1 Pida 1:13 - Panake Pi La: Ula: Buka pita: Kine Pieke Buka

¹³ Ika꞉ honema꞉ pea꞉peke hau hone hone u hapa꞉peke. Kutupa leke leke lo hapa꞉peke. Yesu Ketiso opolo epea꞉ka꞉na꞉ta꞉ iki pa꞉ta꞉ a꞉ta꞉ma꞉ homa tamba꞉ mina꞉la꞉eki kilieke. Kotoeki homekena꞉ ika꞉ hone ti lao hao hapa꞉peke.

1 Pida 1:13 Referans Kwoze

1 Pida 5:8

Leke leke lo hata꞉ a꞉nda꞉ ipula꞉eki handoemena꞉ pota꞉ pua tunkulu hapa꞉peke. Ika꞉ a꞉nda꞉ tunkiliki hali Sadanima꞉ mo sayale hali ma꞉na꞉ tiekema꞉ handa wanda꞉hali lia noluekema꞉ wei mea pomu hala꞉me.

Luku 12:35

Ikana꞉ma꞉ta꞉ mo e pokaasa꞉ haliweki tupa꞉ hata꞉ta꞉ ika꞉ you halita꞉ hali ma꞉nda꞉ma꞉ wanda꞉ panake mea ne pamba꞉la꞉ ekina꞉ pa꞉leke handaa paa epena꞉ yu wia haleme tupa꞉ ikana꞉ma꞉ta꞉ ika꞉ aka꞉manu wotu soto la꞉tia haena꞉ yama ika꞉ ola꞉pakemanu ka꞉watia hata꞉ta꞉ anemone ipilia꞉ ekimanu lekema꞉ lekema꞉ pitolo hata꞉ hao hapa꞉peke. Koto ekina꞉ta꞉ mo you halima꞉ a꞉pa pota꞉ lia꞉ka꞉na꞉ta꞉ kota꞉ koto kone lombilimikie.

1 Pida 4:7

Ala꞉ta꞉ ala꞉ta꞉ paeyaona꞉ paeyolo pa꞉la꞉ nateta꞉ nuna꞉ ya꞉la꞉me. Koda꞉ pa꞉ta꞉ yeni (ana꞉na꞉) puluekema꞉ leke leke lo hata꞉ ika꞉ hone wopu wia hapa꞉peke.

1 Pida 3:15

Koto pa꞉la꞉pate Ketiso pa꞉ta꞉ homu pea hata꞉ hone wopu witolo hata꞉ ipikita꞉ ika꞉ Tekehali haena꞉ lapa꞉peke. Kutupa ma꞉nda꞉ma꞉ ika꞉ hone ti lao haleme ekita꞉ ekipape la lota꞉ pia꞉ka꞉na꞉ta꞉ ikana꞉ma꞉ hombo pealuekema꞉ta꞉ tikitiki yao hapa꞉peke.

Hibulu 9:28

Koto tupa꞉ kone Ketisoma꞉ wanda꞉hali wopuna꞉ hoke hau yokawaluekema꞉ lia we hala꞉la꞉ hoteke tupa꞉ hoto homeke homekema꞉ homeekeme. Ipikana꞉ma꞉ hoto ma꞉nda꞉ opolo epolo pa꞉la꞉ ekita꞉ wanda꞉halina꞉ hoke hau yokawaluekema꞉ dia꞉ ya꞉la꞉pate pa mo ipiki epena꞉ yuwia haleme wanda꞉hali peteluekema꞉ homeke ipilieke.

1 Dioni 3:3

Pea꞉ epima꞉ Ketiso pa꞉ta꞉ dupiki hone puao haya꞉ka꞉na꞉ta꞉ kota꞉ koto somema꞉ mo Ketisota꞉ ala꞉ta꞉ ma꞉nda꞉ na ta̱lolo hata꞉ pa yako peaa hala꞉ tupa꞉ ipiki make ha̱i̱ peaama꞉na꞉ pa yako peatiki pu hala꞉me.

2 Timodi 4:8

Koto ekina꞉ mo tikitiki pea haeme wanda꞉halima꞉ ika꞉ lombei pimiki ekina꞉ mea꞉peke yenki tieketa꞉ I̱ma꞉ putupiliki miono yeke pa ula꞉me. Do koto ya lombei polo ekina꞉ yenkita꞉ mo Tekehali nika꞉ tikitiki teli peaasa꞉ halima꞉ mo epolo pa꞉la꞉ nate tiekena꞉ I̱ pa꞉ta꞉ kilieke. Koto yenkita꞉ I̱ pa꞉ta꞉ homeke na kulu pa꞉la꞉pate pa mo mandane ipiki peneme yaena꞉ yeke pukima꞉ homolo handeteke hao haleme wanda꞉hali pa꞉ta꞉ tonka꞉na꞉ halieke.

Epesese 6:14

Koto ekina꞉ tiao hata꞉ tikitiki yao hapa꞉peke. Ika꞉ hako yameleme ekita꞉ ota꞉ hau pita꞉la꞉eki yama꞉pa꞉peke. Ika꞉ hakoko a꞉mbaasa꞉ hanka꞉ta꞉ tikitiki hau pita꞉la꞉ ekima꞉ a꞉mbaapa꞉peke.

Luku 17:30

Mo Wanda꞉halina꞉ Eiyeke peneme yao walia꞉ natena꞉ta꞉ homeke tupa꞉ kone ipilieke.

Hibulu 10:35

Ika꞉ aela꞉ baasa꞉ hau na mina꞉pa꞉lapa꞉peke. Pa ekipeke. Ika꞉ koto epeke hauna꞉ epeke yenki tieke milimikie.

Hibulu 6:19

Do hone ti laloma꞉ ekina꞉ta꞉ nika꞉ temoko epeke tupa꞉ halo pa꞉la꞉ ekina꞉ da̱o̱la hasa꞉ ekina꞉ teke ula꞉me. Koto teketa꞉ mo hepeni nane yeni pu hala꞉ dana꞉ tupele dau tieke hoki nane ula꞉ yako piki da panda꞉ tukiki nane yopua ula꞉me.

Hibulu 3:6

Mosesita꞉ pa e pokaasa꞉ hali homeke hayekepate Ketisota꞉ Koda꞉na꞉ eiyeke yaalo hata꞉ Koda꞉na꞉ wanda꞉hali ota꞉ epeke tupa꞉ handeteke hala꞉me. Koto handeteke hala꞉ wanda꞉halita꞉ nikie. Nikana꞉ma꞉ a꞉nda꞉ nika꞉ Tekehalima꞉ ota꞉ pealieke hone wita꞉la꞉eki pita꞉ aela꞉ baasa꞉ hau yaapo a꞉nda꞉ ota꞉ wopu miniki haoma꞉ka꞉na꞉ alome.

2 Timodi 4:5

Kutu pina꞉ kone neke pa꞉ta꞉ ekipiki haumanu epena꞉ kone kota꞉ koto ekima꞉ neke hoeyaama꞉na꞉ naka꞉ hone lu tombua tombua pitolo hata꞉ hapeke. Ka꞉nda꞉manu epena꞉ kone da̱o̱la hata꞉ka꞉na꞉ mo Pi Seliapo wala꞉la꞉ hali hata꞉ e poko hapeke. Kutupa neketa꞉ Koda꞉na꞉ e pokaasa꞉ hali hata꞉ naka꞉ ka꞉la꞉ e poko hapeke.

1 Kotindi 13:13

Kutu pulu pa꞉la꞉ natemanu epena꞉ yu wia hata꞉ ame do hande hau tepota꞉ pa pu hapeke ya꞉la꞉me. Dupa. Hone tulaasa꞉eki make ta꞉na꞉ma꞉ homa Koda꞉ pa꞉ta꞉ handeteke hala꞉eki make pukima꞉ homa꞉la꞉eki make do hau tepota꞉ pa pu hapeke ya꞉la꞉pate ota꞉ titina꞉ tumiki hau homeketa꞉ pukima꞉ homa꞉la꞉ekie.

Loma꞉ 13:13

Nikita꞉ natena꞉ pominoloma꞉ wanda꞉hali leke hata꞉ta꞉ popeke pa꞉la꞉ haumanu pumana꞉e. Hoke ikali naa keaaso hata꞉ yaala꞉ma꞉ na homeke haumanu make suseke haasa꞉ hau pamba na piki haumanu make a꞉nda꞉ pita꞉la꞉eki honditi pita꞉la꞉eki make kutupiki haumanu ikana꞉ma꞉ pea꞉peke na ya꞉la꞉me.

2 Desalonaika 1:7

Kutupa iki niki paeyaona꞉ ka꞉nda꞉ pa꞉la꞉eki ipikana꞉ma꞉ yoka꞉ mea baalieke. Koda꞉ma꞉ kutu piki hauta꞉ Tekehali Yesu ipika꞉ honkopu tieke haasa꞉ enisolomanu tonka꞉na꞉ hepeni mina꞉pa꞉lao opolo epemeka꞉na꞉ kutu pilieke.

Luku 17:8

Dia꞉me. Kotoeki na leketa꞉ nakana꞉ma꞉ta꞉ dupa lo haleme. Yaka ne ambi wamo peaota꞉ ne pana꞉ puluekema꞉ yamo hala꞉ aka꞉ mea pambaota꞉ yaka ne ikali nono yu wia pitaata꞉ wetepena꞉ta꞉ naka꞉ ne nelipikie lo haleme leekeme.

Loma꞉ 8:19

Koda꞉ma꞉ wepia wina꞉ la꞉la꞉ alemanu paeyaoma꞉ta꞉ Koda꞉ma꞉ ipika꞉ eiyeketiti halemeeki peneme yao walena꞉yeke ta꞉na꞉ma꞉ homa hata꞉ leke wia handeteke hao halememe.

Kolosi 3:4

Ika꞉ ota꞉ da꞉ta꞉la꞉ ekita꞉ Ketiso yaalo ipiki opolo epea꞉ka꞉na꞉ta꞉ kota꞉ iki make ipiki ame̱le̱ mandakena꞉ opolo a꞉pa ipika꞉ pa̱a̱ pa꞉la꞉eki telipilimikie.

1 Pida 1:10

Mo pa꞉ta꞉ la꞉la꞉ ekina꞉ hone uluekema꞉ amba꞉ Koda꞉na꞉ pi la꞉ mea halao hayeke potopede haliwekima꞉ ekipape alo hata꞉ weiyu haemekeme. Kutupa Koda꞉ma꞉ iki pa꞉ta꞉ do pa hameke kulu pieke ekina꞉ mo potopede haliwekima꞉ la꞉ wimikime.

1 Pida 5:12

Do doka꞉tiki tameiya꞉ta꞉ Silipanisi ya kame teke pa꞉ta꞉ ekima꞉ wape peaena꞉ wape pea pua꞉me. I̱ma꞉ iki sa꞉sa꞉ pealuekema꞉yeke ya ota꞉ pi alo hata꞉ mo la꞉tiki epolo pi paeyaota꞉ Koda꞉na꞉ ota꞉ a꞉ta꞉ma꞉ homa꞉la꞉ekie alome. Koto ekina꞉ta꞉ do a꞉ta꞉ma꞉ homa꞉la꞉ ekina꞉ da̱o̱la hao hapa꞉peke.

Ma꞉tiu 20:4

Kota꞉ ipikana꞉ma꞉ koto haliweki pa꞉ta꞉ alota꞉ Ikana꞉ma꞉ ya e pua pokaemeka꞉na꞉ta꞉ I̱ma꞉ iki pa꞉ta꞉ yenki ota꞉ ana꞉na꞉ kone kulueke leekeme.