1 Kotindi 5:4 - Panake Pi La: Ula: Buka pita: Kine Pieke Buka

⁴ Iki mombela hamina꞉ I̱ make ya temoko kone iki ame̱le̱ hamina꞉ laata꞉ mo Tekehali Yesuna꞉ wele pita꞉la꞉eki niki paeyao pa꞉ta꞉ ta̱lolo haena꞉ta꞉ nikana꞉ma꞉

1 Kotindi 5:4 Referans Kwoze

Kolosi 3:17

Ika꞉ piteleme haumanu make aleme pimanu make paeyaota꞉ mo Tekehali Yesuna꞉ bikina꞉ pitolo hata꞉ ipiki pa꞉ta꞉ yama꞉ Apa꞉ Koda꞉ pa꞉ta꞉ keiyae pi lo hapa꞉peke.

2 Kotindi 13:3

Mo Ketisoma꞉ I̱ pa꞉ta꞉ yama꞉ lo hala꞉me ekina꞉ peneme yaasa꞉ ekita꞉ ikana꞉ma꞉ ota꞉ ana꞉na꞉ wia halimikie. Ipikana꞉ma꞉ iki pa꞉ta꞉ hau ma꞉nda꞉ pia꞉ka꞉na꞉ta꞉ ipikita꞉ damako na pa꞉la꞉me. Kotoeki na pikita꞉ ipikana꞉ma꞉ iki tukiki pa꞉ta꞉manu ipika꞉ honkopu walo hala꞉me.

Dioni 20:23

Ikana꞉ma꞉ mandane wanda꞉halina꞉ hoke hau peleme ekimanu Koda꞉ma꞉ pa paeyaala꞉me lemeka꞉na꞉ta꞉ kota꞉ ota꞉ pa paeyaalieke. Kutupa make mandane wanda꞉halina꞉ hoke hau peleme ekimanu Koda꞉ma꞉ pa na paeyaala꞉me laa lemeka꞉na꞉ta꞉ kota꞉ na paeyaake paa wilieke la leekeme.

2 Desalonaika 3:6

Kametonuo. Tekehali Yesu Ketisona꞉ bikina꞉ dupa꞉pe aloma꞉me. Mo nikana꞉ma꞉ loma꞉ mana꞉ pimanu opua na piki soka꞉la꞉ pambeke kametiti pa꞉ta꞉ apa꞉tao na hake ta꞉ta꞉ hapa꞉peke.

Ma꞉tiu 16:19

I̱ma꞉ neke pa꞉ta꞉ mo hepenina꞉ Kilu Tombuao Hala꞉ ekina꞉ pota꞉ kakena꞉ kimanu kulueke. Koto ekina꞉ do kenke nane hata꞉ nakana꞉ma꞉ hau ma꞉nda꞉ a꞉nda꞉ pa꞉ta꞉ pi wika꞉na꞉ta꞉ kota꞉ koto hauna꞉ pi wita꞉la꞉eki kone oli hepeni nane make pi wilieke. Kutupa do kenke nane hata꞉ nakana꞉ma꞉ mandane haumanu pa mone pina꞉ paeka꞉na꞉ta꞉ kota꞉ koto pina꞉ pasa꞉ hau kone oli hepeni nane make pa pina꞉ palieke leekeme.

Epesese 5:20

Tekehali Yesu Ketisona꞉ bikina꞉ ala꞉ta꞉ ala꞉ta꞉ paeyao kita꞉la꞉ ekina꞉ hoto paeyao nika꞉ Apa꞉ Koda꞉ pa꞉ta꞉ keiyae pi la꞉tiki pea꞉pa꞉peke.

2 Kotindi 13:10

Koto ekina꞉ yeketa꞉ I̱ma꞉ papate hata꞉ doeki laasome. Pa ekipeke I̱ opolo epoa꞉ka꞉na꞉ta꞉ mo Koda꞉ma꞉ I̱ ka꞉la꞉ honkopu pita꞉ hata꞉ iki tandapiki tupa꞉ na a꞉pa lolo polo tupa꞉ loa꞉me. Do honkoputa꞉ iki mea londa꞉laalo polo tupa꞉ dia꞉ya꞉la꞉pate iki mea daeyaluekema꞉ yeke loa꞉me.

Aposolo 16:18

Kutupa nate paeyao kutu pia꞉tiki pu haya꞉pate Poloma꞉ ipika꞉ pukima꞉ ka꞉nda꞉ma꞉ homolo hata꞉ la꞉ka꞉la mo temoko pa꞉ta꞉ alota꞉ Yesu Ketisona꞉ bikina꞉ neke pa꞉ta꞉ aloma꞉ mo wandiki mina꞉pa꞉lao opolu bao yopuma lea꞉me. Kutupa koto kone opolu baeya꞉me.

Aposolo 3:6

Pidama꞉ alota꞉ I̱ta꞉ kolo o silipamanu make ma꞉nda꞉ dia꞉ya꞉la꞉pate I̱ma꞉ wia halo aleta꞉ kionoe. Mo Na꞉sa꞉tete hali Yesu Ketisona꞉ bikina꞉ loa꞉ma꞉ pota꞉ pue leekeme.

Ma꞉tiu 28:20

Kutaa make hande I̱ma꞉ iki pa꞉ta꞉ la kua꞉ pimanu paeyaota꞉ mo wanda꞉halima꞉ miniki hata꞉ tolu haena꞉ iki pa꞉ta꞉ wala꞉tiki pu hapa꞉peke. I̱ta꞉ mo paelo pa꞉la꞉ nate epea꞉ka꞉na꞉ kia꞉ naluekema꞉ iki ame̱le̱ nate paeyao mandake hao halumeke leekeme.

Ma꞉tiu 28:18

Yesuma꞉ teke pa꞉ta꞉ opolo ipulu iki pa꞉ta꞉ alota꞉ Mo hepeni handeteke hapeke wele make do kenke handeteke hapeke wele make Koda꞉ma꞉ I̱ pa꞉ta꞉ ka꞉la꞉me.

Ma꞉tiu 18:20

Pa ekipeke wanda꞉hali yaapo o tepoma꞉ ale ma꞉nda꞉ pa꞉ta꞉ yaka bikina꞉ mombelemeka꞉na꞉ta꞉ kota꞉ I̱ma꞉ koto pa꞉ta꞉ iki ame̱le̱ mandake halueke leekeme.

Aposolo 4:30

Wanda꞉halina꞉ yenimanu tande laluekema꞉ naka꞉ kiki tindipao hata꞉ka꞉na꞉ wele pita꞉la꞉ ekimanu make na hando haloma꞉ ekimanu make naka꞉ yakopiki E Pokaasa꞉ Hali Yesu ipika꞉ bikina꞉ pina꞉ lapeke laa lemekeme.

2 Kotindi 2:6

Iki wopuma꞉ hande some dupiki tupa꞉ panisi peaeme ekita꞉ ana꞉e.