ZAKHARIA 9:11 - Sura' Madatu

¹¹ La Kurampanan duka tu to dirampa dio lu kalemu lan mai bubun tu tae’ uainna tu belanna umpotoding rara kasibasseammu.

ZAKHARIA 9:11 Referans Kwoze

YESAYA 51:14

Inang madomi’ duka la dirampanan tu to tikongkomo dirante bassi, tae’ nala mate, sia tae’ nala rokko panglamunan sia tae’ nala kapu’duran kande.

KATASSURAN 24:8

Naalami Musa tu rara iato, napi’pikanni tu tau iato mai, anna ma’kada nakua: Tonganna iamote tu rara basse, tu Natanan PUANG misibassei tu menggaronto’ lan mintu’ kada iate.

YESAYA 42:7

la umpamillik mata to buta, la untassu’i to ditarungku lan mai pa’tarungkuan sia la urrampananni lan mai pa’pattangan tu to unno’ko’ lan kamalillinan.

1 KORINTUS 11:25

Susi dukato tu irusan tonna mangka kumande, Nakuami: Iate irusan iate iamo irusan titanan basse ba’ru lan raraKu. Pogau’mi te minii umpengkilalaiNa’, ke miiru’oi.

MATIUS 26:28

Belanna iamote tu raraKu, rara titanan basse ba’ru, tu dipato’do belanna buda tau, napotete kadipa’deian kasalan.

IBRANI 10:29

Tangnga’mi, tumba polepi magasanna tu ukungan sipatu dipakannanni tu to ullullu’ Anakna Puang Matua, sia to ussangai maruttak tu rara basse tu dinii usseroi sia iatu to untelle-telle Penaa oto’na pa’kamasean.

YESAYA 61:1

Narondongna’ PenaanNa Puangta PUANG belanna mangkamo’ Natakko PUANG; Nasuana’ umbaa kareba kaparannuan lako to madiongan penaanna, la umpamanaman to rantang buana sia umpetamban katassuranna to dipattang sia kadirampananna to dirante bassi.

YESAYA 49:9

sia la umpokadanni to dipattang kumua: Tassu’komi sia lako to lan mapi’tukna kumua: Sunkomi lako masiangna! Iatu tau iato mai la dikambi’ dio lu lalan sia mintu’ tanete nanii undaka’ kande.

PA’PUDIAN 69:33

Iatu mintu’ to umpopengkadiongan penaanna la natiro tu iannato situang kaparannuan; melo ke pa’yakki tu penaammi, e kamu mintu’ to undaka’ Puang Matua.

PA’PUDIAN 40:2

Lantuk penaangku untayan PUANG, Napalempeina’ kale sia Natanannimo talinga tu pengkamoyaku,

MARKUS 14:24

Nakuami ungkuanni: Iamote tu raraKu, tu rara titanan basse, dipato’do belanna buda tau.

LUKAS 22:20

Susi dukato tonna mangkamo kumande, Naalami tu irusan, Nakua: Iate irusan iate iamo irusan titanan basse ba’ru lan raraKu tu dipato’do belanna kamu.

YESAYA 58:12

Sia solamu la umbangunni sule tu kota masai allomo daun lauan sia la muoton pole tu parandangan ra’da pariamamo, anna sangaiko tau: to umpemeloi tembo’ tuan sia to umpasule batatta.

PA’PUDIAN 30:3

O PUANG, Kapenombangku, mangkamo’ meongli’ mati’ sia mangkamo’ Mipamatana.

PA’TOLE 5:31

Apa la bendanko inde te ussisolanNa’, angKu pokadangko tu mintu’ pepasan, mintu’ aluk dipondok sia iatu mintu’ atoran, tu sipatu la muadaran tau iato, kumua naturu’i lan tondok tu la Kusoronganni la naala napoapa.

IBRANI 13:20

Puang Matua, oto’na kamarampasan, tu mangka umbaai sule dio mai to’ to mate Pangkambi’ domba, tu umpomala’bi’ rara basse matontongan iamo Puangta Yesu,

LUKAS 4:18

Den Penaa Masallo’Na Puang Matua lan Kaleku, Belanna mangkaMo’ Nabolloi minna’ la umpa’pangadaran Kareba melo lako to kalala’;

YESAYA 42:22

Apa tau iate misa’ bangsa dipangrampai sia dipanglo’do’i, napungomi tau sola nasang lan lo’ko’, anna patamai pa’tarungkuan; iatu tau iato mai butungmo apa dirampa, na moi misa’ tau tae’mo urrampananni; iatu tau iato mai butungmo apa dilo’do’i, na moi misa’ tau tae’mo ma’kada, kumua: Pasulei.

YEREMIA 38:6

Naalami tau iato mai tu Yeremia, naparokkoi bubunna arung Malkia, tu dio tarampak pa’kampan, narorro’i ulang rokko. Lan bubun iato tae’ uai, sangadinna pullan manna; lammakmi tu Yeremia rokko pullan.

KADA OMBO’ LAKO RASULU’ YOHANES 20:3

napembuanganni rokko posi’ tana lambe’, anna lapa’i tu posi’ tana lambe’ iato, sia napalakoi ca’, dikua da anna papusa polei tu mintu’ bangsa, sae lako ganna’na tu sangsa’bu taun, undinna pole to tae’ anna tang dirampanan sangattu’.

DANIEL 2:29

Iatu kamu, o datu, tommi mamma’ dao katindoammi, bu’tumi tu tangnga’ lan penaammi diona tu apa la dadi undinna; na Ia tu umpaombo’ mintu’ rasia, Ia dukamo tu mangka umpamanassai lako kalemi tu apa la dadi undinna.

2 OSSORANNA DATU 7:17

Apa iatu iko, ke lolangko dio oloKu susi kalolanganna Daud, ambe’mu, ammu pogau’i tu mintu’ apa Kupasan lako kalemu sia ungkaritutui tu mintu’ apa Kupondok sia Kupa’parentan,

2 SAMUEL 13:13

Belanna iate aku te, umba la kunii male umbaa siri’ku? Ondongpi kakangku kalena duka la dadi susi misa’ to tang massipa’ dio lu to Israel. Melo ke mupokadanni datu tu diongna penaammu, manassa tae’ nala undampai datu, ke mupobainena’.

LUKAS 16:24

Metambami nakua: O ambe’ku Abraham, kamaseina’, suanna’ dikka’ tu Lazarus, naotonni tu tampak rakka’na rokko uai, nasakka’i bangi tu lilaku, belanna tang kutananmo tu malallangna lan te to’ api.

IBRANI 10:2

Iake nakullei, tang tae’moraka napemalaranni tau tu pesuru’ iato? Belanna iatu to umpogau’ kamenomban, iake dipamaseromi pissan, tae’mo kasalan nasa’ding lan penaanna.

AYUB 33:30

iamotu umpasule deatanna tau dio mai panglamunan, naurungan naarrangi arrang katuoan.

YESAYA 24:22

Tau iato mai la dipopa’misa, susito ditarungku lan lo’ko’, sia la dipattang lan pa’tarungkuan, na undinna to ke masaimi, ditambaimi la diukung.