ZAKHARIA 9:15 - Sura' Madatu

¹⁵ PUANGna mintu’ ma’dandan maritik la urrerungi tu tau iato mai, naurunganni mangampello’, ondongpi nalullu’ tu batu pelobang; la mangiru’ tu tau iato mai, namareko napobua’ uai anggoro’, sia la ponno rara tu tau iato mai susi pindan pa’pi’pikan sia susi tetuk inan pemalaran.

ZAKHARIA 9:15 Referans Kwoze

ZAKHARIA 12:6

Allo iato iatu mintu’ pangulu pa’rapuanna Yehuda la Kupasusi misa’ puaro lan lu alla’ kayu sia la Kupasusi misa’ sulo lan lu alla’ patuku; iamoto la napurai nakande tu mintu’ to sangpetayanan dio kananna sia dio kairinna tiku lao; apa iatu Yerusalem la tontong bendan dio inanna, iamotu dio Yerusalem.

ZAKHARIA 10:7

Attu iato iatu tau iato mai la susito lalong lu dio mai Efraim, sia la parannu tu penaanna susito napobua’ uai anggoro’; sia ia duka tu mintu’ anakna muane la untiroi, anna parannu sia sende paiman tu penaanna diona PUANG.

ZAKHARIA 12:8

Allo iato PUANG la urrerungi tu mintu’ to lan Yerusalem, naminda-minda tu titodo dio lu tau iato mai allo iato la susi Daud, na iatu bati’na Daud la susi Puang Matua, sia la sangtinti Malaeka’na PUANG dio tingayona tau iato mai.

ZAKHARIA 10:5

Sia iatu tau iato mai butung to lalong, tu ullese so’mak dio lu lalan lan kasirarian; ondongpi parari tu tau iatu mai, belanna Narondong PUANG, apa iatu mai to ussakei darang la kasirisan.

KATASSURAN 27:2

Sia iatu tandukna la mugaragai dio to a’pa’ tetukna sia la mupasikande mugaraga tu tandukna, ammu kallasa’i tambaga.

PA’PUDIAN 78:65

Attu iato malima’ka’mi tu Puang sangtinti to pana’ding, sia ten pa’barani napakapua uai anggoro’ tu penaanna.

SURA’ KATOMINAAN 4:25

La naoton to minaa tu rakka’na tama to’ rara suru’ pengkalossoran, anna raranni tu tanduk inan pemalaran dinii mantunu; iatu rara torronapa la nabolloan diong lette’ inan pemalaran dinii mantunu.

SURA’ KATOMINAAN 4:18

Sia iatu rara pira la nararan tu tanduk inan pemalaran tu bendan dio oloNa PUANG lan Tenda Kasitammuan; iatu mintu’ rara sapi laki tu torronapa la nabolloan diong to’ lette’ inan pemalaran dinii mantunu, tu bendan dio to’ ba’ba Tenda Kasitammuan.

EFESUS 5:18

Da mima’pelango anggoro’ tu umpabu’tu tang penggauran, sangadinna la Naponnoikomi Penaa,

1 KORINTUS 1:18

Belanna iatu pangadaran diona pea’ta’, nasanga pa’popetaa to lu lako kasanggangan; apa iake kita lu lakona kamakarimmanan iamo kuasanNa Puang Matua.

ZAKHARIA 14:20

Allo iato la tisura’ dio lu mintu’ giring-giring darang susite nakua: Dipamaindanan PUANG, sia iatu mintu’ kurin lan banuanNa PUANG la susi pindan pa’pi’pikan dio tingayo inan pemalaran.

ZAKHARIA 9:17

Manassa, lendu’ tongan ia kapuana kasalamaranna tu tondok iato, ondongpi lendu’ tongan ia kapuanna kamaballoanna! Iatu gandung umpamaloboran pia muane sia iatu uai anggoro’ ba’ru umpamarumbo pia baine.

MIKHA 5:8

Iatu limammu la matande daona lu mintu’ to unneako, sia mintu’ ualimmu la dipisanni.

YESAYA 55:1

E kamu mintu’ to ma’rang, maikomi lako to’ uai, sia e kamu to tae’ doi’na, maikomi mangalli sia kumande; maikomi, allii tu uai anggoro’ sia pangandu’ tang naolai doi’ sia tang dibaya’.

YESAYA 37:35

Sia la Kurinding pala’ te kota iate, angKu lendokanni, belanna sangangKu sia belanna Daud, taungKu.

PA’TENDENG BALLO 7:9

Iatu lingaromu susito uai anggoro’ mandu mala’bi’ tu lolong tarru’ lako pa’kaboro’ku, sia lembo’ lako pudukna ke mamma’i.

PA’TENDENG BALLO 5:1

– Saemo’ lako pa’lak bungangku, e adingku, e dodo’ sangkalamma’ku, kururukmo tu murungku sia pebangki’ku, kukandemo tu tallo’ merangku sola tani’ enoangku, kuiru’mo tu uai anggoro’ku sia pangandu’ku. E mintu’ sangmaneku, la kumandekomi sia mangiru’, sanabossami, e sangmane karra’ku.

PA’TENDENG BALLO 1:4

Rendenna’ angki sarra’i undi. Nasolammo’ Datu tama bilikna, melo ke unnarrakkan umposendekomi sia umpudi tu mali’mi losong na iatu uai anggoro’! Sipatukomi nakasinnai tau!

1 SAMUEL 17:45

Apa nakua Daud lako to Filistin iato: Iatu iko sae lako kaleku ma’pa’dang sia ma’doke sia ma’doke lambaran, apa aku te sae lako kalemu tete dio sanganNa PUANGna mintu’ ma’dandan maritik, iamotu Kapenombanna kaponan surodadu to Israel, tu muape-ape.

SURA’ KATOMINAAN 4:7

Sia iatu to minaa iato urrarai tu tanduk inan pemalaran pantunuan dupa, tu bendan dio oloNa PUANG lan Tenda Kasitammuan; iatu mintu’ rara sapi laki tu torronapa la nabolloan diong to’ lette’ inan pemalaran dinii mantunu, tu bendan dio to’ ba’ba Tenda Kasitammuan.

ZAKHARIA 14:3

Attu iato la tassu’ tu PUANG, anNa sirari tu mintu’ bangsa iato susitu kapararianNa dolona, tonna allo kasirarian.

ZAKHARIA 2:9

Nakua: Manassa la Kupakedo tu limangKu lako tau iato mai, anna pangrampai tu to mengkanorong lako kalena. Attu iato la mitandai, kumua mangkamo’ Nasua PUANGna mintu’ ma’dandan maritik.