1 Timodi 6:1 - Panake Pi La: Ula: Buka pita: Kine Pieke Buka

¹ Mandane pa hameke e pokaaseme tapake ikana꞉ma꞉ ika꞉ you haliweki pa꞉ta꞉ hone witolo hata꞉ homu pea hapa꞉peke. Kutu pimika꞉na꞉ta꞉ kota꞉ mo pa haleme wanda꞉halima꞉ Koda꞉na꞉ biki pa꞉ta꞉ make nika꞉ aloma꞉ mana꞉ pimanu pa꞉ta꞉ make ikana꞉ma꞉ hoke pimanu na lelimikie.

1 Timodi 6:1 Referans Kwoze

Taitasi 2:5

ika꞉ hone handeteke hata꞉ make ika꞉ halemeeki ala꞉ta꞉ na ta̱lena꞉ leke hata꞉ make epeke da handeteke hala꞉ wanda꞉weki hata꞉ ika꞉ haliki tonu oto pa꞉ta꞉ hao hapa꞉peke laa walena꞉ walo hapeke. Koto panake wanda꞉wekima꞉ kutupiki haumanu pimika꞉na꞉ta꞉ kota꞉ mo pa wanda꞉halima꞉ Koda꞉na꞉ pimanu pa꞉ta꞉ hoke pi lapeke waleke na wilieke.

Loma꞉ 2:24

Hande Baibolo bukana꞉ wape pa꞉la꞉ tupa꞉ Ika꞉ Diu wanda꞉halima꞉ pu haleme ekina꞉ mo Diendaili wanda꞉halima꞉ta꞉ Koda꞉na꞉ biki hoeyao halememe.

1 Pida 3:16

Koto pa꞉la꞉pate ikana꞉ma꞉ hombo peaemeka꞉na꞉ta꞉ epeke hone witolo hata꞉ homu pikima꞉ lapa꞉peke. Ika꞉ hone teke tikitiki yao hala꞉ tupa꞉ kone haena꞉ lo hapa꞉peke. Koto pimika꞉na꞉ta꞉ iki mo Ketisona꞉ hoki nane telia꞉la꞉ wanda꞉hali hata꞉ epeke hau pu halemeeki handata꞉ mo mandane wanda꞉halima꞉ do hauta꞉ hokeekie lemeka꞉na꞉ta꞉ wetepena꞉ koto leme ekina꞉ yaala꞉ma꞉ homena꞉ yeke ika꞉ hone teke tikitiki yao haena꞉ lapa꞉peke.

1 Pida 2:12

Ikana꞉ma꞉ pi na ma꞉la꞉ wanda꞉hali taapuna꞉ ota꞉ epeke hau pu hapa꞉peke. Kutu pimikina꞉ta꞉ hande pi na ma꞉la꞉ wanda꞉halima꞉ iki biki hoeyaaluekema꞉ taapilimipate ika꞉ epeke piteleme ekimanu pa꞉ta꞉ handilimikie. Koto ekina꞉ koto wanda꞉halima꞉ta꞉ hande la꞉ ula꞉ nate epea꞉ka꞉na꞉ta꞉ Koda꞉na꞉ biki a꞉meiyalimikie.

Ka꞉leisia 5:1

Ota꞉ ka꞉la꞉pa꞉ tapao hamono Ketisoma꞉ niki ka꞉la꞉pa꞉ tapaala꞉me. Koto pa꞉la꞉ ekina꞉ta꞉ ka꞉la꞉pa꞉ tapaala꞉ wanda꞉hali tupa꞉ taka꞉lao hata꞉ mo pa hameke e pokaaseme wanda꞉hali tupa꞉ paa na hapa꞉peke.

Aposolo 15:10

Koto ekina꞉ Koda꞉ma꞉ pa꞉la꞉eki handa kone ameta꞉ pa ekipeke Koda꞉ la handuluekema꞉ hone witelemepe. Nika꞉ apa꞉meima꞉ make nikana꞉ma꞉ kone make mea꞉peke na yeke ka꞉nda꞉ pa꞉la꞉eki kone pa ekipeke mo hande hone tulaaseme wanda꞉hali pa꞉ta꞉ ka꞉nda꞉ma꞉ homena꞉ alemepe.

Aposolo 10:22

Mo haliwekima꞉ alota꞉ Koniliesita꞉ ami opisa epeke halima꞉ tapaeya꞉me laa ipikana꞉ma꞉ Koda꞉ pa꞉ta꞉ paala꞉ma꞉ homa꞉la꞉ halie laata꞉ Diu wanda꞉hali paeyaoma꞉ epeke pi lo hala꞉ halie. Kutupa Koda꞉na꞉ yako piki enisolo homekema꞉ leeke handa naka꞉ pimanu tonka꞉na꞉ opuluekema꞉ neke handa꞉ mulu pupe leeke handa ipuluma꞉me lemekeme.

Aposolo 10:7

Kutupa mo hande ipiki pa꞉ta꞉ pi leeke enisolo peeke nane ipika꞉ e pokao hayeke hali yaapo make ipiki teke pa꞉ta꞉ hayeke ami hali homeke make wi leekeme. Mo ipiki teke pa꞉ta꞉ hayeke ami halita꞉ Koda꞉ pa꞉ta꞉ paala꞉ma꞉ homo hayekeme.

Luku 17:1

Yesuma꞉ ipika꞉ disaipolo haliweki pa꞉ta꞉ alota꞉ Wanda꞉hali hoke hau pa꞉ta꞉ pena꞉ yeke pu tiaasa꞉ haumanu opolo epolo pa꞉la꞉pate kutu piki haumanu pina꞉ pu tiaasa꞉ someta꞉ paala꞉e. Hoke yenki milieke.

Ma꞉tiu 11:30

Do I̱ma꞉ ika꞉ peiyokona꞉ tuemena꞉ mea tiaaso tima꞉ta꞉ ika꞉ peiyoko na hoeyaalieke. Kutaa mo I̱ma꞉ mea tipe alo ka꞉nda꞉ta꞉ ka꞉nda꞉ wopu na piki yapa꞉ pilieke alome leekeme.

1 Timodi 5:14

Mo a꞉nda꞉ piteleme wanda꞉halima꞉ niki pa꞉ta꞉ hoke pi loluekema꞉ waleke wiaama꞉na꞉ mo Ketiso hala꞉ moputali kosa꞉piki wanda꞉wekita꞉ pa hali ma꞉nda꞉na꞉ da pua wekiwandiki mendia ika꞉ da handeteke haena꞉e hone witolome.

1 Kotindi 10:32

Kutupa mo Diu wanda꞉hali pa꞉ta꞉ make Diendaili wanda꞉hali pa꞉ta꞉ make mo Koda꞉na꞉ siosi wanda꞉hali pa꞉ta꞉ make homeke a꞉nda꞉ mea lopaaluekema꞉ hau ma꞉nda꞉ a꞉nda꞉ na pea꞉pa꞉peke.

Ma꞉tiu 11:9

I̱ opuono a̱i̱ la kipa꞉e. Koto pemeke dina꞉ta꞉ aleke handulumeke hone wimipe. Koda꞉na꞉ pi la꞉ mea halaasa꞉ potopede hali yekepe. Aowe. Ipikita꞉ potopede hali ya꞉la꞉pate pa potopede halina꞉ hauta꞉ ota꞉ lombei piki some hala꞉me.

Kini Pieke 24:27

Mo yaka you some Eipoloha꞉ma꞉na꞉ Tekehali Koda꞉na꞉ biki mea mina꞉lianoe. Ipikana꞉ma꞉ta꞉ yaka you some pa꞉ta꞉ ipika꞉ pi la꞉ ula꞉ ekita꞉ ota꞉ peneme yala꞉me. Mo Tekehalima꞉ta꞉ yaka you somena꞉ tapake pa꞉ta꞉ kone mea hatuku mea a꞉pa꞉la꞉me laa leekeme.

Kini Pieke 24:12

Kutupa ipikana꞉ma꞉ yeni pitolo alota꞉ Tekehalio. Yaka you some Eipoloha꞉ma꞉na꞉ Koda꞉o. Yaka you some pa꞉ta꞉ la꞉ wili pi peneme yaaso hata꞉ ame I̱ma꞉ weitolo ale kie.

Kini Pieke 24:2

Eipoloha꞉ma꞉ma꞉ mo ipika꞉ ala꞉ta꞉ ala꞉ta꞉ paeyao handeteke hayeke titina꞉ e pokaasa꞉ hali pa꞉ta꞉ alota꞉ Naka꞉ kiki yaka paleke yaapo pa꞉ta꞉ wia hata꞉ pi ma꞉nda꞉ la꞉ wie laa alota꞉.

Kini Pieke 16:9

Mo enisoloma꞉ alota꞉ Pao la꞉ka꞉la pua ipika꞉ pa hameke e pokaasa꞉ wanda꞉ hapeke leekeme.