1 Pida 4:11 - Panake Pi La: Ula: Buka pita: Kine Pieke Buka

¹¹ Epima꞉ta꞉ pi walo haya꞉ka꞉na꞉ta꞉ ota꞉ Koda꞉na꞉ pi homeke wala꞉peke ya꞉la꞉taa. Epima꞉ta꞉ siosi wanda꞉hali tamba꞉ mia꞉ka꞉na꞉ta꞉ ota꞉ Koda꞉na꞉ hala꞉la꞉ wele taapuna꞉ hata꞉ tamba꞉ mia꞉peke ya꞉la꞉taa. Koto ekina꞉ do hau paeyao pilimi ekima꞉ta꞉ Yesu Ketiso pa꞉ta꞉ yama꞉ Koda꞉ yeiya꞉ lapeke yelieke. Mo pa̱a̱ pita꞉la꞉eki make mo kilu tombuao hala꞉eki make ipika꞉eki na paeke pa hao halieke. Kutu pina꞉e.

1 Pida 4:11 Referans Kwoze

1 Kotindi 10:31

Pate ikana꞉ma꞉ ika꞉ hau paeyao piteleme ekima꞉ make mo ne ikali naleme ekima꞉ make mo Koda꞉na꞉ biki daeyaena꞉ loluekema꞉ hau paeyao pea꞉pa꞉peke.

Epesese 6:10

Pi paetolo hata꞉ dupa alome. Ikana꞉ma꞉ Tekehali ta꞉ma꞉ni pea hata꞉ ipika꞉ wele pita꞉la꞉eki meata꞉ honkopu hao hapa꞉peke.

1 Pida 4:10

Iki homeke homekema꞉ Koda꞉na꞉ ta ka꞉la꞉ ta꞉ta꞉ ta꞉ta꞉ pikieki manuta꞉ epeke tupa꞉ handeteke hata꞉ mo Koda꞉ma꞉ kieke ta꞉ta꞉ piki ekima꞉ta꞉ ika꞉ hameke epeaaluekema꞉ pu alualu hapa꞉peke.

Aposolo 7:38

Ipiki make mo Isulai wanda꞉hali ame̱le̱ mo hapu hayeke alena꞉ momba꞉la haemekeme. Ipikita꞉ nika꞉ apa꞉mei ameda ame̱le̱ koto pa꞉ta꞉ hayeke halie. Mo Sainai Pote pa꞉ta꞉ hande ipiki pa꞉ta꞉ pi leeke enisolo yaapo hayeke halie. Koda꞉ma꞉ ipika꞉ da꞉ta꞉la꞉ pi niki pa꞉ta꞉ la kina꞉yeke Koda꞉ma꞉ ipiki pa꞉ta꞉ la haleekeme.

Epesese 4:29

Hoke pi homeke a꞉nda꞉ ika꞉ kakema꞉ na leke wanda꞉hali epeaalo peleme pimanu lapa꞉peke. Kutupa ika꞉ pita꞉ wanda꞉halima꞉ opitolo hata꞉ Koda꞉ ipika꞉ pa a꞉ta꞉ma꞉ homa꞉la꞉eki mina꞉yeke loa꞉me.

Loma꞉ 3:2

A꞉pa꞉e. Iki pa꞉ta꞉ epekeeki wotu ula꞉me. Titina꞉ dupa Koda꞉ma꞉ta꞉ mo Diu wanda꞉halima꞉ ipika꞉ pimanu miniki hata꞉ handeteke haena꞉yeke iki pa꞉ta꞉ haleekeme.

Dia꞉mesi 1:19

Ota꞉ ya kametitio. Do pimanu hone wipe. Iki paeyao pi opuluekema꞉ tikitiki yao hapeke ya꞉la꞉pate pa pi pi a̱i̱ na leke make mineke a̱i̱ na panka꞉pa꞉peke. Do alo pi manuta꞉ do ekina꞉yeke loa꞉me.

Kolosi 4:6

Ika꞉ aleme pi manuta꞉ tende peao make ta꞉na꞉ma꞉ homa꞉tiake tupa꞉ lapa꞉peke. Kutupa ikana꞉ma꞉ paeyao pa꞉ta꞉ epeke hombo peaasa꞉eki hala꞉la꞉ ekita꞉ hone wopu wia꞉peke ya꞉la꞉me.

1 Kotindi 12:4

Hande Sipitidina꞉ kita꞉la꞉ ale manuta꞉ ta꞉ta꞉ ta꞉ta꞉ ya꞉la꞉pate pa mo kita꞉la꞉ Sipitidita꞉ homeke kone hala꞉me.

1 Pida 2:5

Iki make da꞉ta hala꞉ toopi ula꞉ tupa꞉ halememe. Kutupa ikana꞉ma꞉ Koda꞉ma꞉ ikita꞉ mea ipika꞉ yakopiki temokona꞉ da a꞉ena꞉ lapa꞉peke. Do da tukiki pa꞉ta꞉ ikana꞉ma꞉ yako piki yeni peao hala꞉ haliweki hata꞉ Koda꞉ ta꞉na꞉ma꞉ homolo hata꞉ mina꞉ ika꞉ temoko Yesu Ketiso pa꞉ta꞉ yama꞉ Koda꞉ pa꞉ta꞉ halo hapa꞉peke.

Diudi 1:25

Do Koda꞉ homekema꞉ta꞉ nika꞉ Tekehali Yesu Ketiso pa꞉ta꞉ yama꞉ niki pa꞉ta꞉la꞉la꞉me. Koto ekina꞉ nikana꞉ma꞉ta꞉ ipika꞉ biki yeiya꞉ laamana꞉e. Ipikita꞉ titina꞉ kini hata꞉ honkopu tieke haena꞉e. Kutupa ipikita꞉ ala꞉ta꞉ ala꞉ta꞉ paeyaona꞉ you hali haena꞉e. Ipikita꞉ amba꞉ make ame make wetepe nina꞉ make do tupa꞉ kone hao haena꞉e. Kutu pina꞉e

Hibulu 5:12

Ikana꞉ma꞉ Koda꞉na꞉ pi wala꞉la꞉ wanda꞉hali hamena꞉ yeke nate tieke ana꞉na꞉ wia꞉pate kone pa mo hande wekiwandiki sunu pa꞉ta꞉ wala꞉la꞉ Koda꞉na꞉ hosiki pi sunu ma꞉nda꞉ma꞉ paa walena꞉ lapeke ya꞉ka꞉ta꞉me. Epeke taka꞉lake nemanu no hapa꞉peke yolo pa꞉la꞉pate pa andu homeke no halememe.

1 Timodi 6:16

Ipiki homeketa꞉ ipika꞉ kone pa da꞉taa hao hala꞉ Koda꞉ hala꞉me. Wanda꞉halima꞉ ipiki hala꞉ teke pa꞉ta꞉ pua꞉peke na yeke pa̱a̱ tieke pa꞉ta꞉ hala꞉me. Ipikita꞉ hali ma꞉nda꞉ma꞉ ota꞉ na handemeke yeke Koda꞉ yeke handaata꞉ ame make ota꞉ ma꞉nda꞉ma꞉ handa꞉peke na ya꞉la꞉me. Ipika꞉ biki tieke ota꞉ kende wina꞉ make mo na paeyeke pa hao hala꞉ Kilu Tombuao hala꞉ ekina꞉ wele make ipika꞉eki wina꞉e. Kutu pina꞉e.

1 Timodi 1:17

Mo lekema꞉ handa꞉peke na yo make homa꞉peke na yo piki da꞉ta hao hala꞉ Kini hali ipiki homeke kone Koda꞉ hala꞉me. Ipika꞉ biki tieke ota꞉ kende wina꞉ mea a꞉meiyaena꞉ la꞉na꞉e. Kutu pina꞉e.

1 Kotindi 3:10

Koda꞉na꞉ pa a꞉ta꞉ma꞉ homa kita꞉la꞉eki meata꞉ I̱ma꞉ta꞉ mo da a꞉eta꞉la꞉ ekina꞉ hone wotu wiki kapenda you hali hata꞉ pinki amba꞉ nokopolome. Kutupa hali ma꞉nda꞉ma꞉ da a꞉eluekema꞉ mo pinkimanu manda a꞉eta꞉la꞉me. Koto pa꞉la꞉pate mo da a꞉eta꞉la꞉ hali ma꞉nda꞉ epima꞉ta꞉ wotu handeteke hata꞉ a꞉eya꞉ka꞉na꞉ta꞉ kota꞉ pa ana꞉ pilieke.

Ma꞉tiu 6:13

Ka꞉nda꞉piki ekima꞉ niki na la handa꞉peke. Kotoeki na pikita꞉ hoke Sadanima꞉ niki hoeyaama꞉na꞉ma꞉ nakana꞉ma꞉ niki epeke tupa꞉ handeteke hapeke laa yeni pea꞉pa꞉peke ya꞉la꞉me.

1 Pida 5:11

Mo Kilu Tombuao Hala꞉ weleta꞉ hoto paeyao Koda꞉ pa꞉ta꞉ pu haena꞉e. Aowe ota꞉e.

Dia꞉mesi 1:26

Kutupa hali epima꞉ I̱ta꞉ ota꞉ Ketiso halie la ala꞉pate ipika꞉ kekeke na handeteke haya꞉ka꞉na꞉ta꞉ kota꞉ koto halita꞉ ipika꞉ kone makeao hao ipika꞉ Ketiso hala꞉ ekita꞉ ota꞉eki dia꞉me paekie.

Pilipai 2:11

Kutupa mo Ateke hala꞉ Koda꞉na꞉ biki yeiya꞉ laaluekema꞉ iki paeyaoma꞉ paeyao opina꞉ peneme yaaso hata꞉ Yesu Ketiso ipiki homeketa꞉ ota꞉ Tekehalie laa lelimikie.

Epesese 5:20

Tekehali Yesu Ketisona꞉ bikina꞉ ala꞉ta꞉ ala꞉ta꞉ paeyao kita꞉la꞉ ekina꞉ hoto paeyao nika꞉ Apa꞉ Koda꞉ pa꞉ta꞉ keiyae pi la꞉tiki pea꞉pa꞉peke.

1 Kotindi 6:20

Ipika꞉eki kone hamina꞉yeke ipikana꞉ma꞉ ikita꞉ yenki tiekema꞉ amba꞉ hamba꞉la꞉me. Koto pa꞉la꞉ ekina꞉ ika꞉ loke manuma꞉ Koda꞉na꞉ biki mea a꞉meiyaena꞉ alo hata꞉ handeteke hapa꞉peke.

Loma꞉ 11:36

Koda꞉ma꞉ta꞉ ala꞉ta꞉ ala꞉ta꞉ paeyao ipikana꞉ma꞉ wepia wina꞉ la꞉la꞉me. Kutupa ala꞉ta꞉ ala꞉ta꞉ paeyao ipikana꞉ma꞉ kone pa putia pulu pulu haena꞉ ala꞉me. Kutu pa꞉la꞉ ekita꞉ ala꞉ta꞉ ala꞉ta꞉ paeyao ipika꞉eki kone wina꞉ loluekema꞉ pa꞉la꞉me. Nikana꞉ma꞉ta꞉ Koda꞉na꞉ pita꞉ hoto paeyao laatiki pu hamana꞉e. Kutu pina꞉e.

Pilipai 1:11

Kutu pilie ekima꞉ta꞉ ika꞉ halemeeki tukiki pa꞉ta꞉ta꞉ mo Yesu Ketiso homekema꞉ puemena꞉ lapeke ya꞉la꞉ hau manuma꞉ iki tukiki pa꞉ta꞉ tumbaalieke. Iki tumbaeya꞉ka꞉na꞉ta꞉ kota꞉ koto hauma꞉ta꞉ Koda꞉na꞉ pi lao yeiya꞉ laalieke.

2 Kotindi 9:13

Kutupa do ika꞉ pokeleme ema꞉ta꞉ ika꞉ epeke hau peneme yaaso hata꞉ paeyaoma꞉ta꞉ ikana꞉ma꞉ Ketisona꞉ Pi Seliapo oto pa꞉ta꞉ haleme ekina꞉ Koda꞉na꞉ biki yeiya꞉ lalimikie. Mo ikana꞉ma꞉ ika꞉ ta꞉na꞉ma꞉ homolo hata꞉ ale mandaneeki pa halo halemeeki iki ame̱le̱ telipa make paeyao ame̱le̱ putupeleme ekina꞉ loa꞉me.

Loma꞉ 16:27

Nikana꞉ma꞉ Yesu Ketiso pa꞉ta꞉ yama꞉ mo hande hau paeyao wotu handa ula꞉ Koda꞉ homeke homekena꞉ pi hoto paeyao laatiki pu hamana꞉e. Kutu pumana꞉e.

Dioni 13:31

Diudasi peeke hoki nane Yesuma꞉ alota꞉ Ameta꞉ Wanda꞉halina꞉ Eiyekema꞉ta꞉ ipika꞉ pa̱a̱ pa꞉la꞉eki milieke. Kutupa Koda꞉na꞉ pa̱a̱ pa꞉la꞉ ekita꞉ Wanda꞉halina꞉ Eiyeke pa꞉ta꞉ handulumeke.

Loma꞉ 12:3

Koda꞉ma꞉ ipika꞉ pa hameke a꞉ta꞉ma꞉ homa꞉la꞉eki I̱ pa꞉ta꞉ kieke handaata꞉ kota꞉ I̱ma꞉ iki paeyao pa꞉ta꞉ pi dupa alome. Naka꞉ kone neke pa꞉ta꞉ hone witolota꞉ I̱ta꞉ ya handoloeki ya haloeki make wanda꞉halina꞉eki ankulao halome laa koto hone na wia꞉peke. Iki homeke homekema꞉ta꞉ ika꞉ ika꞉ kone hosiki yao hone wia hata꞉ Koda꞉ma꞉ ka꞉la꞉ hone tulaasa꞉eki ana꞉na꞉ handaata꞉ hone u hapa꞉peke.

2 Kotindi 2:17

Nikita꞉ mo hande mandane wanda꞉halima꞉ Koda꞉na꞉ pita꞉ mo bisinisi pea꞉peke alesiki leke pu haleme tupa꞉ na pu haloma꞉pate Koda꞉ma꞉ niki tapaala꞉ ekina꞉ta꞉ nikita꞉ Ketisona꞉ e pokaasa꞉ haliweki hata꞉ ipika꞉ pita꞉ Koda꞉na꞉ leke popelekena꞉ tikitiki yao poko haloma꞉me.

Epesese 1:19

Kutupa make niki hone tulao haloma꞉ wanda꞉hali niki tukiki pa꞉ta꞉ pita꞉ ipika꞉ wele pita꞉la꞉eki daeyaatiki pua꞉pekeeki hone wilimikie. Do hande niki tukiki pa꞉ta꞉ pila꞉ wele pita꞉la꞉ ekita꞉

1 Desalonaika 2:4

Dia꞉me. Koda꞉ma꞉ niki amba꞉la꞉ la handea꞉me. Kutupa ipikana꞉ma꞉ ipika꞉ hone piekena꞉ kone nikana꞉ma꞉ mo Pi Seliapo walomono mea haena꞉ la꞉la꞉me. Koto ekina꞉ wanda꞉halima꞉ nika꞉ e pokoloma꞉ ekina꞉ ta꞉na꞉ma꞉ homena꞉ laa na pokoma꞉me. Dia꞉me. Nika꞉ hone pa꞉la꞉ ekita꞉ pa Koda꞉ma꞉ homeke nika꞉ puki telipitolo ta꞉na꞉ma꞉ homolo hata꞉ ana꞉ pa꞉la꞉me laa lena꞉e.

Taitasi 2:1

Koto pa꞉la꞉pate nakana꞉ma꞉ ota꞉ mo mana꞉ pi ula꞉ tupa꞉ tolu walo hapeke.

Taitasi 2:15

Do mana꞉ pimanu walo hapeke. Kutu puluekema꞉ta꞉ naka꞉ pi opita꞉la꞉ wanda꞉halina꞉ hone u tia tia puluekema꞉ make hoke haumanu peaama꞉na꞉ sa꞉sa꞉ pulu pika꞉na꞉ make naka꞉ biki ula꞉ ekina꞉ hata꞉ pea꞉peke.

Hibulu 13:7

Amba꞉ mo iki pa꞉ta꞉ Koda꞉na꞉ pi walao haeme siosi you haliweki hone na yonka꞉lapa꞉peke. Ika꞉ pu haeme haumanu make hone na yonka꞉lake niminatiki pitolo hata꞉ ika꞉ hone tulaeme hau honda꞉ mea pu hapa꞉peke.

1 Pida 2:12

Ikana꞉ma꞉ pi na ma꞉la꞉ wanda꞉hali taapuna꞉ ota꞉ epeke hau pu hapa꞉peke. Kutu pimikina꞉ta꞉ hande pi na ma꞉la꞉ wanda꞉halima꞉ iki biki hoeyaaluekema꞉ taapilimipate ika꞉ epeke piteleme ekimanu pa꞉ta꞉ handilimikie. Koto ekina꞉ koto wanda꞉halima꞉ta꞉ hande la꞉ ula꞉ nate epea꞉ka꞉na꞉ta꞉ Koda꞉na꞉ biki a꞉meiyalimikie.

1 Pida 4:16

koto ka꞉nda꞉ta꞉ mea꞉pa꞉peke na ya꞉la꞉pate mo Ketisona꞉ wanda꞉hali halemeke handa ka꞉nda꞉ mimika꞉na꞉ta꞉ koto ka꞉nda꞉ minelemeeki pa꞉ta꞉ yaala꞉ma꞉ na homeketa꞉ iki Ketisona꞉ biki miniki haleme ekina꞉ Koda꞉ pa꞉ta꞉ keiyae pi lo hapa꞉peke.