1 Dioni 2:4 - Panake Pi La: Ula: Buka pita: Kine Pieke Buka

⁴ Pate ma꞉nda꞉ma꞉ alo hata꞉ alota꞉ I̱ma꞉ta꞉ ipiki handolota alo kone ipika꞉ pi ula꞉ ekimanu na opua pia꞉ka꞉na꞉ta꞉ kota꞉ kutu pita꞉la꞉ someta꞉ yayapiki pi ala꞉ some make mo ota꞉ pi ala꞉ ekita꞉ ipiki pa꞉ta꞉ na ula꞉me.

1 Dioni 2:4 Referans Kwoze

1 Dioni 1:6

Kota꞉ koto ya꞉ka꞉na꞉ta꞉ nikana꞉ma꞉ alota꞉ Ipiki ame̱le̱ homeke hone uluma꞉me la alo hata꞉ pa homeke dina꞉ kone timba꞉ ala꞉eki pa꞉ta꞉ haoma꞉ka꞉na꞉ta꞉ nikana꞉ma꞉ta꞉ mo nika꞉ pi aloma꞉ ekita꞉ makeaasa꞉ hau pitoloma꞉ make yayapikieki pitoloma꞉me.

Taitasi 1:16

Ika꞉ pima꞉ Koda꞉ta꞉ handoloma꞉me laa lo halemepate pa ika꞉ piteleme hau manuma꞉ta꞉ Koda꞉ na handelemeeki peneme yao hala꞉me. Kota꞉ wanda꞉halima꞉ta꞉ honditi honditi wopu pu make pi na opu epeke haumanu pea꞉pa꞉peketa꞉ iki ana꞉ na pa꞉la꞉me.

1 Dioni 1:8

Nikana꞉ma꞉ alo hata꞉ Nikita꞉ hokeeki na ula꞉me loma꞉ka꞉na꞉ta꞉ kota꞉ nikana꞉ma꞉ta꞉ nika꞉ kone makeaasoma꞉me. Kutupa niki pa꞉ta꞉ta꞉ ota꞉eki na ula꞉me.

1 Dioni 4:20

Kota꞉ ma꞉nda꞉ epima꞉ Koda꞉ pa꞉ta꞉ pukima꞉ homolome alo hata꞉ kone ipika꞉ kame honditi pia꞉ka꞉na꞉ta꞉ kota꞉ ipikita꞉ yayapiki pi ala꞉ somee. Pa ekipeke mo ipika꞉ lekema꞉ handa꞉la꞉ kameta꞉ pukima꞉ na homolo haya꞉ka꞉na꞉ta꞉ kota꞉ mo ipika꞉ lekema꞉ na handa꞉la꞉ Koda꞉ pa꞉ta꞉ make pukima꞉ homa꞉peke na ya꞉la꞉me.

1 Dioni 2:9

Ma꞉nda꞉ epima꞉ ipikita꞉ mo pa̱a̱ pa꞉la꞉eki pa꞉ta꞉ halome alo kone ipika꞉ kame honditi pia꞉ka꞉na꞉ta꞉ kota꞉ ipikita꞉ ame do make timba꞉ leke pa꞉ta꞉ ha pelia hala꞉me.

1 Dioni 1:10

Kota꞉ a꞉nda꞉ nikana꞉ma꞉ alo hata꞉ Nikita꞉ hoke hau na poloma꞉me la loma꞉ka꞉na꞉ta꞉ nikana꞉ma꞉ Koda꞉ta꞉ yayapiki pi lo hala꞉ hali au laasoma꞉me. Kutupa ipika꞉ pita꞉ niki pa꞉ta꞉ na ula꞉me.

Dioni 8:44

Ikita꞉ ika꞉ apa꞉ Sadanina꞉ eiyeke titi halememe. Koto peleme ekina꞉ ika꞉ apa꞉na꞉ hone pa꞉la꞉ ekimanu puluekema꞉ pitelememe. Titi panake pa꞉ta꞉ kone ipikita꞉ hali lita꞉la꞉ hali hayekeme. Ipiki pa꞉ta꞉ ota꞉ hau pita꞉la꞉eki ma꞉nda꞉ na ula꞉ ekina꞉ ipikana꞉ma꞉ ota꞉ hau pea꞉peke na ya꞉la꞉me. Yayapiki pi lea꞉ka꞉na꞉ta꞉ ipika꞉ pita꞉la꞉eki kone ala꞉me. Ipikana꞉ma꞉ yayapiki pi lo hala꞉ ekina꞉ make ipikita꞉ yayapiki pi ala꞉ teke hali hala꞉ ekina꞉ make loa꞉me.

Taitasi 1:10

Haliweki wopuma꞉ ota꞉ pi kiaaso hata꞉ mo ika꞉ pa hameke pi manuma꞉ mandane wanda꞉hali makeao halememe. Kutupiki pi lo haleme mandane haliwekita꞉ mo pa sekemesaisi pu haleme Diu tapake haemeke tapakema꞉ kone lo halememe.

1 Dioni 2:3

Kutupa nikana꞉ma꞉ Koda꞉na꞉ pi ula꞉ ekimanu opua puma꞉ka꞉na꞉ta꞉ kota꞉ ipiki handoloma꞉me laa nika꞉ hone uluma꞉me.

1 Dioni 3:6

Koto ekina꞉ ma꞉nda꞉ epi Ketiso yaapo hone homeke wia ta꞉ma꞉ni pu haya꞉ka꞉na꞉ta꞉ kota꞉ koto someta꞉ hoke hau pa na pu hala꞉me. Pate ma꞉nda꞉ epita꞉ hoke hau pa putia pea꞉ka꞉na꞉ta꞉ kota꞉ koto someta꞉ Ketiso ota꞉ na handa꞉la꞉ make hone na ula꞉me.

1 Dioni 4:7

Yaka ta꞉ma꞉ni tonuo. Nikana꞉ma꞉ta꞉ ma꞉nda꞉ ma꞉nda꞉ pa꞉ta꞉ pukima꞉ homa꞉ alualu pu hamana꞉e. Pa ekipeke mo pukima꞉ homa꞉la꞉ hauna꞉ teketa꞉ Koda꞉e. Ma꞉nda꞉ epima꞉ pukima꞉ homea꞉ka꞉na꞉ta꞉ ipikita꞉ Koda꞉na꞉ eiyeke hala꞉ make Koda꞉ handa꞉la꞉me.