1 Pida 3:11 - Panake Pi La: Ula: Buka pita: Kine Pieke Buka

¹¹ Kutupa ipikana꞉ma꞉ hoke hau hoki wala epeke hau pina꞉e. Kutupa make a꞉nda꞉ peliaasa꞉ hau handa puluekema꞉ tolu weiyu haena꞉e.

1 Pida 3:11 Referans Kwoze

Ma꞉tiu 5:9

A꞉nda꞉ ape kakeneli homao hala꞉ wanda꞉halima꞉ta꞉ ta꞉na꞉ma꞉ homo halememe. Koto wanda꞉halita꞉ Koda꞉ma꞉ Ya wekiwandikie lelieke.

Hibulu 12:14

Wanda꞉hali paeyao ame̱le̱ a꞉nda꞉ pelia haluekema꞉ taapo hapa꞉peke. Kutaata꞉ ika꞉ halo pelemeeki tonka꞉na꞉ yako peao haluekema꞉ taapo hapa꞉peke. Pa ekipeke. Koto hau na piki wanda꞉hali homeke a꞉nda꞉ma꞉ta꞉ mo Tekehali ota꞉ na handilimikie.

Loma꞉ 14:19

Koto pa꞉la꞉ ekina꞉ nikana꞉ma꞉ta꞉ a꞉nda꞉ pelia pata꞉ pea halo poloma꞉eki make nika꞉ nika꞉ kone honkopu hatia alualu pea halo poloma꞉eki koto hau manuta꞉ ota꞉ pumana꞉e.

Kolosi 3:15

Kutupa Ketisoma꞉ kita꞉la꞉ puki lopa꞉niaasa꞉ ekima꞉ta꞉ ika꞉ wepilimi pimanu handeteke haena꞉ pita꞉la꞉me. Do puki lopa꞉niaasa꞉eki muemena꞉ yeke Koda꞉ma꞉ iki homeke loke apa꞉taemena꞉ wi la꞉la꞉me. Kutupa keiyae lo hapa꞉peke.

Loma꞉ 14:17

Mo hande Koda꞉ ipika꞉ Kilu Tombuao Hala꞉ ekita꞉ kota꞉ ne ikali nala꞉ ekima꞉ na pa꞉la꞉me. Mo hande Holi Sipitidima꞉ kita꞉la꞉eki manuta꞉ tikitiki yao hala꞉eki puki lopa꞉niaasa꞉eki ta꞉na꞉ma꞉ homa꞉la꞉eki koto ekimanu kita꞉la꞉ ekima꞉ pa꞉la꞉me.

Loma꞉ 12:18

Wanda꞉hali paeyao ame̱le̱ a꞉nda꞉ pelia hao haluekema꞉ mo koto hauna꞉ pota꞉manu handa꞉ uluekema꞉ honkopu hao weiya꞉pa꞉peke.

3 Dioni 1:11

Yaka yankekeo. Mo hokeeki na moka꞉la handeketa꞉ mo epekeeki homeke moka꞉la handa꞉peke. Ma꞉nda꞉ epima꞉ epekeeki pia꞉ka꞉na꞉ta꞉ ipikita꞉ Koda꞉na꞉ ekie. Ma꞉nda꞉ epima꞉ hokeeki pia꞉ka꞉na꞉ta꞉ ipikita꞉ Koda꞉ na handeke some hala꞉me.

Dia꞉mesi 4:17

Koto ekina꞉ hali epima꞉ tikitiki hau pea꞉pekeeki hone wia hata꞉ kone ota꞉ na pia꞉ka꞉na꞉ta꞉ koto halima꞉ta꞉ hoke hau pita꞉la꞉me.

Hibulu 13:16

Epeke hau pualu pu make tamba꞉ mualu pu pita꞉la꞉ hau yaapota꞉ hone na yonka꞉lapa꞉peke. Pa ekipeke. Do hau yaapoma꞉ta꞉ Koda꞉ ta꞉na꞉ma꞉ homaena꞉ pa hameke hala꞉la꞉ haue.

1 Timodi 6:18

Koto wanda꞉hali ikana꞉ma꞉ mandane wanda꞉hali pa꞉ta꞉ epeke hau pipe laata꞉ mo ika꞉ tamba꞉ mina꞉la꞉ hau piteme ekima꞉ hamoko hapa꞉peke laa lapeke. Ikana꞉ma꞉ epeke moke pita꞉la꞉ wanda꞉hali hata꞉ ika꞉ hamoko ale manuta꞉ mandane wanda꞉hali pa꞉ta꞉ pa teli pealuekema꞉ tikitiki yao hapa꞉peke lapeke.

Ka꞉leisia 6:10

Wanda꞉hali paeyao pa꞉ta꞉ epeke hau pia꞉peke ekina꞉ waleke a꞉nda꞉ opolo epea꞉ka꞉na꞉ta꞉ kota꞉ iki pa꞉ta꞉ epeke hau ota꞉ pia꞉peke ya꞉la꞉me. Kutu pia꞉peke yolo pa꞉la꞉pate mo nika꞉ Ketiso tapakena꞉ haleme wanda꞉hali pa꞉ta꞉ta꞉ hone ota꞉ wopu witolo hata꞉ tamba꞉ mea꞉tiki pea꞉peke ya꞉la꞉me.

Ka꞉leisia 5:22

Koto pa꞉la꞉pate mo Holi Sipitidima꞉ta꞉ epeke haumanu dupa peawaasa꞉me. Pukima꞉ homa꞉la꞉ hau make puki tukiki nane ota꞉ ta꞉na꞉ma꞉ homa꞉la꞉ hau make puki lopaasa꞉ hau make homu pea yu wia hala꞉ hau make a꞉ta꞉ma꞉ homolo epeke pita꞉la꞉ ekima꞉ ma꞉nda꞉ tamba꞉ mina꞉la꞉ hau make hone tulao hata꞉ e poka꞉la꞉ hau make

Loma꞉ 8:6

Ika꞉ hone witeleme ekita꞉ ika꞉ lokena꞉ hone pa꞉la꞉eki manuma꞉ handeteke hatiki pia꞉ka꞉na꞉ta꞉ kota꞉ homa꞉la꞉eki milimikie. Kutu pulu pelemepate ika꞉ hone witeleme ekita꞉ hande Sipitidima꞉ handeteke hatiki pia꞉ka꞉na꞉ta꞉ kota꞉ Koda꞉ma꞉ ika꞉ puki lopa꞉niawao iki da꞉taalieke.

Loma꞉ 7:21

Koto ekina꞉ I̱ pa꞉ta꞉ ula꞉ hau handa꞉ witolo ekita꞉ dupae. I̱ma꞉ta꞉ epekeeki puluekema꞉ hone pa꞉la꞉pate kone hoke hau pionoyeke yaka honema꞉ putiao hala꞉me.

Loma꞉ 5:1

Nika꞉ hone tulaaloma꞉ ekima꞉ Koda꞉ma꞉ nikita꞉ ipiki yaapo tikitiki hamono la꞉la꞉me. Kutu pa꞉leke handa Koda꞉ma꞉ nika꞉ puki lopao ipiki ame̱le̱ hamono la꞉la꞉me. Nika꞉ Tekehali Yesu Ketisoma꞉ pa꞉la꞉ ekina꞉ pa꞉la꞉me.

Dioni 17:15

I̱ma꞉ do honke alo ekita꞉ do haliweki kenke pa꞉ta꞉ na haena꞉ yoka꞉ muelena꞉ laa na loa꞉pateta꞉ hande Hoke Halima꞉ iki hoeyaama꞉na꞉ nakana꞉ma꞉ handeteke halena꞉yeke honke alome.

Ma꞉tiu 6:13

Ka꞉nda꞉piki ekima꞉ niki na la handa꞉peke. Kotoeki na pikita꞉ hoke Sadanima꞉ niki hoeyaama꞉na꞉ma꞉ nakana꞉ma꞉ niki epeke tupa꞉ handeteke hapeke laa yeni pea꞉pa꞉peke ya꞉la꞉me.

Ma꞉tiu 5:45

Kutu pimika꞉na꞉ta꞉ kota꞉ ikita꞉ ika꞉ hepeni hala꞉ Apa꞉na꞉ eiyeke tonu halimikie. Pa ekipeke. Ipikana꞉ma꞉ ipika꞉ natena꞉ pa̱a̱ta꞉ mo hoke wanda꞉hali epeke wanda꞉hali paeyao pa꞉ta꞉ mandake piki nate pa̱a̱ kone peaasa꞉me. Koto tupa꞉ kone mo epeke hau pu haleme wanda꞉hali hoke hau pu haleme wanda꞉hali pa꞉ta꞉ ipikana꞉ma꞉ lako iki paeyao mandake tupa꞉ kone ana꞉na꞉ halo hala꞉me.

Loma꞉ 7:19

Epekeeki puluekema꞉ I̱ma꞉ hone pa꞉la꞉pate na pu halome. Hokeeki puluekema꞉ I̱ma꞉ hone na pa꞉la꞉pate paa pu halome.

Luku 6:35

Dia꞉me. Ika꞉ a꞉nda꞉ tunkuliki wanda꞉hali pa꞉ta꞉ pukima꞉ homa iki pa꞉ta꞉ epeke hau homeke pu hapa꞉peke. Ikana꞉ma꞉ wanda꞉hali ma꞉nda꞉ pa꞉ta꞉ ala꞉ta꞉ ma꞉nda꞉ tondiki halemeka꞉na꞉ta꞉ paa muluekema꞉ hone na u hapa꞉peke. Kutu pu haemeka꞉na꞉ta꞉ ika꞉ yenki aneke hapu meata꞉ oli Koda꞉ Manda Hala꞉ Tiekena꞉ eiyeke titi halimikie. Ekipeke Koda꞉ma꞉ta꞉ mo ipika꞉ epeke haumanu pita꞉la꞉ ekina꞉ ta꞉na꞉e pi na lo haleme wanda꞉hali make mo hoke haumanu wotu pu haleme wanda꞉hali pa꞉ta꞉ make epeke hau pu hala꞉me.

Luku 6:9

Kutu pieketa꞉ Yesuma꞉ mo wanda꞉hali pa꞉ta꞉ alota꞉ I̱ma꞉ iki pa꞉ta꞉ lota꞉ pitolome. Mo Hoto Pila꞉ Natena꞉ nika꞉ Lo Pi ula꞉ ekima꞉ta꞉ eki pea꞉pa꞉peke la la꞉la꞉pe. Pa tamba꞉ muluekema꞉ o hoeyaaluekema꞉ la꞉la꞉pe. Mo wanda꞉halina꞉ hala꞉eki tamba꞉ muluekema꞉pe o hoeyaaluekema꞉pe laa lota꞉ piekeme.

Luku 1:79

Kutupata꞉ mo homa꞉la꞉ ekina꞉ paala꞉ma꞉ homolo hata꞉ timba꞉ la꞉pa pa꞉la꞉ ekina꞉ tu̱ pa꞉ta꞉ haleme wanda꞉hali pa꞉ta꞉ make Koda꞉ma꞉ oli ya nane hata꞉ pa̱a̱ peanialieke. Nikita꞉ mo puki lopa꞉niao pula꞉ pota꞉na꞉ pomonoyeke ipikana꞉ma꞉ nika꞉ pota꞉ walolo hata꞉ do haumanu pilieke laa leekeme.

Maka 14:7

Natehali wanda꞉halita꞉ nate paeyao iki ame̱le̱ hao halimikie. Kutupa ika꞉ hone pa꞉la꞉ natena꞉ epeke haumanu iki pa꞉ta꞉ pea꞉peke ya꞉la꞉pate I̱ta꞉ iki ame̱le̱ hoto paeyao na hao halueke.

1 Pida 3:12

Pa ekipeke mo Tekehalima꞉ta꞉ mo epeke hau pu haleme wanda꞉hali handeteke hata꞉ ika꞉ yeni pu halemeeki hoto paeyao opu hala꞉me. Kutu pu hala꞉pate mo hoke hau pu haleme wanda꞉hali pa꞉ta꞉ta꞉ hoki wala a꞉nda꞉ lia hao hala꞉me.