1 Timodi 5:16 - Panake Pi La: Ula: Buka pita: Kine Pieke Buka

¹⁶ Kutu pu halemepate Ketiso wanda꞉ ma꞉nda꞉ ipika꞉ tapake kosa꞉piki wanda꞉manu ma꞉nda꞉ haya꞉ka꞉na꞉ta꞉ kota꞉ mo Siosi tapake pa꞉ta꞉ ka꞉nda꞉ wiaama꞉na꞉ ikita꞉ ipikana꞉ma꞉ handeteke hapeke ya꞉la꞉me. Kutu pia꞉ka꞉na꞉ta꞉ mo siosi tapakema꞉ ota꞉ mo honumake siki haleme kosa꞉piki wanda꞉weki ota꞉ epeke tupa꞉ handeteke haena꞉ waleke wilieke.

1 Timodi 5:16 Referans Kwoze

1 Timodi 5:8

Kutu pilipipate ma꞉nda꞉ hali epima꞉ ipika꞉ tapakemanu o ota꞉ ipika꞉ wekiwanda꞉ epeke tupa꞉ na handeteke haya꞉ka꞉na꞉ta꞉ kota꞉ koto someta꞉ mo Ketiso hau kiaaso toopi mea baasa꞉me. Kutu piki somena꞉ hoke hauma꞉ta꞉ mo pi na miki wanda꞉halina꞉ hoke hau lombei pea ota꞉ hoela꞉me.

1 Timodi 5:9

Mo kosa꞉piki wanda꞉wekina꞉ biki ula꞉ wapena꞉ta꞉ dupiki wanda꞉na꞉ biki homeke wia꞉peke. Wanda꞉ ma꞉nda꞉ ipika꞉ bapi hali tieke tepo paeya꞉ka꞉na꞉ make ipikita꞉ hali homekena꞉ da peeke wanda꞉ make

1 Timodi 5:10

wanda꞉halima꞉ epeke hau pia꞉ wanda꞉e aleme wanda꞉ make ipika꞉ wekiwandiki epeke tupa꞉ handeteke haya꞉ wanda꞉ make na handeke da ma꞉nda꞉ wanda꞉hali epemeke handa꞉mea wamo pia꞉tiki pieke wanda꞉ make Ketiso yankeketonu oto nane hata꞉ tamba꞉ mieke wanda꞉ make ka꞉nda꞉ mina꞉la꞉ wanda꞉hali petelea꞉ wanda꞉ make epeke haumanu puluekema꞉ hone wopu u hayeke wanda꞉ make kosa꞉piki wanda꞉ homekema꞉ koto hau paeyao tonka꞉na꞉ apa꞉tao pea꞉tiki pieki handemeka꞉na꞉ta꞉ kota꞉ ipika꞉ biki wape pea꞉peke.