1 Pida 2:10 - Panake Pi La: Ula: Buka pita: Kine Pieke Buka

¹⁰ Amba꞉ta꞉ iki Koda꞉na꞉ wanda꞉hali na haemepate ameta꞉ ipika꞉eki halememe. Amba꞉ta꞉ iki Koda꞉na꞉ a꞉ta꞉ma꞉ homa꞉la꞉ hau hone na wimipate ameta꞉ ipika꞉ a꞉ta꞉ma꞉ homa꞉la꞉ hau a꞉pa꞉leke melememe.

1 Pida 2:10 Referans Kwoze

Hibulu 4:16

Nika꞉ ka꞉nda꞉ma꞉ homa꞉la꞉ natemanu epea꞉ka꞉na꞉ ipika꞉ a꞉ta꞉ma꞉ homa tamba꞉ mina꞉la꞉eki kia꞉ka꞉na꞉ muluekema꞉ aela꞉ bao hata꞉ mo pa hameke a꞉ta꞉ma꞉ homo hala꞉ Koda꞉ teke pa꞉ta꞉ pomana꞉e.

1 Timodi 1:13

Amba꞉ta꞉ I̱ma꞉ ota꞉ Ketisona꞉ biki hoke pi pi alo hata꞉ make ipika꞉ wanda꞉hali ka꞉nda꞉ma꞉ homa꞉ tiao make iki tekipuleke laasa꞉ hali haowa꞉me. Kutu pua꞉ ekita꞉ I̱ma꞉ Ketiso pa꞉ta꞉ hone na tulao make mo pua꞉ ekina꞉ teketa꞉ hone wopu na wiki hata꞉ pueke handaa Koda꞉ma꞉ I̱ pa꞉ta꞉ a꞉ta꞉ma꞉ homeekeme.

Loma꞉ 10:19

I̱ma꞉ paa lota꞉ pitolo ekita꞉ dupa. Isulai wanda꞉halima꞉ta꞉ hande pita꞉ hone na wimikipe. Dia꞉me. Ikana꞉ma꞉ opua kone halememe. Mosesima꞉ta꞉ Koda꞉na꞉ pi lawaaso hata꞉ ipikana꞉ma꞉ amba꞉la pi alo alota꞉ I̱ma꞉ta꞉ pa ika꞉ ta꞉ta꞉ pea hao haleme wanda꞉hali ota꞉ tapake tieke na haleme wanda꞉hali kone mea haena꞉ loa꞉ka꞉na꞉ta꞉ ikana꞉ma꞉ hoke hone witolo hata꞉ I̱ma꞉ pitolo ekina꞉ sokulama꞉ homilimikie. Kutupa mo hone wopu na witeleme wanda꞉hali I̱ma꞉ mea haena꞉ loa꞉ka꞉na꞉ta꞉ ikana꞉ma꞉ kutu pitolo ekina꞉ mineke pankelimikie laa wape pa꞉la꞉me.

1 Kotindi 7:25

Hande wanda꞉ na miki o hali na peke weki wandiki pa꞉ta꞉ honke leme ekita꞉ mo Tekehalima꞉ dupa꞉pe ala꞉ pi dia꞉ya꞉la꞉pate pa mo I̱ma꞉ hone witoloeki kone alome. Kutupa Koda꞉ma꞉ I̱ pa꞉ta꞉ a꞉ta꞉ma꞉ homa꞉la꞉ ekina꞉ yeke ikana꞉ma꞉ I̱ma꞉ alo ekina꞉ hone tulaapeke ya꞉la꞉me loa꞉me.

Loma꞉ 11:30

Amba꞉ta꞉ Diendaili wanda꞉hali ikana꞉ma꞉ta꞉ Koda꞉na꞉ pi na opu haemekepate ameta꞉ Diu wanda꞉halima꞉ Koda꞉na꞉ pi na opueleme ekina꞉ Koda꞉na꞉ a꞉ta꞉ma꞉ homa꞉la꞉eki ikana꞉ma꞉ melememe.