ZAKHARIA 9:14 - Sura' Madatu

¹⁴ La sombo tu PUANG lako tau iato mai sia iatu anak panaNa la tassu’ susito kila’ sia Puangta PUANG la umpannoni napiri tanduk sia la ke’de’ naturu’ angin bara’ rampe lo’na lu.

ZAKHARIA 9:14 Referans Kwoze

PA’PUDIAN 18:14

Gumalugumi tu PUANG dao langi’, sia umpatialling gamaranNa tu Puang Patodoranna – (uran batu sia ruaya borrong).

YESAYA 66:15

Belanna manassa la sae tu PUANG susi api na mintu’ karetaNa sangtinti talimpuru’, la umpapayan kasengkean ma’lulu-lulunNa sia pa’garrak ma’lana-lananNa.

ZAKHARIA 14:3

Attu iato la tassu’ tu PUANG, anNa sirari tu mintu’ bangsa iato susitu kapararianNa dolona, tonna allo kasirarian.

ZAKHARIA 2:5

Sia Aku kalena la napobenteng api tiku lao, kadanNa PUANG, sia la napokamala’biran lan.

YESAYA 27:13

Sia attu ia dukato, la den tu napiri tanduk la dipannoni, anna sae nasang tu tau iato mai, tu tisambo’ lako tana Asyur sia tu diula’i lako Mesir la sae sola nasangi tukku umpenombai PUANG dao buntu maindan dio Yerusalem.

YESAYA 21:1

Inde sia tu kada Napa’petanggungan Puang Matua diona padang aak dio randan tasik. Susito talimpuru’ ma’pamumbuk Lo’ mai pollo’na uai, lu dio mai padang aak, dio mai padang mekarrangan bulu.

KADA OMBO’ LAKO RASULU’ YOHANES 6:2

Kutiromi den misa’ darang busa’, na iatu to ussakei untoe pana; dikamaseimi misa’ makota, sunmi patalo sia kumua anna patalo tarru’.

HABAKUK 3:11

Iatu mata allo sia bulan sorong boko’mo lako inanna; napobua’ arrang anak panaMi tu sumaang lendu’, napobua’ marorrongna doke pandila-dilaMi.

YESAYA 30:30

Attu iato la umpa’perangian gamara mandu mala’bi’Na tu PUANG sia umpa’pekitanan takia’Na tu songlo’ situang kasengkean ma’lulu-lulunNa, sia dukku api ma’kande pu’pu’, sola uai saba’ sia angin bara’ sia uran batu.

IBRANI 2:4

mangka dukamo Nakatottongi Puang Matua tu iannato tete dio tanda kalle-kallean sia tanda mangnga sia ma’rupa-rupa kuasa sia diona kaumpa’kamaseanNa Penaa Masallo’ unturu’ pa’poraianNa.

ROMA 15:19

diona kamatotoranna tanda kalle-kallean sia tanda mangnga, tete dio kamatotoranNa Penaa Masallo’, naurunganni tempon dio mai Yerusalem sia tiku lao sae lako Ilirikum upu’mo kupa’peissanan tu Kareba-kaparannuan diona Kristus.

MATIUS 28:20

sia miada’i susitu mintu’na Kupa’peannan lako kalemi; la miissan kumua: Aku te la tontongNa’ ussisolangkomi sae lako katappuranna lino.

ZAKHARIA 12:8

Allo iato PUANG la urrerungi tu mintu’ to lan Yerusalem, naminda-minda tu titodo dio lu tau iato mai allo iato la susi Daud, na iatu bati’na Daud la susi Puang Matua, sia la sangtinti Malaeka’na PUANG dio tingayona tau iato mai.

YESAYA 31:5

Susi manuk-manuk mettia’, susi dukamoto tu PUANGna mintu’ ma’dandan maritik la umpetayanni Yerusalem, Narampanan sia Nakarimmanni, Nalendokan sia Nakaritutui.

YESAYA 18:3

E kamu mintu’ issinna lino sia mintu’ to untorroi kuli’na padang, iake naosokki tau tu bandera dao ma’buntunna, sipatu la mitiro, sia iake dipannonii tu napiri tanduk, sipatu la miperangii.

YOSUA 10:42

Mintu’ datu iate sia tondokna pissanri natalo Yosua, belanna PUANG, Kapenombanna to Israel, untundui to Israel parari.

MATIUS 24:31

Anna ussua malaeka’Na umpannoni tarompe’ pua, kapua oninna, sia urrampun mintu’ to NapileinNa dio mai matallo matampu’, lo’ mai engkokna padang sae rekke ulunna langi’, tempon dio mai randanna langi’ sae lako randan sangsesena.

HABAKUK 3:14

Anak panana duka ia la Mitossokan tarru’i, tu ulunna surodadunna, tu sae palaoan la mela’tek umpatisambo’na’, butung to unnampello’ to mandasa lan inan kabunianna.

AYUB 37:9

Iatu angin bara’ tassu’ lan mai pangrampunanna, sia kamadinginan lan mai pa’palumpunanna.

PA’PUDIAN 18:15

Napa’panan tu tinaranNa anNa pasisarak-sarakki tu tau iato mai, Napellebaranni tu kila’ sia Napasisarambuan tu tau iato mai.