1 Pida 4:10 - Panake Pi La: Ula: Buka pita: Kine Pieke Buka

¹⁰ Iki homeke homekema꞉ Koda꞉na꞉ ta ka꞉la꞉ ta꞉ta꞉ ta꞉ta꞉ pikieki manuta꞉ epeke tupa꞉ handeteke hata꞉ mo Koda꞉ma꞉ kieke ta꞉ta꞉ piki ekima꞉ta꞉ ika꞉ hameke epeaaluekema꞉ pu alualu hapa꞉peke.

1 Pida 4:10 Referans Kwoze

Maka 10:45

Pa ekipeke mo Wanda꞉halina꞉ Eiyeke kone mo wanda꞉halima꞉ ipika꞉ e pokaena꞉ loluekema꞉ yeke na epeeke yekepate ipikana꞉ma꞉ pa ika꞉ e pokaaluekema꞉ make ipika꞉ da꞉ta꞉la꞉ ekima꞉ta꞉ iki wopuna꞉ hoke hauna꞉ yenki haluekema꞉ epea꞉me leekeme.

Hibulu 6:10

Koda꞉ta꞉ homeke pa꞉ta꞉ homeke hone ula꞉ Koda꞉ dia꞉me. Ipikana꞉ma꞉ mo ika꞉ epeke e poka꞉lemekeeki make ika꞉ Ketiso kame tonu tamba꞉ mimieki make ame do pa tamba꞉ mu haleme ekima꞉ make koto hau pa꞉ta꞉ yama꞉ta꞉ ika꞉ Koda꞉ pa꞉ta꞉ pukima꞉ homelemeeki peneme yaasa꞉me. Koto piteme ekita꞉ Koda꞉ma꞉ hone na yonka꞉lapeke ya꞉la꞉me.

1 Kotindi 15:10

Kutu pua꞉pate ame pa I̱ do halo ekita꞉ Koda꞉ma꞉ ipika꞉ pa hameke a꞉ta꞉ma꞉ homa꞉la꞉ ekima꞉ peaala꞉me. Kutupa koto ipikana꞉ma꞉ I̱ pa꞉ta꞉ pa hameke a꞉ta꞉ma꞉ homa꞉la꞉ ekima꞉ta꞉ wele na piki paekie laa pi lapeke na ya꞉la꞉me. Dia꞉me. I̱ma꞉ta꞉ honkopu hao ipika꞉ e pokaaso hata꞉ mo hande aposolo haliweki paeyao kone wetepeaowa꞉me. Kutu pua꞉pate I̱ma꞉ ya kone na pua꞉me. Koda꞉na꞉ pa a꞉ta꞉ma꞉ homa꞉la꞉ ekima꞉ I̱ pa꞉ta꞉ pita꞉ peaeya꞉me.

1 Kotindi 3:10

Koda꞉na꞉ pa a꞉ta꞉ma꞉ homa kita꞉la꞉eki meata꞉ I̱ma꞉ta꞉ mo da a꞉eta꞉la꞉ ekina꞉ hone wotu wiki kapenda you hali hata꞉ pinki amba꞉ nokopolome. Kutupa hali ma꞉nda꞉ma꞉ da a꞉eluekema꞉ mo pinkimanu manda a꞉eta꞉la꞉me. Koto pa꞉la꞉pate mo da a꞉eta꞉la꞉ hali ma꞉nda꞉ epima꞉ta꞉ wotu handeteke hata꞉ a꞉eya꞉ka꞉na꞉ta꞉ kota꞉ pa ana꞉ pilieke.

Epesese 4:11

Ipikana꞉ma꞉ kone wanda꞉hali pa꞉ta꞉ hala꞉la꞉ alemanu dupa haleekeme. Mandaneeki aposolo haliweki haena꞉ laata꞉ mandaneeki hande Pi Seliapo wala꞉la꞉ haliweki haena꞉ laata꞉ mandaneeki Koda꞉na꞉ pi la꞉ mea hala꞉la꞉ haliweki haena꞉ laata꞉ mandaneeki pasida haliweki make disa haliweki make haena꞉ la꞉la꞉me.

Loma꞉ 15:27

Mo mani haleke hauta꞉ ikana꞉ma꞉ ika꞉ hone wia kone halo pelemepate koto hauta꞉ ikana꞉ma꞉ ota꞉ pea꞉pa꞉peke ale kone pitelememe. Mo hande Diu wanda꞉halima꞉ta꞉ Koda꞉ma꞉ ika꞉ temokomanu epeala꞉eki manuta꞉ Diendaili wanda꞉hali pa꞉ta꞉ teli teli peaalememe. Koto peleme ekina꞉ mo hande Diendaili wanda꞉halima꞉ta꞉ ika꞉ wia haleme alemanu Diu wanda꞉hali pa꞉ta꞉ teli teli peao halemeka꞉na꞉ta꞉ epelieke.

Taitasi 1:7

Ipikana꞉ma꞉ta꞉ Koda꞉na꞉ hau handeteke hapeke ekina꞉ ipikita꞉ ota꞉eki a꞉nda꞉ na piki hali hapeke yelieke. Ipikita꞉ wanda꞉hali lu pambaake pi lo o mineke a̱i̱ koto kone panka꞉la꞉ o hoke ikali naa keao o wanda꞉hali make ala꞉ta꞉ ala꞉ta꞉ hoeyao tekipuleke lao o I̱ I̱ laa pasa꞉tei pu o dupiki haumanu pu halia꞉ halita꞉ hapeke na yelieke.

Epesese 3:8

Koda꞉na꞉ wanda꞉hali paeyao titina꞉ haena꞉ I̱ta꞉ ota꞉ wetepe nane halopate Koda꞉ma꞉ta꞉ mo Diendaili wanda꞉hali pa꞉ta꞉ hande Pi Seliapo I̱ma꞉ walo ponoyeke I̱ pa꞉ta꞉ kia꞉me. Hande Pi Seliapo pa꞉ta꞉ta꞉ Ketiso ipika꞉ paelo pua꞉peke na ya꞉la꞉ hamoko hala꞉eki pila꞉me.

Luku 12:42

Koto leeke mo Tekehalima꞉ Pidana꞉ pi hombo peaaso alota꞉ Kima꞉ na homeke make ota꞉ epeke hone wotu u lenkene pu wia e poko halia꞉ halita꞉ epi ya꞉ka꞉ta꞉pe. Koto halita꞉ mo da teke halima꞉ta꞉ ipika꞉ da handeteke haena꞉yeke make mo ipika꞉ mandane e pokao haleme wanda꞉hali pa꞉ta꞉ ika꞉ ne no haleme di mia꞉ka꞉na꞉ta꞉ ika꞉ ne nena꞉ teli teli peao halieke leekeme.

1 Kotindi 4:7

Neketa꞉ wanda꞉hali ankulao tieke halena꞉ epima꞉ mea haena꞉ la꞉la꞉pe. Naka꞉ wia haleeki paeyaota꞉ Koda꞉ma꞉ na kia꞉pe. Koto pa꞉la꞉eki ya꞉ka꞉na꞉ta꞉ kota꞉ nakana꞉ma꞉ta꞉ ya kone poloma꞉ ala꞉ halima꞉ laata꞉ naka꞉ biki kone ekipeke mea a꞉meiyaasepe.

Luku 19:13

Poluekema꞉ hata꞉ ipikana꞉ma꞉ ipika꞉ e pokao haemeke kiki yaapo haliweki wi la꞉ meaata꞉ iki paeyao pa꞉ta꞉ 20 kina hale hale pea iki pa꞉ta꞉ alota꞉ I̱ polua꞉ hoki nane do kitolo manima꞉ bisinisi pea ikana꞉ma꞉ ekipa haka꞉ta꞉pao milimio laa e poka꞉pa꞉peke leekeme.

Luku 8:3

Kutupa mo Hetodina꞉ da handeteke hayeke ami you hali Tiusana꞉ weteke bikita꞉ Dioa꞉na make Susa꞉na make mandane wanda꞉wekima꞉ make yeekeme. Mo wanda꞉wekima꞉ ika꞉ mani manuta꞉ Yesu make ipika꞉ disaipolo haliweki tonka꞉na꞉ tamba꞉ mutia pomu hatiki pimikime.

2 Kotindi 6:1

Koto ekina꞉ nikana꞉ma꞉ Koda꞉ ame̱le̱ e pokaasoma꞉ tapake hata꞉ iki Koda꞉na꞉ a꞉ta꞉ma꞉ homa tamba꞉ mina꞉la꞉eki meleme wanda꞉hali pa꞉ta꞉ta꞉ do meleme hauta꞉ na hoeyaapa꞉peke laa honke aloma꞉me.

Loma꞉ 15:25

Kutu pulu polopateto ame dota꞉ mo Diutuseleme da nane haleme Koda꞉na꞉ wanda꞉hali tamba꞉ mulu pulume.

Ma꞉tiu 25:44

Kota꞉ mo tapakema꞉ ipika꞉ pi hombo peaasota꞉ dupa lelimikie. Tekehalio. Hando natena꞉ neke tea꞉ma꞉ homo o ikali na꞉na꞉ma꞉ homo o da ma꞉nda꞉ hali hao o aka꞉ dia꞉ yo o yeni hao o dipula pitu koto haumanu piki handaata꞉ nikana꞉ma꞉ neke na tamba꞉ muma꞉me laa lota꞉ pimika꞉na꞉

Ma꞉tiu 20:28

Pa ekipeke Wanda꞉halina꞉ Eiyeketa꞉ mo wanda꞉halima꞉ ipika꞉ e pokaena꞉ loluekema꞉ yeke na epeeke yekepate ipikana꞉ma꞉ pa ika꞉ e pokaaluekema꞉ make ipika꞉ da꞉ta꞉la꞉ ekima꞉ta꞉ iki wopuna꞉ hoke hauna꞉ yenki haluekema꞉ yeke epea꞉me leekeme.

2 Timodi 1:18

Mo hande Nate tieke opolo epea꞉ka꞉na꞉ta꞉ Koda꞉ ipika꞉ a꞉ta꞉ma꞉ homa꞉la꞉eki koto some pa꞉ta꞉ halena꞉e. Mo hande Epesese nane haoma꞉ toma꞉na꞉ Onesipotasima꞉ tamba꞉ mu hata꞉ pia꞉ hau paeyaota꞉ nakana꞉ma꞉ ota꞉ handeleme.

Ma꞉tiu 24:45

Hande hone wopu wia pi wopu opua epeke e poko hala꞉ someta꞉ epiyekea. Kutu piki halita꞉ mo e teke halima꞉ ipika꞉ e pokaaseme mandane haliweki handeteke hawaaso hata꞉ ika꞉ nemanu ota꞉ epeke tupa꞉ hala꞉tiki pina꞉ mea halieke.

Ma꞉tiu 24:14

Kutaata꞉ do Koda꞉na꞉ Kilu Tombuao Hala꞉ ekina꞉ Pi Seliapota꞉ kenke honiki honiki paeyao pa꞉ta꞉ haleme wanda꞉halima꞉ opina꞉ walo pelimikie. Ana꞉na꞉ walo paeyaalimi toma꞉na꞉ta꞉ kota꞉ mo paelo pa꞉la꞉ nate opolo ipilieke.

2 Kotindi 9:1

Mo Diudia da kenke pa꞉ta꞉ haleme Koda꞉na꞉ wanda꞉hali pa꞉ta꞉ tapaala꞉ tamba꞉ mina꞉la꞉ ekita꞉ iki pa꞉ta꞉ do laaso tameiya꞉ tapapeketa꞉ ti na pa꞉la꞉me.

Ma꞉tiu 24:21

Koto nate manuna꞉ ka꞉nda꞉ma꞉ homa꞉la꞉eki manuta꞉ ota꞉ hone matekeeki ipilieke. Amba꞉ hande Koda꞉ma꞉ ala꞉ta꞉ ala꞉ta꞉ kini pea wepia wina꞉ leeke dina꞉ kini pu mea a꞉pa ame do haloma꞉ dina꞉ make wanda꞉halima꞉ kutupiki ka꞉nda꞉ ma꞉nda꞉ ota꞉ na handemekeme. Wetepe koto hoki nane make kutu piki ka꞉nda꞉ma꞉ homa꞉la꞉eki ma꞉nda꞉ na ipilieke.

1 Pida 5:10

Koda꞉ma꞉ta꞉ pa a꞉ta꞉ma꞉ homa꞉la꞉ Tekehali hata꞉ iki Ketiso ame̱le̱ ta꞉ma꞉ni pea hamena꞉ ipika꞉ nate paeyao pa̱a̱ pu hala꞉eki muemena꞉yeke iki amba꞉ wi la꞉la꞉me. Kutupa iki pa꞉ta꞉ tanda peaasa꞉eki hosiki hao paeya꞉ka꞉na꞉ta꞉ Koda꞉ma꞉ kone wetepe iki epeaota꞉ ota꞉ honkopu hao da̱o̱la hamena꞉ lelieke.

1 Pida 5:12

Do doka꞉tiki tameiya꞉ta꞉ Silipanisi ya kame teke pa꞉ta꞉ ekima꞉ wape peaena꞉ wape pea pua꞉me. I̱ma꞉ iki sa꞉sa꞉ pealuekema꞉yeke ya ota꞉ pi alo hata꞉ mo la꞉tiki epolo pi paeyaota꞉ Koda꞉na꞉ ota꞉ a꞉ta꞉ma꞉ homa꞉la꞉ekie alome. Koto ekina꞉ta꞉ do a꞉ta꞉ma꞉ homa꞉la꞉ ekina꞉ da̱o̱la hao hapa꞉peke.

Ma꞉tiu 25:17

Koto mandake tupa꞉ kone mo 2 daoseni mieke e pokaasa꞉ halima꞉ koto manima꞉ e pokaata꞉ 2 daoseni ma꞉nda꞉ apa꞉tao wiekeme.