1 Dioni 2:1 - Panake Pi La: Ula: Buka pita: Kine Pieke Buka

¹ Yaka wekiwandiki ikana꞉ma꞉ hokeeki na pulu peleme tupa꞉ I̱ma꞉ doeki iki pa꞉ta꞉ laasome. Pate ma꞉nda꞉ epima꞉ hokeeki pia꞉ka꞉na꞉ta꞉ kota꞉ nika꞉ hau peaaso hata꞉ Apa꞉ pa꞉ta꞉ honke lawaasa꞉ some ma꞉nda꞉ hala꞉me. Ipikita꞉ tikitiki piki some Yesu Ketiso hala꞉me.

1 Dioni 2:1 Referans Kwoze

1 Timodi 2:5

Ipikita꞉ ota꞉ Koda꞉ homeke hala꞉me. Kutupa Koda꞉ pita꞉ wanda꞉hali nika꞉ ka꞉pa hali homeketa꞉ Ketiso Yesu hala꞉me.

Loma꞉ 8:34

Hali epima꞉ iki pa꞉ta꞉ alota꞉ Hoke yenki milimikie laa lapeke ya꞉la꞉pe. Dia꞉me. Ma꞉nda꞉ma꞉ koto pi lapeke na ya꞉la꞉me. Yesu Ketisota꞉ homeekepate Koda꞉ma꞉ ipiki paa mea tiao ipika꞉ popeke kikina꞉ pitina꞉ leekeme. Yesu Ketisoma꞉ta꞉ Koda꞉ pa꞉ta꞉ nika꞉ pi la꞉ mea halao hala꞉me.

Dioni 14:6

Yesuma꞉ ipika꞉ pi hombo peaaso alota꞉ I̱ta꞉ hande pota꞉e. I̱ ota꞉ekie laa I̱ta꞉ da꞉ta꞉la꞉ekie. Hali epima꞉ yaka Apa꞉ pa꞉ta꞉ polueke hone wia꞉ka꞉na꞉ta꞉ pota꞉ ma꞉nda꞉ dia꞉me. I̱ pa꞉ta꞉ homeke epena꞉e leekeme.

2 Kotindi 5:21

Ketiso pa꞉ta꞉ hoke hau ma꞉nda꞉ na wia꞉pate kone nika꞉ epeke hau peaaso hata꞉ Koda꞉ma꞉ ipikita꞉ nika꞉ hoke hau putupa꞉ mina꞉ leekeme. Pa ekipeke nikana꞉ma꞉ ipiki ame̱le̱ tunaasota꞉ mo Koda꞉na꞉ tikitiki pa꞉la꞉eki putu pomono yeke pa꞉la꞉me.

1 Dioni 4:4

Pate yaka wekiwandikio. Ikita꞉ Koda꞉na꞉ ekie. Kutupa mo makeaaso potopede manuta꞉ amba꞉ bepolalememe. Pa ekipeke mo iki pa꞉ta꞉ pila꞉ Sipitidita꞉ do kenkena꞉ wanda꞉hali tukiki pa꞉ta꞉ pila꞉ sipitidi tupa꞉ dia꞉me. Iki pa꞉ta꞉ pila꞉ Sipitidita꞉ wele wopu pikieki pileke loa꞉me.

1 Dioni 3:18

Yaka wekiwandikio. Nika꞉ pukima꞉ homoloma꞉ ekita꞉ kakema꞉ homeke o pima꞉ homeke lapeke na ya꞉la꞉me. Dia꞉me. Koto pukima꞉ homa꞉la꞉ ekima꞉ta꞉ pa mo ota꞉eki peneme yaena꞉ nika꞉ kikima꞉ pitolo hata꞉ homekee.

1 Dioni 3:7

Yaka wekiwandikio. Ma꞉nda꞉ma꞉ iki na makeaena꞉ lapa꞉peke. Ma꞉nda꞉ epima꞉ ota꞉ hau pia꞉ka꞉na꞉ta꞉ kota꞉ koto someta꞉ mo Ketiso pa꞉la꞉ tupa꞉ tikitiki piki some hala꞉me.

Dioni 8:11

Mo wanda꞉ma꞉ Yesuna꞉ pi hombo peaaso alota꞉ Tekehalio. Hali ma꞉nda꞉ dia꞉me leekeme. Yesuma꞉ alota꞉ Kota꞉ I̱ma꞉ make neke yaapo pi yokaalu na pulueke. Puaata꞉ wetepena꞉ hoke hau ma꞉nda꞉ na pea꞉peke leekeme.

Hibulu 9:24

Kota꞉ mo ota꞉eki manda꞉ meaaso hata꞉ haliwekima꞉ a꞉emeke Yako Piki Da pa꞉ta꞉ Ketiso na peekeme. Pate ipikita꞉ ota꞉ hepeni nane peekeme. Kutupa ameta꞉ Koda꞉na꞉ leke popelekena꞉ nikina꞉ hao hala꞉me.

1 Dioni 3:5

Ketiso opolo epeeke ekita꞉ nika꞉ hoke hau mea bawaluekema꞉ a꞉pa꞉la꞉me. Kutupa ipiki pa꞉ta꞉ta꞉ hokeeki ma꞉nda꞉ na ula꞉me laa hone wilimime.

Epesese 2:18

Ketisoma꞉ peaala꞉ ekima꞉ta꞉ Diu wanda꞉hali make Diendaili wanda꞉hali make niki paeyaoma꞉ta꞉ homeke Sipitidi meata꞉ Koda꞉ hala꞉ pa꞉ta꞉ pua꞉peke ya꞉la꞉me.

Dioni 6:27

Paeya꞉peke ne muluekema꞉ hone anepu na wiki pa u hapekeeki muluekema꞉ hone wotu wia꞉peke. Koto ekita꞉ da꞉ta꞉la꞉eki kone hoto paeyao pa u halieke. Apa꞉ Koda꞉ma꞉ Wanda꞉halina꞉ Eiyeke mea haena꞉ la꞉la꞉ ekina꞉ Eiyekema꞉ koto neta꞉ iki pa꞉ta꞉ mea kilieke.

1 Pida 3:18

Ketiso hone umana꞉e. Ipiki kone ikina꞉ homeekeme. Ipikana꞉ma꞉ hoke hau paeyao yoko luekema꞉ hoto homeke kone homeekeme. Niki Koda꞉ pa꞉ta꞉ hatuku poluekema꞉ mo epeke halima꞉ niki hoke wanda꞉halina꞉ anke teke mea homeekeme. Ipika꞉ loketa꞉ homena꞉ lemekepate ipika꞉ temokota꞉ (Koda꞉ma꞉) da꞉ta hao haena꞉ leekeme.

Epesese 4:26

Kutupa make mineke pankemeka꞉na꞉ta꞉ kota꞉ pa hoke hau pilimina꞉ yopu handeteke hapa꞉peke. Nate pambolo haena꞉ mineke panka꞉la꞉eki na pitina꞉ lapa꞉peke.

Ka꞉leisia 4:19

Ya wekiwandiki sunuo. Ikana꞉ma꞉ Ketisona꞉ hau muemena꞉yeke ama꞉ma꞉ weki taapolo pila꞉ tupa꞉ I̱ma꞉ iki paa taapolo hata꞉ tanda mua꞉tiki pulume.

Dioni 5:36

Kutu pia꞉pate yaka wekitisi hali ma꞉nda꞉ta꞉ Dionima꞉ I̱ pa꞉ta꞉ wekitisi hata꞉ la kia꞉ ekimanu wetepeaalo pa꞉la꞉eki kone hala꞉me. Yaka Apa꞉ma꞉ I̱ma꞉ pionoyeke walea꞉ e manuta꞉ pokolo hata꞉ pitoloeki manuma꞉ kone yaka Apa꞉ma꞉ I̱ tapaala꞉eki wanda꞉hali pa꞉ta꞉ peneme yao wala꞉la꞉me.

Luku 10:22

Yaka Apa꞉ma꞉ta꞉ ala꞉ta꞉ ala꞉ta꞉ paeyao sikita꞉ I̱ pa꞉ta꞉ ka꞉la꞉me. Mo Eiyeketa꞉ ma꞉nda꞉ma꞉ hone na ula꞉pate ipika꞉ Atekema꞉ homeke hone ula꞉me. Kutupa Ateketa꞉ ma꞉nda꞉ma꞉ hone na ula꞉pate ipika꞉ Eiyekema꞉ homeke hone ula꞉me. Kutupa make mo Eiyekema꞉ ipika꞉ hone pilia꞉ wanda꞉hali pa꞉ta꞉ta꞉ ipika꞉ Ateke walea꞉ka꞉na꞉ta꞉ kota꞉ ikana꞉ma꞉ homeke Ateke hone wilimikie leekeme.

1 Pida 2:22

Yesuma꞉ta꞉ hoke haumanu paeyao na piekeme. Kutupa ipika꞉ kake hambilikima꞉ yayapiki pi na leekeme. Wanda꞉hali paeyao ma꞉nda꞉ma꞉ a꞉nda꞉ ota꞉ na opimikime.

1 Kotindi 15:34

Ika꞉ hoke hau piteleme ekimanu mina꞉pa꞉lao ika꞉ hone tiki tiki yao epeke tupa꞉ paa hapa꞉peke. Iki pa꞉ta꞉ haleme mandane wanda꞉hali manuma꞉ta꞉ Koda꞉na꞉ hau na handelememe. Do alo ekina꞉ta꞉ yaala꞉ma꞉ homaamina꞉ alome.

Dioni 5:14

Wetepena꞉ mo tembolo da tukiki pa꞉ta꞉ Yesuma꞉ hande hali handa꞉ wia alota꞉ Handa꞉e. Ame neketa꞉ epeke loke haleme. Hoke hau paa na pea꞉peke. Neke pa꞉ta꞉ ka꞉nda꞉ma꞉ homa꞉la꞉ hau tieke a꞉paama꞉na꞉ loa꞉me leekeme.

Dia꞉mesi 1:27

Hoe ma꞉nda꞉ na piki ota꞉ Ketiso tikitiki hauta꞉ nika꞉ Apa꞉ Koda꞉ma꞉ta꞉ dupae ala꞉me. Pa haleme weki wandiki make kineke wanda꞉sunu make ika꞉ ka꞉nda꞉ma꞉ homelemeeki handaata꞉ tamba꞉ mina꞉la꞉eki mea꞉peke ya꞉la꞉me. Kutupa make mo kenke hauma꞉ na hoeyaena꞉ aloma꞉ ekina꞉ ala꞉me.

1 Dioni 5:21

Yaka wekiwandikio. Mo yayapiki koda꞉manu teke pa꞉ta꞉ na hapa꞉peke.

Dia꞉mesi 3:9

Nikana꞉ma꞉ nika꞉ kekekema꞉ nika꞉ Apa꞉ Tekehali pa꞉ta꞉ keiyae pi lo haloma꞉pate hande Koda꞉ma꞉ ipiki tupa꞉ haena꞉yeke wepia haena꞉ la꞉la꞉ wanda꞉hali pa꞉ta꞉ kone hoke pimanu lo haloma꞉me.

Loma꞉ 6:15

Koto ekina꞉ eki pumana꞉pe. Hande Lo Pi manuma꞉ dupa꞉pe laa wala꞉la꞉eki nika꞉ wenokona꞉ na wiki hande Koda꞉na꞉ pa a꞉ta꞉ma꞉ homa꞉la꞉eki homeke nika꞉ wenokona꞉ wina꞉ aloma꞉ ekina꞉ hoke hau pumana꞉pe. A꞉pa꞉e. Dia꞉me.

Dioni 13:33

Yaka weki wandikio. Iki ame̱le̱ halo poloma꞉pateta꞉ hosiki halueke. Kutupa ikana꞉ma꞉ I̱ weilimikipate pa amba꞉ mo Diu wanda꞉hali pa꞉ta꞉ loa꞉ ekita꞉ ameta꞉ iki pa꞉ta꞉ make alome. I̱ polue da naneta꞉ iki a꞉pa꞉peke na ya꞉la꞉me la leekeme.

1 Timodi 3:14

Neke pa꞉ta꞉ I̱ma꞉ do wape pitolo hata꞉ta꞉ neke a̱i̱ koto kone handolo ipulueke hone wia halopate

Dioni 21:5

Ipikana꞉ma꞉ iki pa꞉ta꞉ alota꞉ Weki tonuo. Ta꞉peli ma꞉nda꞉ mimipe leekeme. Ikana꞉ma꞉ ipika꞉ pi hombo peaaso alota꞉ Dia꞉me lemekeme.

Dioni 14:16

Kutupa I̱ma꞉ yaka Apa꞉ pa꞉ta꞉ honke loa꞉ka꞉na꞉ta꞉ ipikana꞉ma꞉ mo iki ame̱le̱ hao haena꞉ lelia꞉ mo Tamba꞉ Mu Halo Pa꞉la꞉ Hali kilieke. Ipikita꞉ mo ota꞉eki pu hala꞉ Epeke Temoko konee. Kenke wanda꞉halima꞉ta꞉ ipiki na handolo hata꞉ make hone na witolo hata꞉ make ipiki handa꞉ mea꞉peke na yolo pa꞉la꞉pate iki ame̱le̱ mandake hata꞉ iki tukiki pa꞉ta꞉ hala꞉ ekina꞉ta꞉ ipiki handelememe.

Aposolo 7:52

Ika꞉ apa꞉mei amedama꞉ta꞉ potopede hali homeke pa꞉ta꞉ kone tanda na halemekepe. Hande Koda꞉ ipika꞉ tikitiki yao hala꞉ e pokaasa꞉ Hali epolo piekeeki la haleeke haliwekita꞉ Koda꞉ma꞉ tapaeyeke haliweki kone ika꞉ apa꞉mei amedama꞉ limikime. Ame make ikana꞉ma꞉ koto Hali a꞉nda꞉ lomba limime.

Loma꞉ 5:10

Amba꞉ nikita꞉ Koda꞉ ipika꞉ a꞉nda꞉ tunkuliki wanda꞉hali haoma꞉pate ipika꞉ Eiyekena꞉ homeeke ekima꞉ nikita꞉ ipika꞉ yankekesunu hamono la꞉la꞉me. Ame nikita꞉ Koda꞉ ipika꞉ yankekesunu haloma꞉ ekina꞉ Ketiso ipika꞉ da꞉ta hala꞉ ekima꞉ Koda꞉ma꞉ niki wotu tamba꞉ milieke.

1 Dioni 5:17

Tikitiki na piki hau pita꞉la꞉eki paeyaota꞉ hoke haue. Pate mo homa꞉la꞉eki pa꞉ta꞉ na hatuku pula꞉ hoke hau make ula꞉me.

3 Dioni 1:4

Naka꞉ hoto paeyao mo hande ota꞉eki pa꞉ta꞉ hao hale tupa꞉ loa꞉me. Yaka weki wandikita꞉ mo ota꞉eki pa꞉ta꞉ halemeeki opitoloeki homekema꞉ I̱ta꞉ ta꞉na꞉ wopu peaasa꞉me.