ZAKHARIA 9:13 - Sura' Madatu

¹³ Belanna la Kue’teran Kaleku tu Yehuda susito pana, la Kupatorro dao pana tu Efraim, sia la Kusarrang tu anakmu, e Sion, sirari anakmu, e Yunani, sia la Kupadadiko misa’ padangna to lalong.

ZAKHARIA 9:13 Referans Kwoze

KADA OMBO’ LAKO RASULU’ YOHANES 17:14

Mintu’i sola nasang la sirari Anak domba, apa la Natalo Anak domba; belanna Iamo Puangna mintu’ puang sia Datunna mintu’ datu; na mintu’ tu baananna patalo duka, iamotu mintu’ to ditambai sia to ditonno’ sia iatu to maruru’.

YESAYA 49:2

Napopendadi la’bo’ mataran tu pudukku; Naongannina’ limanNa, Napadadina’ misa’ tinaran matadi’, Napalanna’i tambilanNa.

ZAKHARIA 1:21

Mekutanamo’ kukua: Apa sae napogau’ te tau iate? Mebalimi nakua: Iamote tu mintu’ tanduk, tu umpatisambo’ Yehuda naurunganni moi misa’ tau, tae’ nabelai unnadongan ulunna; apa saemo te tau iate umpatirambanni tu tau iato mai sia umpempananni tu tandukna mintu’ bangsa, tu unnangka’ tandukna unnea tondok Yehuda, la umpatitale’i male.

PA’PUDIAN 45:3

Mandu maballokomi kamu anna mintu’ ma’rupa tau, iatu kamabalelean dipasitutu’mo randan pudukmi, iamoto anna pamasakkekomi Puang Matua tontong sae lakona.

KADA OMBO’ LAKO RASULU’ YOHANES 19:21

Sia mintu’ tu to senga’ mate napongko pa’dangna To-ussakei darang iato, iamotu pa’dang sun lan mai pudukNa. Na mintu’ manuk-manuk iato nadia’imo duku’na tau iato mai.

KADA OMBO’ LAKO RASULU’ YOHANES 19:15

Sia lan mai pudukNa sun misa’ pa’dang mataran la Naba’tan mintu’ to kapere’. Ia duka la umparentai tekken bassi sia iamo ullullu’ bua anggoro’ lan panglulluran, iamo kamaparranganna kasengkeanNa Puang Matua Umpoissan angge maritik.

KADA OMBO’ LAKO RASULU’ YOHANES 2:12

Surasanni malaeka’ kombongan Pergamus susite: Iamote tu kada lu dio mai Puang tu ma’pa’dang mataran patomali.

KADA OMBO’ LAKO RASULU’ YOHANES 1:16

Lima kananNa untoe pitu bintoen, nalan mai pudukNa nanii tassu’ misa’ pa’dang mataran patomali, sia lindoNa parrang susi mata allo ke attu mapannang.

IBRANI 4:12

Belanna iatu kadanNa Puang Matua tuo sia maatang sia mandu mataran anna pa’dang kemata patomali, sia mandalan pa’kandeanna, naurunganni umpasisarak sumanga’ anna penaa, sia lesokan anna utak buku lampa, sia naissan umpelalan tangnga’ sia lalan penaa.

2 TIMOTIUS 4:7

Kupembela-belai tonganmo lan rari melo diona kapatonganan, kusundunnimo tu tage’ku, kukaritutuimo tu kapatonganan.

EFESUS 6:17

Sia tarimai tu songko’ bassi kamakarimmanan sia pa’dang Penaa, iamotu kadanNa Puang Matua.

OBAJA 1:21

Iatu to mangrampanan la kendek langngan buntu Sion, sia la unnukung buntunna Esau, na iatu kadatuan iato PUANG umpoissanni.

AMOS 2:11

Na iatu anakmi muane Kupadadimo nabi, na iatu to mangurammi Kupadadimo nasiri. Tang susiraka to, e to Israel? KadanNa PUANG.

BATING 4:2

Iato mai anak Sion, tu mala’bi’ tongan, dolona siangga’ bulaan massang, ma’patumbai anna dipapada busso litak, panggaraga to tumampa kurin.

YEREMIA 51:20

Ikomo tu pepa’tongKu sia pa’buno kapararian; na ikomora angKu nisak-nisakki tu ba’tu pira-pira bangsa sia Kusabu’i tu batu pira-pira kadatuan.

PA’PUDIAN 149:6

Iatu pa’pudi-pudian lako Puang Matua la dio bang pudukna, sia iatu limanna sitetang la’bo’ mataran patomali.

PA’PUDIAN 144:1

Pa’pudianna Daud. Mintu’ kadipudian lu lako nasang PUANG, buntu batungku, tu umpopa’biasa limangku parari, sia umpopa’biasa rangka’ku umbua’ mataran.