1 Timodi 1:15 - Panake Pi La: Ula: Buka pita: Kine Pieke Buka

¹⁵ Ota꞉ opua hone tulaapeke ya꞉la꞉ ota꞉ pi ma꞉nda꞉ta꞉ dupa. Ketiso Yesuma꞉ hoke hau pu haloma꞉ wanda꞉hali da꞉taaluekema꞉ yeke do kenkena꞉ epeekeme. Koto ekina꞉ mo hoke hau wopu pita꞉la꞉ halita꞉ I̱ ya꞉pate

1 Timodi 1:15 Referans Kwoze

Maka 2:17

Yesuma꞉ koto lemeke pi opua iki pa꞉ta꞉ alota꞉ Yeni na hasa꞉ wanda꞉halima꞉ dokeda hali pa꞉ta꞉ na polo pelemepate pa yeni hasa꞉ wanda꞉halita꞉ dokeda hali pa꞉ta꞉ pelimikie leekeme. Tiki tiki hau pu hala꞉ wanda꞉halima꞉ hone ma꞉nda꞉ la꞉ka꞉la wina꞉yeke wi loluekema꞉ na epoa꞉me leekeme. Hoke hau pu haleme wanda꞉halima꞉ hone ma꞉nda꞉ la꞉ka꞉la wina꞉yeke wi loluekema꞉ epoa꞉me leekeme.

Luku 19:10

Wanda꞉halina꞉ Eiyeketa꞉ mo alu pa꞉la꞉ wanda꞉hali handa꞉ wia peteluekema꞉ yeke a꞉pa꞉la꞉me leekeme.

Dioni 12:47

Hali epima꞉ I̱ma꞉ alo pi opua na pia꞉ka꞉na꞉ta꞉ koto hali yaapo I̱ma꞉ pi yokaalu na pulueke. Kenke wanda꞉halita꞉ iki pa꞉ta꞉ pi yokaalu puluekema꞉ na epeke iki mea da꞉taaluekema꞉ epoa꞉me.

Dioni 1:12

Kutu pimikipate mandane wanda꞉halima꞉ta꞉ ipiki handa꞉ meata꞉ ipiki pa꞉ta꞉ hone tulao hatiki pimikime. Kutu pimiki handaata꞉ koto wanda꞉halita꞉ Koda꞉na꞉ weki wandiki haena꞉ leekeme.

Luku 5:32

I̱ma꞉ta꞉ epeke hau pu haleme wanda꞉hali hone ma꞉nda꞉ la꞉ka꞉la wina꞉yeke wi loluekema꞉ na epoa꞉pate pa hoke hau pu haleme wanda꞉hali wi loluekema꞉ epoa꞉me leekeme.

1 Dioni 3:5

Ketiso opolo epeeke ekita꞉ nika꞉ hoke hau mea bawaluekema꞉ a꞉pa꞉la꞉me. Kutupa ipiki pa꞉ta꞉ta꞉ hokeeki ma꞉nda꞉ na ula꞉me laa hone wilimime.

1 Timodi 1:13

Amba꞉ta꞉ I̱ma꞉ ota꞉ Ketisona꞉ biki hoke pi pi alo hata꞉ make ipika꞉ wanda꞉hali ka꞉nda꞉ma꞉ homa꞉ tiao make iki tekipuleke laasa꞉ hali haowa꞉me. Kutu pua꞉ ekita꞉ I̱ma꞉ Ketiso pa꞉ta꞉ hone na tulao make mo pua꞉ ekina꞉ teketa꞉ hone wopu na wiki hata꞉ pueke handaa Koda꞉ma꞉ I̱ pa꞉ta꞉ a꞉ta꞉ma꞉ homeekeme.

Ma꞉tiu 20:28

Pa ekipeke Wanda꞉halina꞉ Eiyeketa꞉ mo wanda꞉halima꞉ ipika꞉ e pokaena꞉ loluekema꞉ yeke na epeeke yekepate ipikana꞉ma꞉ pa ika꞉ e pokaaluekema꞉ make ipika꞉ da꞉ta꞉la꞉ ekima꞉ta꞉ iki wopuna꞉ hoke hauna꞉ yenki haluekema꞉ yeke epea꞉me leekeme.

1 Kotindi 15:9

Mo aposolo haliweki ame̱le̱ hata꞉ I̱ta꞉ ota꞉ hosiki halisiki halome. Koto biki muluekema꞉ epeke hali na haowa꞉me. I̱ma꞉ta꞉ Koda꞉na꞉ siosi wanda꞉hali pa꞉ta꞉ tanda tieke haloa꞉ ekina꞉ loa꞉me.

Dioni 1:29

Da kelepeeketa꞉ Dionima꞉ ipiki pa꞉ta꞉ Yesu epeekeeki handolo hata꞉ alota꞉ Koda꞉ ipika꞉ Sipisipi Ma꞉na꞉siki koto ipula꞉ma꞉ handa꞉pe laa ipikana꞉ma꞉ kenke wanda꞉hali paeyaona꞉ hoke hau peleme ekimanu mea pula꞉me.

Ma꞉tiu 9:13

Hande Baiboloma꞉ alota꞉ Mo hoteke lia hala꞉la꞉ ekita꞉ I̱ma꞉ hone na pa꞉la꞉pate a꞉ta꞉ma꞉ homo hasa꞉ hau homeke hone pa꞉la꞉me la꞉la꞉ pina꞉ tekemanu amba꞉la hone uemena꞉ ikana꞉ma꞉ pua weiya꞉pe. I̱ma꞉ta꞉ epeke hau pu hala꞉ wanda꞉hali hone ma꞉nda꞉ la꞉ka꞉la wina꞉yeke wi loluekema꞉ na epoa꞉pate pa hoke hau pu hala꞉ wanda꞉halima꞉ hone ma꞉nda꞉ la꞉ka꞉la wina꞉yeke wi loluekema꞉ epoa꞉me leekeme.

Ma꞉tiu 1:21

Mo wekita꞉ hali weki mendilieke. Kutu pia꞉ka꞉na꞉ ipika꞉ wanda꞉hali mea da꞉taalo pa꞉la꞉ ekina꞉ yeketa꞉ ipika꞉ biki Yesue lelipipikie leekeme.

Hibulu 7:25

Koto pa꞉la꞉ ekima꞉ta꞉ wetepe make ame do make mo ipiki pa꞉ta꞉ yama꞉ Koda꞉ pa꞉ta꞉ ipilimi wanda꞉halita꞉ ota꞉ da꞉taapeke ya꞉la꞉me. Pa ekipeke ipikana꞉ma꞉ ikina꞉ Koda꞉ pa꞉ta꞉ honke latiki puluekema꞉ hao hala꞉me.

1 Timodi 4:9

Ota꞉ opua hone tulaapeke ya꞉la꞉ ota꞉ pi ma꞉nda꞉ta꞉ dupae.

Loma꞉ 5:6

Nikita꞉ honkopu na hake hamono Koda꞉ma꞉ la꞉ wieke natena꞉ kone niki hoke hau pu haloma꞉ wanda꞉hali nika꞉eki peaaso hata꞉ Ketiso ipiki homeekeme.

1 Dioni 3:8

Pate ma꞉nda꞉ epima꞉ hoke hau pa putia pea꞉ka꞉na꞉ta꞉ koto someta꞉ mo Hoke Temokona꞉eki hala꞉me. Pa ekipeke mo Hoke Temokoma꞉ta꞉ kini pitolo kone hoke hau pa꞉leke loa꞉me. Mo Koda꞉na꞉ Eiyeke opolo a꞉pa꞉la꞉ ekita꞉ ota꞉ doeki tekena꞉ pa꞉la꞉me. Mo Hoke Temokoma꞉ pa꞉la꞉eki hoeyaaluekema꞉ pa꞉la꞉me.

1 Timodi 3:1

Ota꞉ pi ala꞉eki ma꞉nda꞉ doe. Hali ma꞉nda꞉ma꞉ ipika꞉ honema꞉ta꞉ Ketiso wanda꞉hali hatuku polueke hone wia꞉ka꞉na꞉ta꞉ kota꞉ epeke e hone koto wita꞉la꞉ handa꞉e.

Epesese 3:8

Koda꞉na꞉ wanda꞉hali paeyao titina꞉ haena꞉ I̱ta꞉ ota꞉ wetepe nane halopate Koda꞉ma꞉ta꞉ mo Diendaili wanda꞉hali pa꞉ta꞉ hande Pi Seliapo I̱ma꞉ walo ponoyeke I̱ pa꞉ta꞉ kia꞉me. Hande Pi Seliapo pa꞉ta꞉ta꞉ Ketiso ipika꞉ paelo pua꞉peke na ya꞉la꞉ hamoko hala꞉eki pila꞉me.

Peneme Yaeyekeeki 22:6

Kutupa mo enisoloma꞉ I̱ pa꞉ta꞉ alota꞉ Do pi manuta꞉ ota꞉eki ya꞉la꞉ ekina꞉ hone tu lapeke ya꞉la꞉me. Kutupa hande potopede haliweki pa꞉ta꞉ Sipitidi halo pa꞉la꞉ Tekehali Koda꞉ma꞉ mo ipika꞉ e pokaaseme haliweki pa꞉ta꞉ ame do koto kone pulu pa꞉la꞉ ekimanu walena꞉yeke ipika꞉ enisolo tapaala꞉me lea꞉me.

Peneme Yaeyekeeki 5:9

Ikana꞉ma꞉ panake emeli homeke alota꞉ Neketa꞉ mo pi ula꞉ buka mea tonkaake ale yamba꞉lapeketa꞉ ota꞉ ana꞉ pa꞉la꞉me. Pa ekipeke neketa꞉ limikime. Kutupa nakana꞉ma꞉ naka꞉ wema꞉ mo wanda꞉halita꞉ Koda꞉na꞉ wanda꞉hali haena꞉yeke hambeleme. Ikita꞉ tapake ta꞉ta꞉ ta꞉ta꞉ make pi ta꞉ta꞉ ta꞉ta꞉ make kapomani manuma꞉ handeteke hala꞉ da ta꞉ta꞉ ta꞉ta꞉ make tutu ta꞉ta꞉ ta꞉ta꞉ paeyao pa꞉ta꞉ hambeleme.

Taitasi 3:8

Koda꞉ pa꞉ta꞉ hone tulaaseme wanda꞉halima꞉ta꞉ mo ika꞉ epeke piteme hau manuma꞉ mo mandane wanda꞉hali tamba꞉ muluekema꞉ hone witolo hata꞉ waleke hala꞉tiki pina꞉ma꞉ nakana꞉ma꞉ do wapena꞉ alo pimanu iki pa꞉ta꞉ ota꞉ wopu la꞉ moneao hapeke.

2 Timodi 2:11

Dota꞉ ota꞉ pi alo pie. Nikana꞉ma꞉ ipiki ame̱le̱ mandake a꞉nda꞉ homoma꞉ka꞉na꞉ta꞉ kota꞉ ipiki ame̱le̱ mandake kone da꞉taa halumeke.

Aposolo 3:26

Koto ekina꞉ Koda꞉ma꞉ ipika꞉ e pokaasa꞉ hali mea haena꞉ laata꞉ iki pa꞉ta꞉ amba꞉la tapaeyekeme. Koto tapake hauta꞉ iki epeaaluekema꞉ piekeme. Ikana꞉ma꞉ ika꞉ hoke haumanu mina꞉pa꞉lao ika꞉ puki ipikana꞉ma꞉ la꞉ka꞉laasa꞉ ekima꞉ iki epeaaluekema꞉ piekeme laa leekeme.

Dioni 3:36

Hali epima꞉ hande Eiyeke pa꞉ta꞉ hone tulao haya꞉ka꞉na꞉ta꞉ kota꞉ koto halima꞉ da꞉ta꞉ hao halo pa꞉la꞉pate hali epima꞉ hande Eiyekena꞉ kakena꞉ na homea꞉ka꞉na꞉ta꞉ deto hala꞉eki na miki haena꞉ Koda꞉ ipika꞉ mineke panka꞉la꞉eki koto hali pa꞉ta꞉ ula꞉me.

Peneme Yaeyekeeki 21:5

Kutupa mo kini seana꞉ pitia꞉ halima꞉ alota꞉ Ameta꞉ I̱ma꞉ ala꞉ta꞉ ala꞉ta꞉ paeyao panakeeki wepitolome lea꞉me. Ipikana꞉ma꞉ I̱ pa꞉ta꞉ dupa alota꞉ Do ekita꞉ laaniae. Pa ekipeke do pi manuta꞉ ota꞉eki ya꞉la꞉ ekina꞉ make ota꞉ hone tu lapeke ya꞉la꞉ pie lea꞉me.

1 Dioni 5:11

Mo peneme yao ala꞉ pita꞉ doe. Koda꞉ma꞉ta꞉ niki pa꞉ta꞉ da꞉taa hao hala꞉eki ka꞉la꞉me. Kutupa do da꞉ta꞉la꞉ ekina꞉ teketa꞉ ipika꞉ Eiyekee.

1 Timodi 1:19

Kutupa naka꞉ hone tulaleeki wopu miniki hata꞉ naka꞉ hone tekemanu ha̱i̱ peaapa꞉na꞉ wopu handeteke hapeke. Mandane haliwekima꞉ta꞉ ika꞉ hone tekemanu pendulu baemeke handaata꞉ ika꞉ hone tulaaseme ekita꞉ mo hande sisima kawasota꞉ toopina꞉ tulaaso yambolo hoeta꞉la꞉ tupa꞉ ika꞉ hone tulaasemeeki make koto tupa꞉ kone ota꞉ hoeyaasememe.

Ma꞉tiu 18:10

Ikana꞉ma꞉ dupiki wekiwandiki sunu pa꞉ta꞉ pa alema꞉ handali mina꞉ma꞉ wopu handeteke hapa꞉peke alome. Pa ekipeke. Mo wekiwandiki ika꞉ hepeni hala꞉ enisolo tonuma꞉ mo ya hepeni hala꞉ Apa꞉na꞉ leke popelekena꞉ teke pa꞉ta꞉ hata꞉ handeteke hao halememe alome.

Aposolo 11:18

Mo haliwekima꞉ Pidama꞉ leekeeki opuaata꞉ ika꞉ lota꞉ lota꞉ pimiki pimanu tunkulata꞉ Koda꞉na꞉ pi laaso hata꞉ alota꞉ Koda꞉ma꞉ta꞉ mo Diendaili wanda꞉halima꞉ make hone ma꞉nda꞉ la꞉ka꞉la꞉ mina wia da꞉ta꞉la꞉eki mea꞉pa꞉peke pota꞉ lombolo piekeme lemekeme.

Aposolo 11:1

Mo Diudia nane haemeke aposolo haliweki paeyao pa꞉ta꞉ make Ketiso wanda꞉hali make iki paeyaoma꞉ta꞉ mo Diendaili wanda꞉halima꞉ make Koda꞉na꞉ pi mimiki ekita꞉ opimikime.

Luku 15:2

hande Pa꞉tisi haliwekima꞉ make mo hande Lo Pi walo haemeke haliwekima꞉ make kotoeki handaata꞉ pi la la pitolo hata꞉ ika꞉ kone alota꞉ Do halima꞉ta꞉ mo hoke haliweki handa꞉ mea꞉tiki pea ne kone homeke pa꞉ta꞉ netiki pitelememe laa lemeke handa

Loma꞉ 11:14

Pa mata꞉la꞉me. Mandane ya tapake wanda꞉hali I̱ma꞉ honditi peaaso hata꞉ da꞉ta꞉la꞉eki mina꞉ lolua꞉pe mata꞉la꞉me.

1 Timodi 6:13

Mo ala꞉ta꞉ ala꞉ta꞉ paeyao da꞉taa wina꞉ la꞉la꞉ Koda꞉na꞉ leke popelekena꞉ hata꞉ make mo hande Pontiasi Pailedi pa꞉ta꞉ ota꞉ pi leeke Ketiso Yesu ipika꞉ leke popelekena꞉ hata꞉ make I̱ma꞉ neke pa꞉ta꞉ dupa alome.

Ma꞉tiu 18:11

[Wanda꞉halina꞉ Eiyekema꞉ mo alu peleme wanda꞉hali weiya handa꞉ wia da꞉taaluekema꞉ a꞉pa hala꞉me.]