1 Dioni 4:11 - Panake Pi La: Ula: Buka pita: Kine Pieke Buka

¹¹ Yaka ta꞉ma꞉ni tonuo. Koda꞉ma꞉ nikita꞉ koto tupa꞉ pukima꞉ homo haya꞉ka꞉na꞉ta꞉ kota꞉ nikana꞉ma꞉ make ma꞉nda꞉ ma꞉nda꞉ pa꞉ta꞉ pukima꞉ homa꞉ alualu pu hapa꞉peke aleo.

1 Dioni 4:11 Referans Kwoze

Kolosi 3:13

Ma꞉nda꞉ ma꞉nda꞉ pa꞉ta꞉ homu pu alualu peaata꞉ iki tukiki pa꞉ta꞉ pi yokaalu pita꞉la꞉eki wia꞉ka꞉na꞉ta꞉ pa paeya alualu pia꞉pa꞉peke. Koda꞉ma꞉ ika꞉ hoke hau pa paeyawala꞉ tupa꞉ ikana꞉ma꞉ make ika꞉ ika꞉ kone pa paeya alualu pia꞉pa꞉peke.

Dioni 13:34

Ameta꞉ I̱ma꞉ iki pa꞉ta꞉ panake pi ula꞉eki la꞉ wiaasome dupa. Ika꞉ kone pukima꞉ homaalu alu pea hapa꞉peke. I̱ma꞉ iki pa꞉ta꞉ pukima꞉ homao tupa꞉ ikana꞉ma꞉ make pukima꞉ homaalu alu pea꞉pa꞉peke laa

1 Dioni 3:23

Kutupa ipikana꞉ma꞉ mo niki pa꞉ta꞉ pipee ala꞉ ekita꞉ dupa. Nikana꞉ma꞉ ipika꞉ Eiyeke Yesu Ketiso pa꞉ta꞉ hone tulao hata꞉ make pa mo hande Yesuma꞉ leeke tupa꞉ kone niki ame̱le̱ pukima꞉ homa꞉ alualu pu hapa꞉peke.

Luku 10:37

Hande Lo Pi walo hayeke halima꞉ Yesuna꞉ pi hombo peaaso alota꞉ Hande a꞉ta꞉ma꞉ homeeke halie laa leekeme. Koto leeke Yesuma꞉ ipiki pa꞉ta꞉ alota꞉ Kota꞉ nakana꞉ma꞉ make kutu piki hau pu hapeke laa leekeme.

Epesese 4:31

Ikana꞉ma꞉ honema꞉ yawa꞉la꞉eki make titipu pikieki kuta kone a꞉mina꞉la꞉eki make mineke panka꞉la꞉eki make tandapiki pi alemeeki make pi la la pitelemeeki make do hande hoke hone witeleme ekimanu paeyo baota꞉

1 Dioni 2:7

Yaka pukipiki yankeke tonuo. Iki pa꞉ta꞉ I̱ma꞉ do laaso pi ula꞉ ekita꞉ panakeeki dia꞉me. Mo kini pitolo hata꞉ hande amba꞉ wia haeme pi ula꞉eki konee. Koto amba꞉ pi ula꞉ ekita꞉ ika꞉ amba꞉ hande opeleme ekimanue.

1 Dioni 3:11

Ikana꞉ma꞉ mo hande kini pitolo hata꞉ titina꞉ opimi pita꞉ doe. Nikana꞉ma꞉ta꞉ ma꞉nda꞉ ma꞉nda꞉ pa꞉ta꞉ pukima꞉ homa꞉ alualu pu hapa꞉peke ya꞉la꞉me.

1 Dioni 4:7

Yaka ta꞉ma꞉ni tonuo. Nikana꞉ma꞉ta꞉ ma꞉nda꞉ ma꞉nda꞉ pa꞉ta꞉ pukima꞉ homa꞉ alualu pu hamana꞉e. Pa ekipeke mo pukima꞉ homa꞉la꞉ hauna꞉ teketa꞉ Koda꞉e. Ma꞉nda꞉ epima꞉ pukima꞉ homea꞉ka꞉na꞉ta꞉ ipikita꞉ Koda꞉na꞉ eiyeke hala꞉ make Koda꞉ handa꞉la꞉me.

2 Dioni 1:5

Koto ekina꞉ mo wanda꞉o niki paeyaoma꞉ pukima꞉ homa꞉ alu alu pumana꞉e laa alome. Do wape laaso hata꞉ neke pa꞉ta꞉ alo pita꞉ panake pi ula꞉eki dia꞉ya꞉la꞉pate hande amba꞉ titina꞉ kini pitolo hata꞉ wia haloma꞉ pi ula꞉eki konee.