꞉ pi mina꞉la꞉ wanda꞉halima꞉ pi hotuluekema꞉ mombelemekeme. Iki paeyaota꞉ 120 wanda꞉hali tupa꞉ momba꞉la pitina꞉ Pidama꞉ pi loluekema꞉ tiaeyekeme.

Loma꞉ 12:13

Mandane Ketiso yankeke manuma꞉ ota꞉ mea꞉peke yelia꞉ alemanu mea꞉peke na ya꞉ka꞉na꞉ta꞉ kota꞉ ikana꞉ma꞉ ika꞉ wia haleme ekimanu kone telipa ma꞉nda꞉ hala꞉pa꞉peke. Da ma꞉nda꞉ nane haleme Ketiso wanda꞉hali kimisu a꞉pa pitimika꞉na꞉ta꞉ kota꞉ ika꞉ da pa꞉ta꞉ handa꞉ mea peliaapa꞉peke.

Hibulu 13:2

Hande leke mineke na handeke wanda꞉hali kone ika꞉ da pa꞉ta꞉ epena꞉ ala꞉ hauta꞉ hone na yonka꞉lapa꞉peke. Kutu pitolo haena꞉ta꞉ pa mandane wanda꞉halima꞉ enisolo halie hone na wiki handa꞉ mea pitao tapaeyekeme.

3 Dioni 1:3

Mo mandane Ketiso kamemanu opolo a꞉pa nakana꞉ma꞉ mo ota꞉eki pa꞉ta꞉ ki hone na wiki pa putia pulieki a꞉pa lemeke handaa I̱ta꞉ ta꞉na꞉ tiekema꞉ homoa꞉me.

3 Dioni 1:10

I̱ epoa꞉ka꞉na꞉ta꞉ kota꞉ I̱ma꞉ta꞉ ipika꞉ pa꞉la꞉ haumanu paeyao lo kelalueke. Ipikana꞉ma꞉ niki pa꞉ta꞉ keke pi la꞉la꞉ ekimanu make mo ipika꞉ yayapiki pimanu lo hala꞉eki paeyao tonka꞉na꞉ loa꞉me. Do hande haumanu homeke ana꞉e hone na u hala꞉pate ipikana꞉ma꞉ta꞉ mo kimisu ipilimi Ketiso kamemanu epemeka꞉na꞉ta꞉ na handa꞉ milieke. Kutupa handa꞉ muluekema꞉ taapo haleme wanda꞉hali make sa꞉sa꞉ pea mo yeni da mina꞉pa꞉lao hama pena꞉ lena꞉ loluekema꞉ taapo hala꞉me.

Ma꞉tiu 25:16

Mo 5 daoseni kina mieke e pokaasa꞉ halima꞉ kuta kone mo manima꞉ e honkopu hao pokaata꞉ 5 daoseni ma꞉nda꞉ apa꞉tao wiekeme.